LUCAS 10:19 - Zapotec Guevea de Humboldt New Testament

¹⁹ Per ba ptzon laꞌd meññ ni beeiy ctzoo xroꞌ cos, xtâ chehsh mbaaḻ no mbiagü beeiy seꞌ laꞌd, no zegahc gyre ni rtzoo bêndzab beeiy zniꞌdy laꞌd lee, no nehx zahc laꞌd mbehty.

LUCAS 10:19 Iomraidhean Croise

MARCOS 16:18

bâḻ nnahzy yâme mbaaḻ lo ña yâme, o ñoo yâme ni rahp venen, nehx zahc yâme mbehty; cshob ña yâme chehsh meññ ni gayac-ure, no ziaḻ.

LUCAS 11:12

O bâḻ nnab me to lunguiedy gahgü me, ¿ndee laꞌd leeme aaḻ to mbiagü la?

HECHOS 28:5

Per Pabl naꞌ, güdzihby ña me lehdy blee me mbaaḻ lo gue no mbehty nehx guhc me.

ROMANOS 16:20

Dioz ni rguꞌ meññ dzie tziaawy, nehx zdedy de ni gnidylo me bêndzab, no stzoo laꞌd mdad lee. Jesucrist ni rtzoo mdad nó, cu xlaꞌy laꞌd.

APOCALIPSIS 11:5

Dxu racladzy ctzuné leeyâme, squee yâme gue lee no gue ni gboo yâme ruꞌ yâme, no modé zgaꞌdy yâme gyre meññ-gacladzy ctzuné leeyâme.