LUCAS 11:45 - Zapotec Guevea de Humboldt New Testament

⁴⁵ Were byruu to lahd muextr ni nann leiy, ra leeme: ―Muextr, gyre mod-ganiiy la, noc noꞌ we gaguiñdiidziꞌ.

LUCAS 11:45 Iomraidhean Croise

MATEO 22:35

no to lahd yâme nac muextr ni nann xleiy Moiséz zaꞌgndzi; bignabdiidz me Jesúz lehdy güieꞌ me bia ga leeme no lehdy nsiahb me lee no to ni ngann, ra me lee:

LUCAS 11:46

Ra Jesúz leeme: ―¡Baazy dzii de laꞌd, muextr ni nann yahc leiy! Rtzohd mdad meññ ctzoo ni nehx beeiy, no laꞌd di ne ctzoo mbehty gahcu.

LUCAS 11:52

’¡Baazy dzii de laꞌd, muextr ni nann yahc leiy! Porni rcaꞌdzy laꞌd ni uli, di nehd gluuw meññ lehdy di gann ndruhty leeu. Nehx rlíladzy laꞌd leeu, ni di ne laꞌd gdee lgar meññ ni riuꞌladzy ñahc dmeññaꞌ lee.

LUCAS 7:30

Per meññ-nac yahc fariseu naꞌ no zrieñ muextr ni nann yahc leiy, nehx biuꞌladzy yâme ñac yâme xmeññ Dioz, no di ne yâme nchôbnihs Juaṉ leeyâme.

JUAN 7:48

¿Nehxni ba nu dxuhch de dlahd noꞌ ni nac guxtisy, o lahd meññ-nac yahc fariseu, ba bylíladzy leeme?

JUAN 7:7

Meññ-nu lo guiedzylie nehx néladzy yâme laꞌd; per naa néladzy yâme, porni rdedyaꞌ diidz ni nahcsy ni rtzoo yâme.

JUAN 9:40

Lahd meññ-nac yahc fariseu ni zu gahsh ru zu Jesúz, ru bieññ yâme ni günii me, ra yâme leeme: ―¿Neꞌy la, noꞌ we ngaḻ zegahc?