LUCAS 11:29 - Zapotec Guevea de Humboldt New Testament

²⁹ Gadohp ziaꞌ meññ ru zu Jesúz, guzlo ne me: ―Meññ ni nu yahc ni naꞌ, meññ-dirquihñ‑e leeyâme; ne yâme nwieꞌ yâme ñahc to ni ngann ni nunzy Dioz beeiy rtzoo. Per ba nehx zwieꞌ yâme zrieñ ni ngann ni ñahc, mazyg beeiy ni ngann ni guhc no Jonáz.

LUCAS 11:29 Iomraidhean Croise

MATEO 3:7

Hor-bwieꞌ Juaṉ ziaad xtahl meññ-nac yahc fariseu no meññ-nac yahc saduceu par gyrôbnihs, ra me leeyâme: ―¡Laꞌd meññ-dirquihñ ni zidguiahc beeiy mbaḻbeedzy! ¿Dxu ra laꞌd beeiy gylaa laꞌd de lo xguîlné Dioz ni ziaad?

MARCOS 8:38

Porni dxu qytuno naa no dtiidzaꞌ ñaz-lo meññ-rieꞌ yahc ni nu ni naꞌ ni nehx rzobdiidz Dioz no rtzoo guîlquie, zegahc‑e naa, Mpyquie-Pshahl Dioz Lee, stuꞌn gynin dmeññaꞌ leeyâme dze-guiaḻaꞌ no gyre x‑ángel Dioz lo xguîlbyniꞌ dTadaꞌ.

LUCAS 11:16

No zrieñ yâme, lehdy nwieꞌ yâme bia beeiy rtzoo me, günab yâme ntzoo me to ni ngann ni nunzy Dioz beeiy rtzoo.

LUCAS 11:50

No meññ-nu ni naꞌ, rahp de ni iguquix Dioz lee ni bgaꞌdy yâme profet xtâ glo dzé ni güyaa guiedzylie.

LUCAS 12:1

Lo gahc hor-wé guzlo bydohp mily no mily meññ ru zu Jesúz, lé raꞌñ saꞌ yâme. No guzlo ra me nier xmeññ me: ―Lâ gap laꞌd no ni nac meññ-fariseu, ni zidguiahc beeiy levadur; leeu we de ni ne yâme meññ-tziaawy leeyâme nîcze nehx uliu.

LUCAS 9:41

Were ne Jesúz: ―¡Laꞌd ni nu ni naꞌ, nehx rlíladzyt naa no meññ-dirquihñ laꞌd! ¿Xtâ buc rapaꞌ de ni tzun lahd laꞌd, no xtâ buc beeiy ctibdadzyaꞌ laꞌd? Were ra me mpyquie-wé: ―Dno xiiñiꞌ neꞌ.

JUAN 2:18

Ra meññ-Isṟael leeme ni rtzoo mdad: ―¿Bia ni ngann ctzooy lehdy gann noꞌ dxu naquiꞌ ctzooy gyre nirieꞌ?

JUAN 6:30

Ra yâme leeme: ―¿Bia ni ngann rtzooy, nwieꞌ noꞌ lehdy gylídadzy noꞌ lii? ¿Bluu noꞌ ni beeiy rtzooy?

JUAN 8:44

Bêndzab, leeme we xtad laꞌd, no racladzy laꞌd ctzohd ni riuꞌladzy me. Pur guîlrgaꞌdy rtzoo me glo ba xtze diaa, no nehx rnii me ni uli. Ru risquiee me, leegahcme rdee diidz mbuxter‑e leeme, no nier leeme bisquiee.

1 CORINTIOS 1:22

Meññ-Isṟael racladzy yâme güieꞌ yâme ni ngann ni nunzy Dioz beeiy rtzoo, no meññ-nehx meññ-Isṟael riuꞌladzy guieññ yâme ni zidno guîlnann;