JUAN 9:39 - Zapotec Guevea de Humboldt New Testament

³⁹ Luxu ne Jesúz: ―Naa biaḻaꞌ lo guiedzylie-rieꞌ lehdy gynin ni nac meññ; dxu zidguiahc beeiy ngaḻ la, güieꞌ yâme porni rlíladzy yâme naa; no dxu ne rwieꞌ per nehx rlíladzy naa, gac beeiy ngaḻ.

JUAN 9:39 Iomraidhean Croise

MATEO 11:5

Lâ ga leeme meññ-ngaḻ ba rwieꞌ, meññ-ndang ba rzeꞌ, meññ-gayudz lady riaḻ de xguîlguihdz, meññ-nguat ba rieññ, mînguty rbahñ, no meññ-pobr ba gayieññ xtiidz Dioz.

MATEO 15:14

Zî-nu meññ-rieꞌ; ngaḻ‑e leeyâme ni rluu zâ-ngaḻ ñahz. No bâḻ to ngaḻ tziyno me sto zâ-ngaḻ me la, gyrop yâme we ziahb leññ guieryu.

MATEO 6:23

no bâḻ nehx rwieꞌy la, lo guibcawy we nuy. No bâḻ neꞌy nuy lo byniꞌ, luxu nehx uliu la, ¡to lo guibcawygüxihñ‑e nuy!

LUCAS 1:79

lehdy güieꞌ meññ ni nu lo guibcawygüxihñ no meññ-nu yahc lo ña guîlguhty bia gatzoo yâme, no lehdy gluu me nó to ñaz-mos ru tzu nó dzie tziaawy.

LUCAS 13:30

No nu meññ ni ma uxiee rsahc lahd meññ neꞌ, per uga ma qysahc yâme. No nu meññ ni ma rsahc lahd meññ neꞌ, per uga ma uxiee qysahc yâme.

LUCAS 2:34

Luxu, gülulaꞌy Simeóṉ leeyâme, no ra me Maríe, xmam Jesúz: ―Mdo-rieꞌ la, ziaad me we zidsiahb me xtahl meññ-Isṟael no zrieñ yâme zidlesy me lee, no zidluu me meññ bia ne Dioz, per xtahl yâme zdziadzyno leeme.

LUCAS 4:18

Nu xiSpirt Dioz naa, porni Dioz güle me naa lehdy csieññaꞌ meññ-pobr xtidz-mos me. Pshahl me naa lehdy gacnon meññ ni gyrehzy gazacno xtâ leññ xguîlmbahñ, no gapyaꞌ meññ ni zidguiahc beeiy ni nu lidzyguiib bia mód beeiy gylaa yâme de lo ni nadz; no cshalaꞌ lo meññ-ngaḻ yahc; no guislaan meññ ni gazaczi yahc.

LUCAS 7:21

Lohb hor-wé bydzihñ yâme gasiaḻ Jesúz xtahl meññ-gayac-ure no meññ ni nu yoob lee, no meññ ni nu mbenahcsy lee, no pshal me lo meññ-ngaḻ yahc.

JUAN 12:31

Ba bydzihñ dzé lehdy gac guîlguxtisy chehsh meññ-nu lo guiedzylie-rieꞌ; no bêndzab ni rtzoo mdad lo guiedzylie-rieꞌ, ba bydzihñ dze-gyruu me diby lad.

JUAN 12:46

Naa nacaꞌ beeiy byniꞌ, no biaḻaꞌ lo guiedzylie lehdy dxu gylíladzy naa nehx ziaꞌn me beeiy lo guibcawy.

JUAN 3:17

Dioz nehx pshahl Xiiñ me lo guiedzylie lehdy gniꞌdy me meññ lo xguîlquie, mazyg lehdy guislaa me meññ de lo guîlnadz ni ziaad.

JUAN 3:19

No por nirieꞌ we gynihty meññ lo xguîlquie: porni biahd ni nac beeiy byniꞌ lo guiedzylie, per meññ aaḻ ma biuꞌladzy yâme ni nac beeiy guibcawy, no nehx biuꞌladzy yâme ni nac beeiy byniꞌ, porni rtzoo yâme ni nahcsy yahc.

JUAN 8:12

Gyzac günino Jesúz meññ, ra me: ―Naa zidguiahcaꞌ beeiy byniꞌ par meññ-nu lo guiedzylie; dxu gac dmeññaꞌ, lee nehx ziuꞌ beeiy lo guibcawy, mazyg zahp me beeiy byniꞌ ni rdee guîlmbahñ ni nehx zluhx.

JUAN 8:15

Rnii laꞌd ni nac meññ mod-rtzoo meññ-nu lo guiedzylie. Naa nehx rnin ni nac ndruhty.

JUAN 9:25

Ra me leeyâme: ―Nehx nannaꞌ bâḻ meññ-guîlquie leeme o yac, mazyg ni nannaꞌ, ngaḻ‑e guhcaꞌ, per naꞌ ba rwien.

HECHOS 26:18

par gluuy leeyâme ni uli de naa, lehdy gyruu yâme de lo guibcawy, guiaad yâme lo byniꞌ, no lehdy di ctzoor bêndzab mdad leeyâme, no ctzoo yâme ni ne Dioz; no gylíladzy yâme naa lehdy csiaaḻdadzyaꞌ xguîlquie yâme, no mod-wé zdee Dioz leeyâme ni ycaꞌ meññ ni ba nac nunzy par leeme.”

2 CORINTIOS 2:16

Par meññ ni ba ganihty la, zidguiahc ni nixye-rieꞌ beeiy ximbeꞌ guîlguhty ni rgaꞌdy; no par meññ ni ba galaa de lo guîlnadz ni ziaad la, zidguiahc ni nixye-rieꞌ beeiy guîlmbahñ ni rbahñ. ¿No dxu we naꞌ beeiy niygahl ctzoo nirieꞌ?

EFESIOS 5:14

Leewe neu: Psiuꞌ loꞌy, lii ni zidguiahc beeiy ni nishcahsy; biahsiꞌ de lahd beeiy mînguty, no Crist cu xibyniꞌ me lii.

2 TESALONICENSES 2:10

No ctzoo me gyre gyzasy ni dirquihñ ni risquiee meññ-ba nu par gynihty, meññ ni nehx gucladzy ncaꞌ ni uli lehdy nlaa de lo guîlnadz ni ziaad.

1 PEDRO 2:9

Per laꞌd nac laꞌd to family ni gübee, to cuib bahl ni gatzoo xtziiñ Ṟeiy, to nacióṉ ru nu pur meññ-nac nunzy par Dioz, no nac laꞌd meññ-xguiedzy Dioz. No mod-wé guhcu, lehdy guno laꞌd meññ de ni Dioz rtzoo me ni nehx beeiy ntzoo ndruhty no modni mosu, leeme we ni pquee riedz laꞌd gyruu laꞌd de lo beeiy guibcawy no tzu laꞌd beeiy lo byni-mos.

1 JUAN 2:11

Per dxu néladzy xirman la, lo guibcawy we ganzeꞌ me, no nehx nann me bá za me, porni psaꞌn guibcawy leeme beeiy ngaḻ.