LUCAS 17:20 - Zapotec Guevea de Humboldt New Testament

²⁰ Günabdiidz meññ-nac yahc fariseu Jesúz buc sulo ctzoo Dioz mdad. Were ra me leeyâme: ―Dze-sulo ctzoo Dioz mdad, dac‑e ni güieꞌ meññ leeu, sca mod-nwieꞌ yâme behch cos.

LUCAS 17:20 Iomraidhean Croise

LUCAS 10:11

“Xtâ xyudé guiedzy-rieꞌ ni queꞌ dnieꞌ noꞌ cuihby noꞌ lehdy gann laꞌd ni nahcsy‑e ptzoo laꞌd porni di ntzucas laꞌd noꞌ.” No lâ ga leeyâme: “Racdadzy noꞌ gann laꞌd ba bydziñgahsh dze-ctzoo Dioz mdad ru nu laꞌd.”

LUCAS 14:1

To dze-risladzy meññ, güya Jesúz bictahgü me xiryuꞌ to meññ-guxtisy ni nac fariseu. No dxie zrieñ fariseu, galaꞌdzy leeme bia gynii me o bia ctzoo me.

LUCAS 16:16

’Xleiy Moiséz no xtiidz profet, güyuꞌu par ctzoo meññ mod-neu. Per glohdy dze-biahd Juaṉ ni rchôbnihs, guzlo gayieññ meññ lguia mod-rtzoo Dioz mdad, no gyre yâme ganâbladzy par tzu yâme lo xñahz me.

LUCAS 19:11

Lóhgni gayieññ meññ ganii Jesúz mod-wé, guzlo günino me leeyâme ndaagü lo diidz sto, porni ba bydziñgahsh me Jerusaléṉ, no porni nlâdzyx meññ nwieꞌ gahc yâme gyre mod-rtzoo Dioz mdad.

JUAN 18:36

Ra Jesúz leeme: ―Ru rtzon mdad, dac‑e de lo guiedzylie-rieꞌ leeu. No bâḻ leeu ñahcu ze la, nquelo dmeññaꞌ we, lehdy meññ-Isṟael ni rdziadzyno naa, di nnahzy yâme naa. Per ru rtzon mdad, dac‑e neꞌ leeu.