LUCAS 18:14 - Zapotec Guevea de Humboldt New Testament

¹⁴ Were ne Jesúz: ―Gapyaꞌ laꞌd, mpyquie-rguquix mpuezd zia me, ba güdedy me beeiy ni nehx nzahby guîlquie; per fariseu naꞌ, nehx güdedy me ze. Porni dxu rguguia leegahc, wé nehx zguguia ndruhty lee; no dxu nehx rguguia leegahc, wé we tzuguia.

LUCAS 18:14 Iomraidhean Croise

MATEO 23:12

Porni dxu rguguia leegahc, wé nehx zguguia ndruhty lee; no dxu nehx rguguia leegahc, wé we tzuguia.

MATEO 5:3

―Dxu ñahc beeiy meññ ni nann nehx rsahc xguîlmbahñ bâḻ nehx nu yâme no Dioz, porni xchieñ yâme gyre ni rtzoo Dioz mdad.

LUCAS 1:52

No güloo me ṟeiy yahc de ni rtzoo mdad, no gülesyguia me meññ-nehx rguguia leegahc.

LUCAS 10:29

Per muextr naꞌ, lehdy ñaꞌn me mos lguia ni ganabdiidz me Jesúz mod-wé, were ra me Jesúz: ―¿No dxuz‑e leeme dsâ-bynechaꞌ ni guîntzin lee?

LUCAS 14:11

Porni dxu rguguia leegahc, wé nehx zguguia ndruhty lee; no dxu nehx rguguia leegahc, wé we tzuguia.

LUCAS 16:15

Were ra Jesúz leeyâme: ―Laꞌd rteedy laꞌd laꞌd gahc por meññ-tziaawy ñaz-lo meññ, per Dioz rzaclo xguîlmbahñ laꞌd. Porni ni riuꞌladzy meññ lee la, néladzy Dioz leeu.

ROMANOS 3:20

porni ndruhty nehx zdedy beeiy ni nehx nzahby guîlquie lo Dioz porni rtzoo ni ne leiy, porni nunzy par gann nó nzahby nó guîlquie, leewe nu leiy.

ROMANOS 4:5

Dioz rteedy me meññ beeiy ni nehx nzahby guîlquie, dac por behch ni ntzoo me, mazyg porni rlíladzy me Dioz ni rteedy meññ-dirquihñ beeiy ni nehx nzahby guîlquie.

ROMANOS 5:1

Dioz pteedy me nó beeiy ni nehx nzahby guîlquie porni bylídadzy nó Jesucrist, no leewe nu nó dzie tziaawy no Dioz por Jesucrist ni rtzoo mdad nó.

ROMANOS 8:33

¿Dxu we naꞌ beeiy nruu contr meññ ni ba güle Dioz lee? Dioz gahc rteedy leeyâme beeiy ni nehx nzahby guîlquie.

GÁLATAS 2:16

Per nann nó ndruhty nehx zdedy beeiy ni nehx nzahby guîlquie porni rtzoo ni ne xleiy Moiséz, mazyg porni gylíladzy meññ Jesucrist. No leewe, rlídadzy noꞌ Jesucrist zegahc lehdy tedy noꞌ beeiy ni nehx nzahby guîlquie, dac‑e porni rtzoo noꞌ ni ne leiy, mazyg porni ba bylídadzy noꞌ Crist. Ndruhty nehx ndedy beeiy ni nehx nzahby guîlquie porni ntzoo ni ne leiy.

SANTIAGO 4:10

Lâ tzu ladzyña Dioz no di cuguia laꞌd laꞌd gahc, no were zlesyguia me laꞌd.

SANTIAGO 4:6

Per Dioz ma racno me nó no xlaꞌy me. Leewe rnii lo Guehtzy ru queꞌ xtiidz Dioz: “Dioz rca me xlaꞌy me par meññ ni rguguia leegahc, no racno me meññ-ndoo xguîlriehñ.”