LUCAS 13:32 - Zapotec Guevea de Humboldt New Testament

³² Were ra Jesúz leeyâme: ―Lâ tza, lâ dzigyne mpyquie-mañ-wé: “Dzêrieꞌ no cshe csiaḻaꞌ meññ-rahp mbenahcsy no zrieñ meññ-gayac-ure yahc, no widz luxaꞌ dixtziñaꞌ.”

LUCAS 13:32 Iomraidhean Croise

MARCOS 6:14

Bieññ ṟeiy-Herody ni gatzoo Jesúz, porni byzaꞌzy gayu meññ diidz gyre ni gatzoo Jesúz. No ne Herody: ―Juaṉ ni rchôbnihs‑e gübahñ de lahd mînguty gyzac, no leewe beeiyu leeme rtzoo me nirieꞌ yahc ni rtzunadz meññ lee.

JUAN 10:32

Per Jesúz ra leeyâme: ―DTadaꞌ gucno ptzon xtahl ni mos ni bwieꞌ laꞌd; ¿por bia de leeyahcu naꞌ, cshadguie laꞌd naa?

JUAN 19:30

No byluxz güee me vinagyr, ne me: ―Gyreu ba bylux. No bgaaḻ ihqy me, no guhty gahc me.

HEBREOS 2:10

Dioz bzaa me gyre ni nu no gyreu nu ladzyña me, no biuꞌladzy me tziyno me xtahl meññ ycaꞌ yâme xguîlbyniꞌ me scâsy xiiñ me. Dioz güdahp me de ni bdee me ñahz güdedy Jesúz ni nadz, no mod-wé gucnza de ni biahd me, porni leeme we ni zunier lahd gyre xiiñ Dioz par guislaa me leeyâme.

HEBREOS 5:9

no mod-wé bislux me gyre ni güyuꞌ par ctzoo me, no leewe bidguiahc me ni guislaa gyre meññ togahcs ni gzoob xtiidz me;

HEBREOS 7:28

Xleiy Moiséz rniiu dxu gac xjefy yahc gyre bahl, no bal-rieꞌ yahc naꞌ, nehx gyreu beeiyu leeyâme; per Dioz, bylux de ni bdee me leiy-rieꞌ, günii me Xiiñ me ni togahcs ptzoo gyre ni ne Dioz, wé we gac bahl ni nac jefy.