JUAN 8:48 - Zapotec Guevea de Humboldt New Testament

⁴⁸ Were ra meññ-Isṟael yahc leeme: ―Ni uli we rnii noꞌ, lii nehx naquiꞌ dmeññ noꞌ, meññ-samaritan lii, no nu mbenahcsy lii.

JUAN 8:48 Iomraidhean Croise

MATEO 10:25

Meññ-rzeedy gyxilyno me dze-ba nann me beeiy gahc nann xmuextr me, no to mós gyxilyno me dze-ba rsahc me beeiy gahc xpatróṉ me. Bâḻ xtad meññ-nu to leññ yuꞌ ra yâme lee Bêndzab la, ¡lé dxi de xiiñ mpyquie-rieꞌ!

MATEO 10:5

Jesúz pshahl me gydiby tzipychop meññ-rieꞌ yahc, no ra me: ―Di tza laꞌd lo ṟegióṉ ru nu meññ-nehx meññ-Isṟael, no di tzu laꞌd ni to xguiedzy meññ-Samary;

MATEO 11:18

Porni biahd Juaṉ, nehx rahgü me sca ni rahgü laꞌd, ni nehx roo me sca ni roo laꞌd, no ne laꞌd bêndzab we nu leeme.

MATEO 12:24

Hor-bieññ meññ-nac yahc fariseu ni ganii meññ, ne yâme: ―Beelzebú, ni nac xjefy gyre mbenahcsy, racno leeme; leewe rboo me mbenahcsy meññ.

MATEO 12:31

’No leewe gapyaꞌ laꞌd: Dioz csiaaḻladzy me gyre xguîlquie meññ no nitisy didz-nahcsy ni rnii yâme contr leeme; per dxu gynii didz-nahcsy contr xiSpirt Dioz la, wé nehx ssiaaḻladzy Dioz xguîlquie.

MATEO 15:7

Laꞌd ni ne meññ-tziaawy lee nîcze nehx uliu, de lehbu we bisnii Dioz profet-Isaíaz de laꞌd, ru ne me:

JUAN 1:19

Nirieꞌ we diidz ni bdee Juaṉ, dze-meññ-Isṟael ni rtzoo yahc mdad pshahl yâme lahd bahl tohzy no meññ-nac levit ni nu Jerusaléṉ, bignabdiidz yâme leeme, ra yâme: ―¿Dxu we lii?

JUAN 10:20

Xtahl lahd yâme ne: ―Nu mbenahcsy leeme, leewe nguidz ihqy me. ¿Bia nacu rquee ihqy laꞌd ni ganii me?

JUAN 13:13

Ra laꞌd naa Muextr, no ra laꞌd naa Señor; no xñahzu mod-ne laꞌd, porni ze leeu.

JUAN 4:9

Ra ngüna-samaritan Jesúz: ―¿Bia mód neꞌy gdedyaꞌ nzeꞌ lii, no naquiꞌ meññ-Isṟael, no naa nacaꞌ meññ-samaritan? (Porni meññ-Isṟael nehx rwieꞌ saꞌ yâme mos no meññ-samaritan.)

JUAN 7:20

Ra yâme leeme: ―¡Mbenahcsy‑e nu lii, rniiy cuentz! ¿Dxu riñlo igaꞌdy lii?

JUAN 8:22

Were ne meññ-Isṟael ni rtzoo mdad: ―¿Dac‑e la, ganii me igaꞌdy me leegahcme, no leewe ne me di zaḻ tzo nó ru tza me?

JUAN 8:52

Ra meññ-Isṟael leeme: ―Hôrrieꞌ were ba bzaclo noꞌ nu mbenahcsy lii. Braṉ no zrieñ profet guhty yâme; no naꞌ lii neꞌy: “Dxu gzoob xtiidziꞌ nehx znihty.”

ROMANOS 15:3

Porni Crist nehx byxilyno me leegahcme; mazyg guhc me mod-nu lo Guehtzy ru queꞌ xtiidz Dioz ru neu: “Gyre didz-nahcsy ni günii yâme de lii, biahbu dcheshaꞌ.”

HEBREOS 13:13

Leewe, tzo nó gyo nó Jesúz stziuꞌ de guiedzy, no tedy nó ni nac to guîlrtuꞌ beeiy ni güdedy gahcme.

SANTIAGO 2:19

Lii rlíladzyiꞌ nu tohzy Dioz; mos‑e mod-rlíladzyiꞌ; per mbenahcsy yahc zegahc rlíladzy, no lé rzîbyyoob yahcu de dzieeby.