LUCAS 13:3 - Zapotec Guevea de Humboldt New Testament

³ Gapyaꞌ laꞌd, dac‑e por leeu guhty yâme. Laꞌd znihty laꞌd‑e zegahc, bâḻ di csaan laꞌd ni nahcsy ni nac laꞌd.

LUCAS 13:3 Iomraidhean Croise

MATEO 12:45

Were rigyohbyu zgahdzy mbenahcsy ni ma udedy que leeu, no hor-ba ptohp saꞌu, ribyguiat yahcu, riuꞌu meññ-wé sto; no ba ma udedy meññ-dirquihñ rahc meññ ni ba byrohp riuꞌ mbenahcsy lee. Mod-wé gahc‑e gac gyre meññ-dirquihñ ni nu ni naꞌ.

MATEO 22:7

Niwé bwieꞌ ṟeiy, bydziaꞌdzy me no pshahl me xsoldad me biygaꞌdy meññ-dirquihñ ni biꞌdy meññ-rtzoo ximdad me no pquee gue gyre yuꞌ ni nu xguiedzy yâme.

MATEO 3:2

gaya me: ―Lâ csaan ni nahcsy ni nac laꞌd, porni ba zidgahsh dzé ni ctzoo Dioz mdad.

LUCAS 13:2

Were ra Jesúz leeyâme: ―¿Nlâdzy laꞌd meññ-Galilea guhc yâme mod-wé porni ma meññ-guîlquie leeyâme que zrieñ xmeññ yâme la?

LUCAS 13:4

¿No nlâdzy laꞌd ma meññ-guîlquie we dicioch meññ ni guhty dze-pshaꞌd to torr lee ni güyuꞌ Siloé que zrieñ meññ-Jerusaléṉ la?

LUCAS 13:5

Gapyaꞌ laꞌd, dac‑e por leeu guhty yâme. Bâḻ laꞌd di csaan laꞌd ni nahcsy ni nac laꞌd la, znihty gyre laꞌd‑e zegahc.

LUCAS 24:47

no cshahl me dxu tza dzigyuno meññ yahc diidz de leeme par csaan yâme ni nahcsy ni nac yâme lehdy csiaaḻladzy Dioz xguîlquie yâme. No sulo xtiidz me Jerusaléṉ no xtâ glo iguw gydo lo guiedzylie.

HECHOS 3:19

No leewe, lâ gyo Dioz no lâ csaan ni nahcsy ni nac laꞌd, lehdy csiaaḻladzy Dioz gyre xguîlquie laꞌd, no were zactziaawy xguîlmbahñ laꞌd.