JUAN 9:17 - Zapotec Guevea de Humboldt New Testament

¹⁷ Were gyzac günabdiidz yâme mpyquie ni guhc ngaḻ, ra yâme leeme: ―Sca-ze pshal me loꞌy no rwieꞌy, ¿bia neꞌy de leeme? Ra me: ―Naa la, ren profet‑e leeme.

JUAN 9:17 Iomraidhean Croise

MATEO 21:11

No ra lahd yâme: ―Jesúz‑e leeme, profet ni byruu guiedzy-Nasaret ni nu lo ṟegioṉ-Galilea.

LUCAS 24:19

Were ra me: ―¿Bia leeu ni guhc? Ra yâme leeme: ―Gayu noꞌ ni guhc to mpyquie ni le Jesúz ni nac meññ-Nasaret. Leeme we to profet ni beeiyu lee gyreu, no günii me no ptzoo me pur ni rsahc ñaz-lo Dioz no ñaz-lo meññ.

JUAN 4:19

Ra ngüna-caḻ leeme: ―Señor, zoꞌ naa profet‑e lii.

JUAN 6:14

Hor-bwieꞌ meññ-caḻ yahc ni ngann ni ptzoo Jesúz, ne yâme: ―Mpyquie-rieꞌ we ulihbu profet ni nac diidz guiaad lo guiedzylie.

JUAN 9:15

leewe günabdiidz meññ-nac yahc fariseu mpyquie-rieꞌ bia mód byxal lo me no ba rwieꞌ me. Ra me leeyâme: ―Güxo Jesúz bann ruꞌ dloꞌn, no luxu güdiibyaꞌ leeu, no bwie gahcaꞌ.

HECHOS 10:38

No nann laꞌd pshahl Dioz Jesúz ni nac meññ-Nasaret no güluꞌ me Spirt-Sant no zegahc poder xguîlmbahñ, no Jesúz güzeꞌ me gucno me meññ no psiaḻ me meññ ni nu bêndzab lee, porni nu Dioz no leeme.

HECHOS 2:22

’Meññ-Isṟael, lâ guieññ ni gapyaꞌ laꞌd. Nann laꞌd Dioz bluu me de ni pshahl me Jesúz, to meññ-Nasaret, no gucno me lee lehdy ptzoo Jesúz xroꞌ cos yahc, no guîlrtzunadz, no ni ngann, no ptzoo me leeu ñaz-lo laꞌd.