LUCAS 10:16 - Zapotec Guevea de Humboldt New Testament

¹⁶ Were ra me xmeññ me ni cshahl me lee: ―Dxu yquee ihqy xtiidz laꞌd la, dtiidzaꞌ we rquee ihqy yâme. No dxu rruu contr laꞌd la, contr naa we rruu yâme. No dxu rruu contr naa la, contr Dioz ni pshahl naa we rruu yâme.

LUCAS 10:16 Iomraidhean Croise

MATEO 10:40

’Dxu rcaꞌ xtiidz laꞌd, rcaꞌ yâme dtiidzaꞌ zegahc; no dxu rcaꞌ dtiidzaꞌ la, rcaꞌ xtiidz Dioz ni pshahl naa.

MATEO 18:5

No bâḻ dxuhch, porni rzobdiidz naa, gacno to beeiy mbiux-rieꞌ la, scâsy ñacno yâme naa we.

MARCOS 9:37

―Bâḻ dxuhch, porni rzobdiidz naa, gacno to beeiy mbiux-rieꞌ la, scâsy ñacno yâme naa we; no dxu ycaꞌ dtiidzaꞌ la, dac‑e dtiidzaꞌ gacáꞌ yâme, mazyg gacáꞌ yâme xtiidz Dioz ni pshahl naa.

LUCAS 9:48

Luxu, ra me leeyâme: ―Bâḻ dxuhch, porni rzobdiidz naa, gacno me mbiux-rieꞌ la, scâsy ñacno yâme naa we. No dxu ycaꞌ dtiidzaꞌ la, gacáꞌ yâme xtiidz Dioz ni pshahl naa. Porni lahd laꞌd dxu nehx rguguia leegahc la, wé we ni ma rsahc.

JUAN 12:44

Günii Jesúz ndip, ne me: ―Dxu rlíladzy naa, nehx rlíladzy nunzy naa, mazyg rlíladzy me dTadaꞌ ni pshahl naa.

JUAN 12:48

Dxu nehx riuꞌladzy no di ne ctzoo ni ren, rahp me dxu ctzoo guîlguxtisy chehsh me: diidz ni ba günin, leegahcu we ctzoo guîlguxtisy chehsh me dze-gydibylgaa guiedzylie.

JUAN 13:20

Gapyaꞌ laꞌd ni uli, dxu rcaꞌ xtiidz meññ-gashaalaꞌ, rcaꞌ me dtiidzaꞌ; no dxu rcaꞌ dtiidzaꞌ la, rcaꞌ xtiidz Dioz ni pshahl naa.

HECHOS 5:4

¿Dâs‑e guhc xchieñiꞌ lyu antzy ni ctoꞌyu la? No medy ni cuaꞌy ru ba bylux ptoꞌy leeu, ¿dâs‑e guhcu xmedyiꞌ la? ¿Biaz nacu naꞌ ptzooy ze? Dac‑e meññ bisquieey. ¡Dioz‑e gucladzyiꞌ nisquieey lee!

GÁLATAS 4:14

No nîcze guc-uren, per nehx bzacnñaad laꞌd no nehx güloo ihqy laꞌd naa, mazyg bdee laꞌd ru güyun; bwieꞌ laꞌd naa beeiy to x‑ángel Dioz, scâsy ñahcu beeiy gahc Crist Jesúz.

1 TESALONICENSES 4:8

No leewe, dxu rboo nirieꞌ diby lad la, dac‑e meññ rboo me; mazyg Dioz‑e rboo me diby lad ni bdee gahc xiSpirt-Sant me, cuaꞌ nó.