LUCAS 16:15 - Zapotec Guevea de Humboldt New Testament

¹⁵ Were ra Jesúz leeyâme: ―Laꞌd rteedy laꞌd laꞌd gahc por meññ-tziaawy ñaz-lo meññ, per Dioz rzaclo xguîlmbahñ laꞌd. Porni ni riuꞌladzy meññ lee la, néladzy Dioz leeu.

LUCAS 16:15 Iomraidhean Croise

MATEO 23:5

Rtzoo yâme ni mos lehdy güieꞌzy meññ; rlihby yâme ruꞌ lque yâme no lo xihcü yâme cajyañ-guiedy ni nu guehtzy leññ ni güyaa xtiidz Dioz lo, no rtzuxlahg yâme leeu; no rtzunduhñ yâme xinday lahr ni ruhtz yâme.

MATEO 6:16

’Hor-ctzoo laꞌd ayun, na di ctzutrixd lo laꞌd beeiy meññ-ne meññ-tziaawy lee nîcze nehx uliu; rtzutrixd lo yâme lehdy güieꞌ meññ gatzoo yâme ayun. Gapyaꞌ laꞌd ni uli, no niwéhzy‑e ba güyuꞌ cuentu.

MATEO 6:2

No leewe, ru gacnoy meññ-nehx rahp ni tedydzé, di ctzunyetziꞌ lehdy güieꞌ meññ ni gatzooy, mod-rtzoo meññ-ne meññ-tziaawy lee nîcze nehx uliu; rtzoo yâme ze leññ idoo no lo call lehdy cuguia meññ leeyâme no ni rtzoo yâme. Gapyaꞌ laꞌd ni uli, no niwéhzy‑e ba güyuꞌ cuentu.

MATEO 6:5

’Hor-gynino laꞌd Dioz, di ctzoo laꞌd beeiy rtzoo meññ-ne meññ-tziaawy lee nîcze nehx uliu; porni riuꞌladzy yâme suli yâme lóni ganino yâme Dioz leññ idoo no ru rdedy xtahl meññ leññ guiedzy, lehdy güieꞌ meññ ni rtzoo yâme. Gapyaꞌ laꞌd ni uli, no niwéhzy‑e ba güyuꞌ cuentu.

LUCAS 10:29

Per muextr naꞌ, lehdy ñaꞌn me mos lguia ni ganabdiidz me Jesúz mod-wé, were ra me Jesúz: ―¿No dxuz‑e leeme dsâ-bynechaꞌ ni guîntzin lee?

LUCAS 11:39

Were, ra Jesúz leeme: ―Laꞌd ni nac meññ-nac yahc fariseu, zidguiahc laꞌd‑e beeiy vas no blad ni nyar nunzy chehsh, per luxu leññ xguîlmbahñ laꞌd beedyu porni bydzeꞌu gyrehzy guîlgübaan no zrieñ ni dirquihñ.

LUCAS 18:11

Fariseu we zuli, no ne: “Rdedyaꞌ xquixiꞌ, Dioz, porni nehx nacaꞌ beeiy zrieñ meññ. Nehx rbaanaꞌ, nehx rtzon mbehty ni dirquihñ, no nehx rzenon ndzab-tziahl sto, ni nehx nacaꞌ beeiy mpyquie-zu wé ni rguquix mpuezd.

LUCAS 18:14

Were ne Jesúz: ―Gapyaꞌ laꞌd, mpyquie-rguquix mpuezd zia me, ba güdedy me beeiy ni nehx nzahby guîlquie; per fariseu naꞌ, nehx güdedy me ze. Porni dxu rguguia leegahc, wé nehx zguguia ndruhty lee; no dxu nehx rguguia leegahc, wé we tzuguia.

LUCAS 18:21

Were ra mpyquie-wé leeme: ―Gyre nirieꞌ gatzon mod-ne glo nwiñaꞌ.

LUCAS 18:9

Gyzac günii Jesúz ndaagü lo diidz par meññ ni ne meññ-tziaawy leeyahc no luxu di rlaby yâme zâ-bynech, ne me:

LUCAS 20:20

Güliahz yâme güyuꞌr to mód, were güluꞌ yâme meññ-güya par nisquiee leeme, ndedy por meññ-tziaawy par nwieꞌ bâḻ nnii me behch, lehdy ñuꞌ mod-nnahzy yâme leeme par niyno yâme leeme lo gobernador.

LUCAS 20:47

Rboo yâme xyuꞌ ngünaviud, no sto lad ba zu yâme ruuḻ yâme laꞌy xtze, rluuw ulihbu meññ-tziaawy leeyâme; per ma xroꞌ guîlné we ycaꞌ yâme.

JUAN 2:25

No nehx rbiahz me ña ndruhty leeme ni nac cad to meññ, porni nann me ni nu leññ xguîlmbahñ meññ.

JUAN 21:17

Ni bionn vuelt ra Jesúz leeme: ―Simóṉ, xiiñ Jonáz, ¿ndziy naa la? Güyuꞌ Pedr trixd, porni ba tzonn vuelt gaya Jesúz bâḻ ndzi Pedr leeme. Were ra Pedr leeme: ―Señor, lii nanniꞌ gyreu; lii nanniꞌ ndzin lii. Ra Jesúz leeme: ―Bwieꞌ dmeññaꞌ; zidguiahc yâme beeiy xiily.

HECHOS 1:18

Per leeme, güxii me to lyu no medy ni cuaꞌ me lo ni dirquihñ ni ptzoo me; wé biahb me, bzu ihqy me no güriahz leññ me, lé byruu xsiee me.

HECHOS 1:24

Luxu, günab yâme lo Dioz, ne yâme: ―Lii ni rtzoo mdad no rzacloꞌy to to xguîlmbahñ meññ, bluu noꞌ dxu de gyrop mpyquie-rieꞌ cueꞌy

HECHOS 15:8

Dioz ni rzaclo xguîlmbahñ meññ, bdee me diidz hor-bdee me Spirt-Sant leeyâme, mod-ptzoo gahc me no nó.

ROMANOS 3:20

porni ndruhty nehx zdedy beeiy ni nehx nzahby guîlquie lo Dioz porni rtzoo ni ne leiy, porni nunzy par gann nó nzahby nó guîlquie, leewe nu leiy.

ROMANOS 8:27

No Dioz rzaclo me xguîlmbahñ gyre meññ, no rieññ me ni ne Spirt-Sant, porni rnab Spirt-Sant lo Dioz mod-racladzy Dioz por gyre xmeññ me.

1 CORINTIOS 4:5

No leewe, di glaꞌdzy laꞌd mbehty ru dgueññ ziaꞌr gydzihñ xdzéu; lâ cuiahz guiaad gax Crist, leeme gboo lo byniꞌ ni nu beeiy lo guibcawy, no cshal me lo ni nu leññ xguîlmbahñ meññ, no quix Dioz to to meññ no ni mos ni ptzoo.

1 PEDRO 3:4

mazyg leññ xguîlmbahñ laꞌd‑e gactziaawy de ni gacndoo xguîlriehñ laꞌd no de ni tzu laꞌd dzie tziaawy; nirieꞌ yahc‑e nehx znihty, no modni rsahcu lo Dioz.

1 PEDRO 5:5

No zegahc mêññxtohby, gzoob yâme xtiidz mînguhl yahc. Lâ gzobdiidz saꞌ laꞌd no di cuguia laꞌd laꞌd gahc, porni lo Guehtzy ru queꞌ xtiidz Dioz neu: Dioz rca me xlaꞌy me no meññ ni rguguia leegahc, no racno me meññ-ndoo xguîlriehñ.

APOCALIPSIS 2:23

no zgatyaꞌ xmeññ me togahcs. Ctzon ze lehdy gann gyre xmeññ Dioz naa rzacloꞌn xtâ leññ xguîlmbahñ meññ, no nannaꞌ bia rnii leññ ihqy yâme; no naa zguixaꞌ to to meññ no mod-rtzoo.