LUCAS 11:9 - Zapotec Guevea de Humboldt New Testament

⁹ No mod-wé gahc‑e, lâ ctzoo: Lâ gnab lo Dioz, no zdee me ni rnab laꞌd; lâ gyo, no zdzial laꞌd ni ryo laꞌd; lâ gynii chehsh puert, no sshalu.

LUCAS 11:9 Iomraidhean Croise

MATEO 21:22

No gyre ni gnab laꞌd hor-ganino laꞌd Dioz la, zdee meu laꞌd bâḻ rlíladzy laꞌd.

MATEO 21:31

¿Dxu de lo gyrop yâme ptzoo ni ne xtad? Ra yâme Jesúz: ―Ni ra me nier lee. Ra Jesúz leeyâme: ―Gapyaꞌ laꞌd ni uli, meññ-rcuquix mpuezd no meññ-ngünaa yahc ni nehx rahp tohzy mpyquie, ma ngueeḻy ziuꞌ yâme ru rtzoo Dioz mdad que laꞌd.

MATEO 6:29

per gapyaꞌ laꞌd, ni ṟeiy-Salomóṉ no gyre ni mos ni güdahp me, nehx biygahl me ñacmos shab me beeiy to lahd yahcu.

MARCOS 11:24

No leezuwe gapyaꞌ laꞌd, gyre ni gnab laꞌd hor-ganino laꞌd Dioz la, lâ gylíladzy laꞌd ba cuaꞌ laꞌdu, no zdee Diozu laꞌd.

MARCOS 13:37

Ni gapyaꞌ laꞌd, gapyaꞌnu gyre meññ: ¡Gax lâ güieꞌ!

LUCAS 11:10

Porni dxu rnab la, rcaꞌ; no dxu ryo la, rdzial ni ryo; no dxu rnii chehsh puert la, rxalu par tzu yâme.

JUAN 14:13

Naa stzon gyre ni gnab laꞌd por dlen, lehdy tzuguia dTadaꞌ por naa.

JUAN 15:16

Dac‑e laꞌd güle naa, mazyg naa we güleꞌn laꞌd, lehdy tza laꞌd no gyruqueꞌ ni ctzoo laꞌd, no nehx znihtyu. No mod-wé, nitisy gnab laꞌd lo dTadaꞌ por dlen, zdee meu laꞌd.

JUAN 15:7

’Bâḻ di csaꞌn laꞌd de ni nu laꞌd tohzy no naa, no ctzoo laꞌd gyre ni rlun laꞌd, lâ gnab nitisy racladzy laꞌd, no scaꞌ laꞌdu.

JUAN 4:10

Ra Jesúz leeme: ―Bâḻ ñanniꞌ bia rdee Dioz, no bâḻ ñanniꞌ dxu we naa ni ganab nzeꞌ lii, lii we nnabiꞌyu naa, no naa ndedyaꞌ lii ni zidguiahc beeiy nzeꞌ ni rdee guîlmbahñ.

ROMANOS 2:7

Zdee me guîlmbahñ ni nehx zluhx gyre meññ ni nehx rxiññladzy rtzoo ni nac xñahzû, no ni gabiahz cuguia Dioz lee, no glesyguia Dioz lee, no gdee Dioz lee guîlmbahñ ni nehx zdibylgaa;

2 CORINTIOS 6:2

Porni rnii Dioz lo xGuehtzy me mod-rieꞌ: Dze-ba bydzihñ ni gacnon lii, bieññaꞌ lii; no dze-guislaan meññ de lo guîlnadz ni ziaad, ba gucnon lii. Lâ güieꞌ, naꞌ gahc‑e dze-gacno Dioz meññ; naꞌ gahc‑e dze-guislaa me meññ de lo guîlnadz ni ziaad.

HEBREOS 11:6

Per di raḻ ctzoo meññ ni gyxilyno Dioz bâḻ nehx rlíladzy yâme Dioz, porni par gybigy meññ gahsh de Dioz la, rahp yâme de ni gylíladzy yâme nu Dioz no nu ni riscady me meññ ni ryo leeme.

HEBREOS 4:16

No leewe, gybigy nó gahsh ru dxie Dioz ni nu laꞌy lee, no di yqueꞌdadzy nó, no leeme guioob me nó no cu xlaꞌy me nó hor-gaquihñ nó xguîlracno me.

SANTIAGO 1:5

Bâḻ dxuhch de laꞌd nehx nann xnahc ctzoo, gnab me lo Dioz lehdy gdee guîlriehñ leeme; Dioz, rdee me ni rnab meññ no nehx rreu, no nehx ne me nehx rquihñ gdee me ni rnab meññ leeme.

SANTIAGO 5:15

No bâḻ rlíladzy yâme ctzoo Dioz ni ganab yâme la, ziaḻ me, no ziahs me porni Dioz stzoou; no bâḻ ptzoo me guîlquie, Dioz csiaaḻladzy xguîlquie me.

1 JUAN 3:22

no nitisy ni gnab nó, zdee meu nó, porni rtzoo nó ni rtzoo me mdad ctzoo meññ no rtzoo nó ni riuꞌladzy me.

APOCALIPSIS 2:24

No zrieñ laꞌd ni nu leññ guiedzy-rieꞌ, ni nehx gatzoo mod-galuu ngüna-wé, no nehx byzeedy laꞌd ni ne yâme guîlnann ni nungaꞌdzy xchieñ bêndzab, gapyaꞌ laꞌd: Naa nehx stzon mdad ctzoo laꞌd zrieñ ni zidguiahc beeiy yuu;