LUCAS 17:4 - Zapotec Guevea de Humboldt New Testament

⁴ Nîcze ctzoo me guîlquie contr lii gahdzy vuelt to dzé, per bâḻ to to vuelt guiaad me, ga me lii: “Rnabaꞌ psiaaḻladzyiꞌ ni ptzon lii”, were psiaaḻladzyiꞌ leeu.

LUCAS 17:4 Iomraidhean Croise

MATEO 18:16

Per bâḻ par leeme nehx xñahzu mod-gayahbyiꞌ leeme la, were gyohbyiꞌ to meññ o chohp meññ mazy tziynoy gyzac, lehdy beeiy guieññ me o lehdy yquihñiꞌ meññ-rieꞌ yahc de testigü.

MATEO 18:35

Ra Jesúz leeyâme: ―Zegahc‑e ctzoo dTadaꞌ ni nu gybaa no laꞌd bâḻ di guioob laꞌd xirman laꞌd nîcze rtzoo yâme laꞌd behch.

MATEO 5:44

Per naa gapyaꞌ laꞌd: Lâ guîntzi meññ-rdziadzyno laꞌd, no lâ gnab lo Dioz cu xlaꞌy me meññ-rniwaty lo laꞌd; lâ gac meññ-tziaawy no meññ-néladzy laꞌd, no lâ gnab lo Dioz güieꞌ me meññ-rtzilytó laꞌd no meññ-rgultihp laꞌd.

MATEO 6:12

Psiaaḻladzyiꞌ guîlquie ni nzahby noꞌ, mod-rsiaaḻdadzy noꞌ ni dirquihñ ni rtzoo meññ noꞌ.

LUCAS 17:5

Ra apóstl yahc Jesúz: ―Lii ni rtzoo mdad, gucno noꞌ ma gylídadzy noꞌ.

ROMANOS 12:20

No zegahc neu: “Bâḻ meññ-rdziadzyno lii galahn me, bdee ni gahgü me, o bâḻ gazaagyladzy me, bdee ni goo me; porni bâḻ ctzoo laꞌd modé la, zahcu beeiy to bial de guîlrtuꞌ par leeme.”