JUAN 9:2 - Zapotec Guevea de Humboldt New Testament

² Were ra xmeññ me leeme: ―Muextr, ¿bia nacu guhl mpyquie-rieꞌ ngaḻ lo me? ¿Por xguîlquie xtad me o xmam me la, o por xguîlquie gahcme?

JUAN 9:2 Iomraidhean Croise

MATEO 16:14

Ra yâme leeme: ―Nu yâme ne Juaṉ ni pchôbnihs meññ‑e lii; zrieñ yâme ne Elíaz‑e lii ni güyuꞌ ba xtze; no zrieñ yâme ne Jeremíaz‑e lii, o dxuhch de lahd profet ni güyuꞌ ba xtze.

MATEO 23:7

No hor-ganzeꞌ yâme leññ guiedzy, racladzy yâme gynii meññ diux leeyâme no xroꞌ guîlrzacbeeiy, no riuꞌladzy yâme ga meññ leeyâme: “Muextr.”

MATEO 23:8

’Per laꞌd, di gyo laꞌd ga meññ laꞌd “Muextr”; porni rahp laꞌd nunzy to Muextr, lee we Crist, no gyre laꞌd‑e zidguiahc beeiy tohzy family.

LUCAS 13:2

Were ra Jesúz leeyâme: ―¿Nlâdzy laꞌd meññ-Galilea guhc yâme mod-wé porni ma meññ-guîlquie leeyâme que zrieñ xmeññ yâme la?

JUAN 4:31

Lóni zia ngüna-caḻ, xmeññ Jesúz naꞌ gaya leeme: ―Muextr, güdahgü.

JUAN 9:1

Ru gadedy Jesúz, bwieꞌ me to mpyquie ni guhl ngaḻ.

JUAN 9:34

Ra yâme leeme: ―Lii ni nac to meññ-guîlquie glo guhliꞌ, ¿riñloꞌy gluuy noꞌ la? No güloo yâme leeme idoo tohgzy.

HECHOS 28:4

Hor-bwieꞌ meññ-nu yahc uga nguieedy mbaaḻ ña Pabl ru güdahgü maꞌ, ra saꞌ yâme: ―Mpyquie-rieꞌ la, meññ-rgaꞌdy‑e leeme. Lo nisdoo we beeiy bylaa me, per naꞌ ba nehx zlaa me por guîlquie ni nzahby me.