LUCAS 17:16 - Zapotec Guevea de Humboldt New Testament

¹⁶ No bisshiby me lo Jesúz, lé güdihsh ihqy me lo yu, par bdee me xquix. No mpyquie-rieꞌ naꞌ, meññ-samaritan‑e leeme.

LUCAS 17:16 Iomraidhean Croise

MATEO 10:5

Jesúz pshahl me gydiby tzipychop meññ-rieꞌ yahc, no ra me: ―Di tza laꞌd lo ṟegióṉ ru nu meññ-nehx meññ-Isṟael, no di tzu laꞌd ni to xguiedzy meññ-Samary;

MATEO 2:11

Hor-güyuꞌ yâme leññ yuꞌ we naꞌ, bwieꞌ yâme mdoo no xmam me, Maríe; no bisshiby gahc yâme, bzacbeeiy yâme mdoo; no pshal yâme ni ziyno yâme gady mdoo: or, no yahl no ceitnixye ni le mirra.

MARCOS 5:33

Were ngüna-wé naꞌ, gadzie me lé rzîbyyoob me, no ba nann me bia guhc me, gübigy me no bisshiby me lo Jesúz, no ra me lee gyre ni uli.

LUCAS 17:17

Were ne Jesúz: ―Tzii yâme ni biaḻ de xguîlguihdz. ¿Óz zguee yâme naꞌ?

LUCAS 5:8

Per ru bwieꞌ Simoṉ-Pedr niwé we naꞌ, bisshiby me lo Jesúz, ra me lee: ―Nehx rquihñaꞌ par cuiahziꞌ ru zuun, Señor, porni meññ-guîlquie we naa.

JUAN 4:9

Ra ngüna-samaritan Jesúz: ―¿Bia mód neꞌy gdedyaꞌ nzeꞌ lii, no naquiꞌ meññ-Isṟael, no naa nacaꞌ meññ-samaritan? (Porni meññ-Isṟael nehx rwieꞌ saꞌ yâme mos no meññ-samaritan.)

JUAN 5:23

lehdy gzacbeeiy gyre meññ Xiiñ Dioz mod-rzacbeeiy gahc yâme xTad me. Dxu nehx rzacbeeiy Xiiñ Dioz, nehx rzacbeeiy yâme xTad me ni pshahl leeme.

JUAN 8:48

Were ra meññ-Isṟael yahc leeme: ―Ni uli we rnii noꞌ, lii nehx naquiꞌ dmeññ noꞌ, meññ-samaritan lii, no nu mbenahcsy lii.

HECHOS 1:8

per hor-ba bidtzu Spirt-Sant xguîlmbahñ laꞌd, tzu gahc xpoder Dioz laꞌd, no dzigyuno laꞌd meññ dtiidzaꞌ Jerusaléṉ, no gydo lo ṟegioṉ-Judea no lo ṟegioṉ-Samary, no gydo-bynac lo guiedzylie.

1 CORINTIOS 14:25

No lóni gayieññ me ni ganii laꞌd, gyxal lo ni nungaꞌdzy leññ xguîlmbahñ me, no zisshiby me lo Dioz no zguguia me lee, no znii me ulihbu nu Dioz no laꞌd.

APOCALIPSIS 19:10

Hor-bieññaꞌ ze, bisshibyaꞌ lo ángel par nzacbeeiyaꞌ leeme. Per ra me naa: ―Di gzacbeeiyiꞌ naa; xtziiñ Dioz‑e rtzon beeiy gahc lii no gyre meññ-xirmaniꞌ ni nehx rsaꞌn de ni runo yâme meññ xtiidz Jesúz. Bzacbeeiy Dioz. Porni xtiidz Jesúz, leeu we ni risnii xmeññ me ni runo leeu zrieñ meññ.

APOCALIPSIS 4:10

gydiby veinticuatr mînguhl ni rahc ni rnii, risshiby yâme ñaz-lo ni dxie ru rtzoo mdad, no rguguia yâme ni mbahñ ni nehx ziuꞌ dzé gaty, no rlee yâme xcoron yâme nieꞌ ni dxie me lo ru rtzoo me mdad, no ra yâme leeme:

APOCALIPSIS 5:14

No gydap ni mbahñ ne: ―¡Modé gacu! No gydiby veinticuatr mînguhl ni rahc ni rnii, bisshiby yâme no bzacbeeiy yâme ni dxie ru rtzoo mdad, no zegahc bzacbeeiy yâme xiily.