LUCAS 12:33 - Zapotec Guevea de Humboldt New Testament

³³ Lâ ctoꞌ ni rahp laꞌd lehdy gacno laꞌd meññ-byzahby. No bâḻ ctzoo laꞌd ze la, rahc cuent gagutziaawy xmedy laꞌd‑e ru di znihtyu. No mod-wé galesytziaawy laꞌd ni ma rsahc xtâ gybaa ru nehx ziuxu no ru di zaḻ tzu meññ-gübaan o ñuꞌ mblaa gahgü leeu.

LUCAS 12:33 Iomraidhean Croise

MATEO 19:21

Ra Jesúz leeme: ―Bâḻ racladzyiꞌ di gydzial mbehty doḻ chehshiꞌ la, güya, ptoꞌ ni rahpiꞌ, no bdee xmedyu ycaꞌ meññ-nehx rahp mbehty, were zahpiꞌ xtahl ni rsahc gybaa; luxu guiaadiꞌ, tzaꞌy no naa.

LUCAS 11:41

Per de ni rahp laꞌd, lâ gdee gun ycaꞌ meññ-byzahby, no were guieññ ba nye xguîlmbahñ laꞌd, no dac nunzy de lguia.

LUCAS 12:21

Mod-wé we rahc meññ ni riuꞌladzy gap xtahl medy, per par Dioz nehx rahp yâme mbehty.

LUCAS 16:9

’Per gapyaꞌ laꞌd, lâ ctzoo nirieꞌ: Lâ yquihñ guîlṟicü ni rahp laꞌd lo guiedzylie-rieꞌ par gap laꞌd xtahl mígü, lehdy hor-ba byreu no nehx rahp laꞌd mbehty neꞌ, per nu dxu gabiahz laꞌd lgar ru ba nehx zehty ndruhty.

LUCAS 18:22

Hor-bieññ Jesúz ni günii me we naꞌ, ra leeme: ―Per nu ziaꞌr to ni riaadziꞌ: güya, ptoꞌ gyre ni rahpiꞌ no bdee xmedyu meññ-nehx rahp mbehty, were zahpiꞌ xtahl ni rsahc gybaa; luxu guiaadiꞌ, tzaꞌy no naa.

JUAN 12:6

Per Jud günii me ze, dac porni ndzi me meññ-pobr, mazyg porni gübaan leeme, no lo ña me nu bush ru nu xmedy yâme, no rban me lo medy ni rguꞌ yâme leññ bush.

HECHOS 2:45

No rtoꞌ xtziiñ yâme no zrieñ ni rahp yâme, rguiiz yâme sahcu rcaꞌ meññ-rman ni gayaadz ni yquihñ.

2 CORINTIOS 8:2

porni güdedy yâme xtahl ni nadz no ni ngann yahc, per güdahp yâme xroꞌ guîlrxihly; no nîcze meññ-pobr leeyâme, per modni xtahl medy-gun bdee yâme no to guîlmbañ-mos.