LUCAS 1:79 - Zapotec Guevea de Humboldt New Testament

⁷⁹ lehdy güieꞌ meññ ni nu lo guibcawygüxihñ no meññ-nu yahc lo ña guîlguhty bia gatzoo yâme, no lehdy gluu me nó to ñaz-mos ru tzu nó dzie tziaawy.

LUCAS 1:79 Iomraidhean Croise

MATEO 4:16

Meññ-nu beeiy to lo guibcawy bwieꞌ to byni-ro, no meññ-nu beeiy lo ximble guîlguhty, güyuꞌ to byni-ro par lee.

LUCAS 2:32

No leeme we ni gac beeiy to byniꞌ ni gacno meññ-nehx meññ-Isṟael, lehdy gann yâme xtiidziꞌ, no zegahcu xmeññiꞌ, meññ-Isṟael, lehdy guiasguia yâme.

JUAN 1:9

No ni ulihbu lee nac byni-rieꞌ, ziaad me lo guiedzylie, zidno me guîlbyniꞌ par gyre meññ.

JUAN 12:46

Naa nacaꞌ beeiy byniꞌ, no biaḻaꞌ lo guiedzylie lehdy dxu gylíladzy naa nehx ziaꞌn me beeiy lo guibcawy.

JUAN 8:12

Gyzac günino Jesúz meññ, ra me: ―Naa zidguiahcaꞌ beeiy byniꞌ par meññ-nu lo guiedzylie; dxu gac dmeññaꞌ, lee nehx ziuꞌ beeiy lo guibcawy, mazyg zahp me beeiy byniꞌ ni rdee guîlmbahñ ni nehx zluhx.

JUAN 9:5

Leegâ nun lo guiedzylie, naa zidguiahcaꞌ beeiy byniꞌ par meññ-nu lo guiedzylie.

HECHOS 10:36

No nirieꞌ, leegahcu we xtiidz me ni psieññ me meññ-Isṟael lehdy tzu yahc dzie tziaawy por Jesucrist; no Crist‑e rtzoo mdad gyre ni nu lo guiedzylie.

HECHOS 26:18

par gluuy leeyâme ni uli de naa, lehdy gyruu yâme de lo guibcawy, guiaad yâme lo byniꞌ, no lehdy di ctzoor bêndzab mdad leeyâme, no ctzoo yâme ni ne Dioz; no gylíladzy yâme naa lehdy csiaaḻdadzyaꞌ xguîlquie yâme, no mod-wé zdee Dioz leeyâme ni ycaꞌ meññ ni ba nac nunzy par leeme.”

ROMANOS 3:17

no nehx nann yâme xnahc tzu meññ dzie tziaawy.

EFESIOS 5:8

Tzcaḻ, beeiy lo guibcawy‑e güyuꞌ laꞌd, per naꞌ ba nu laꞌd lo byniꞌ porni ba nac laꞌd xmeññ Jesucrist ni rtzoo mdad. Leewe, lâ gac meññ ni ulihbu nu lo byniꞌ,