LUCAS 13:33 - Zapotec Guevea de Humboldt New Testament

³³ Rapaꞌ de ni tzan dzêrieꞌ, cshe no widz par gydzihñaꞌ Jerusaléṉ, porni wé we rahp de ni gaty gyre meññ ni nac yahc profet.

LUCAS 13:33 Iomraidhean Croise

MATEO 20:18

―Sca-ze gawieꞌ laꞌd, zo nó Jerusaléṉ, no naa, Mpyquie-Pshahl Dioz Lee, uga zdee dxuhch naa lo ña xjefy yahc bahl no lo ña muextr ni ruuḻ yahc xleiy Moiséz. No znii yâme rapaꞌ de ni gatyaꞌ;

MATEO 21:11

No ra lahd yâme: ―Jesúz‑e leeme, profet ni byruu guiedzy-Nasaret ni nu lo ṟegioṉ-Galilea.

LUCAS 9:53

Per hor-gunn meññ-nu leññ guiedzy-caḻ Jerusaléṉ tza me, di ndee yâme lgar ndzihñ me uga.

JUAN 11:54

No leewe, Jesúz ba nehx rzeꞌ me neññ lahd meññ-Isṟael; beeiydí byruu me ru nac ṟegioṉ-Judea, no za me coo yu-bihdzy, sto guiedzy ni le Efraíṉ. Uga güyuꞌ me no xmeññ me.

JUAN 11:9

Ra Jesúz leeyâme: ―¿Dâs‑e tzipychop hór nu byniꞌ to dzé la? Dxu rzeꞌ yudzé, mbehty nehx rraḻ nieꞌ, porni rwieꞌ me byniꞌ ni nu lo guiedzylie-rieꞌ;

JUAN 12:35

Ra Jesúz leeyâme: ―Hôrrieꞌ nu ni nac beeiy byniꞌ ru nu laꞌd stoozy dzé. Lâ tzu lou leegâ nuw no laꞌd, lehdy di tzu laꞌd beeiy lo guibcawy; porni dxu nu beeiy lo guibcawy, nehx nann bá za.

JUAN 4:34

Per Jesúz ra leeyâme: ―Ni zidguiahc beeiy dguîlrahguaꞌ, leeu we de ni ctzon ni ne Dioz ni pshahl naa, no luxaꞌ xtziiñ me.

JUAN 9:4

Leegâ nun neꞌ, rapaꞌ de ni ctzon xtziiñ Dioz ni pshahl naa, porni zdzihñ dzé ba ndruhty nehx beeiy ctzoo dziiñ.

HECHOS 10:38

No nann laꞌd pshahl Dioz Jesúz ni nac meññ-Nasaret no güluꞌ me Spirt-Sant no zegahc poder xguîlmbahñ, no Jesúz güzeꞌ me gucno me meññ no psiaḻ me meññ ni nu bêndzab lee, porni nu Dioz no leeme.

HECHOS 13:27

Meññ-nu yahc Jerusaléṉ no xguxtisy yâme nehx nann yâme dxu we Jesúz, ni nehx rieññ yâme ni rnii lo libr ni bzaa profet yahc ba xtze, nîcze ruuḻ yâme leeu leññ idoo gyre dze-risladzy meññ. Dze-biꞌdy yâme Jesúz, ptzoo yâme ni rnii lou.