JUAN 8:7 - Zapotec Guevea de Humboldt New Testament

⁷ Gumm gatzunñaad yâme ganabdiidz yâme leeme la, were gürieli me no ra me meññ-wé yahc: ―Dxu laꞌd nehx rahp guîlquie, nier lee cshadguie leeme.

JUAN 8:7 Iomraidhean Croise

JUAN 7:46

Ra meññ-rahp ruꞌ idoró leeyâme: ―¡Ndruhty dgueññ guieññ noꞌ nluu meññ beeiy leeme!

JUAN 8:10

Gyzac gürieli Jesúz, no ndruhty di nwieꞌ me mazyg nunzy ngüna-caḻ, were ra Jesúz leeme: ―¿Óz meññ ni garuu contr lii naꞌ? ¿Ndruhty ba nehx günii rahp de ni gatyiꞌ la?

JUAN 8:8

No gyzac byruꞌñ me, no gazaa me lo yu sto.

COLOSENSES 4:6

Lóni gu laꞌd diidz no meññ, lâ gynii ni mos no ni nac xñahzû, zidguiahcu beeiy guîlrahgü ni rtzunihx ziahd lee. No racladzyu gann laꞌd mod-csaꞌ laꞌd lo xtiidz to to meññ zaꞌgndzi.

APOCALIPSIS 1:16

Lo ña-drech me caꞌ me gahdzy mbial, no ruꞌ me garuu to spad ni ndush gyrop lad, no nter lo me rdalgueu lé beeiy lo ncübidz.

APOCALIPSIS 19:15

Ruꞌ me garuu to spad ni ndush par ctzuné me meññ-gyre nacióṉ, no stzoo me mdad leeyahc zaꞌgndzi no beeiy to var-guiib. No stzoo me guîlguxtisy mod-rshii meññ blatzy no nieꞌ leññ to ru rxiiu, no ycaꞌ yâme xguîlné Dioz ni beeiyu lee gyreu.

APOCALIPSIS 2:16

No leewe, lâ csaan ni nahcsy ni gatzoo laꞌd; o bâḻ yac la, naa siaḻaꞌ ngueeḻy gahc contr laꞌd, no teḻynon leeyâme no spad ni rruu drun.