JUAN 8:54 - Zapotec Guevea de Humboldt New Testament

⁵⁴ Ra Jesúz leeyâme: ―Bâḻ naa rguguian naa gahc la, were nehx rsahcu. Per dTadaꞌ we rguguia naa, ni ne laꞌd xDioz laꞌd lee.

JUAN 8:54 Iomraidhean Croise

JUAN 17:1

Bylux günii Jesúz gyre nirieꞌ, bwieꞌ me gybaa, no ne me: ―Dad, ba bydzihñ hór. Güluguia naa lehdy naa zegahc cuguian lii.

JUAN 17:5

Naꞌ hôrrieꞌ, Dad, güluguia naa cooy, mod-güyuguian no lii antzy ni tzaa guiedzylie.

JUAN 2:11

Nirieꞌ ni ptzoo Jesúz guiedzy-Caná lo ṟegioṉ-Galilea, wé we ni ngann ni nier lee ptzoo me, no wé guzlo rwieꞌ meññ xroꞌ ni rtzoo me; no xmeññ me bylíladzy yâme leeme.

JUAN 5:41

’Naa nehx racdadzyaꞌ cuguia meññ naa.

JUAN 7:18

Dxu rnii ni ne xguîlriehñ, racladzy cuguia meññ lee; per naa racdadzyaꞌ tzuguia dTadaꞌ ni pshahl naa; leewe rnin ni uli, no nehx risquieen.

JUAN 7:39

Nirieꞌ günii Jesúz lguia Spirt-Sant ni tzu leññ xguîlmbahñ meññ ni gylíladzy leeme; porni xiSpirt Dioz dgueññ ziaꞌ guiaad, mazyg xtâ guibyguiatr Jesúz gybaa lo guîlbyniꞌ, were guiaad xiSpirt me.

JUAN 8:41

Ni rtzoo xtad laꞌd, leegahcu rtzoo laꞌd. Ra yâme leeme: ―Dac‑e zrieñ dxu xiiñ noꞌ; Dioz, tohzy leeme we dtad noꞌ.

JUAN 8:50

Naa nehx gayobyaꞌ cuguia meññ naa, per Dioz ne gacu ze, no rnii me de ni nac meññ.

HECHOS 3:13

Per dac‑e ze leeu. Mpyquie-rieꞌ biaḻ me par güluguia Dioz Xiiñ me Jesúz. Dioz-rieꞌ, leeme we xDioz dmeññ nó ni güyuꞌ yahc ba xtze, lee we xDioz Braṉ, Isac no Jacop. Jesúz‑e ni bigynahzy laꞌd lee no ni güiynot lee lo guxtisy. No ru gucladzy Pilat nislaa leeme, di ñacladzy laꞌd.

2 CORINTIOS 10:18

Porni Dioz nehx riuꞌladzy me meññ ni rguguia leegahc, mazyg rxilyno me meññ ni rguguia me lee.

1 PEDRO 1:12

Per Dioz psieññ me profet yahc dac‑e par leegahc yâme lguia ni günii yâme, mazyg par nó we leeu. No ni günii yâme, leegahcu we xtiidz Crist ni runo meññ laꞌd ni naꞌ, por Spirt-Sant ni byruu gybaa porni ze ptzoo Dioz. ¡No nirieꞌ yahc‑e racladzy ángel yahc nwieꞌ!

1 PEDRO 1:21

No por Crist rlíladzy laꞌd Dioz, no Dioz bispahñ me Crist no gülesyguia me lee; no leewe rlíladzy laꞌd Dioz no rbiahz laꞌd de leeme.

2 PEDRO 1:17

Bwieꞌ noꞌu hor-Dioz ni nac dTad nó gülesyguia me no güluguia me Jesucrist, no hor-bieññ xriedz Dioz ni nuno guîlbyni-ro, ne me: “Nirieꞌ we dShiñaꞌ ni ndzin lee; modni rxilynon leeme.”