JUAN 8:44 - Zapotec Guevea de Humboldt New Testament

⁴⁴ Bêndzab, leeme we xtad laꞌd, no racladzy laꞌd ctzohd ni riuꞌladzy me. Pur guîlrgaꞌdy rtzoo me glo ba xtze diaa, no nehx rnii me ni uli. Ru risquiee me, leegahcme rdee diidz mbuxter‑e leeme, no nier leeme bisquiee.

JUAN 8:44 Iomraidhean Croise

MATEO 12:34

¡Laꞌd meññ-dirquihñ ni zidguiahc beeiy mbaḻbeedzy! ¿Bia mód‑e nnii laꞌd ni mos, no meññ-dirquihñ laꞌd? Porni ni rnii meññ, wé we rdee diidz bia nu leññ xguîlmbahñ yâme.

MATEO 13:15

Porni xguîlmbahñ meññ-rieꞌ yahc gucnahdyu, no nehx rieññ yâme xñahz cos, no rluu ndaagü lo yâme; lehdy di güieꞌ yâme, ni di guieññ yâme, ni di gann yâme zaꞌgndzi, ni di gyo yâme naa par nistziawyaꞌ xguîlmbahñ yâme, no nsiaḻaꞌ leeyâme.

MATEO 13:38

no guiedzylie we rahc cuent lo lyu. Ladzy ni mos, wé we rahc cuent xmeññ Dioz; guix-nahcsy, wé we meññ ni rtzoo ni dirquihñ;

JUAN 6:70

Ra Jesúz leeyâme: ―¿Dâs‑e naa güleꞌn tzipychop laꞌd la? Luxu to lahd laꞌd nac beeiy bêndzab.

JUAN 7:17

Dxu riuꞌladzy ctzoo ni racladzy Dioz, zann bâḻ ni rlun meññ ziaadu de Dioz, o bâḻ ganin ni ne dguîlriehñaꞌ.

JUAN 8:38

Naa rnin ni bwien dze-nun no dTadaꞌ, per laꞌd rtzohd ni ne xtad laꞌd.

JUAN 8:41

Ni rtzoo xtad laꞌd, leegahcu rtzoo laꞌd. Ra yâme leeme: ―Dac‑e zrieñ dxu xiiñ noꞌ; Dioz, tohzy leeme we dtad noꞌ.

JUAN 8:55

Per luxu nehx rzaclo laꞌd leeme. No naa rzacloꞌn leeme; no bâḻ nnin nehx rzacloꞌn leeme la, ñahcaꞌ mbuxter beeiy gahc laꞌd. Per we naꞌ, ni uli we rzacloꞌn leeme, no rzobdiidzaꞌ leeme.

HECHOS 13:10

no ra me lee: ―Xiiñ bêndzab, lii pur risquieey no rtzooy ni dirquihñ, no rruuy contr ni nac xñahzû, no nehx rsaaniꞌ de ni rtiꞌxiꞌ xtiidz Dioz.

HECHOS 24:9

Gyre meññ-Isṟael ni dxie yahc ru dxie gobernador, ne yâme ni uli we gyre ni ganii Tértulo.

HECHOS 5:3

ra Pedr leeme: ―Ananíaz, ¿bia nacu bdeedyiꞌ ñahz güyuꞌ bêndzab xguîlmbahñiꞌ, neꞌy nisquieey Spirt-Sant, bian-noy lo medy ni ptoꞌy lyu?

2 CORINTIOS 11:3

Per rdziehbyaꞌ, beeiy mod-ptzoo mbaaḻ no xguîlpicr maꞌ bisquiee maꞌ Ev, nnityxñahz xguîlriehñ laꞌd no nehx ñahc nyar xguîlmbahñ laꞌd par Crist, no nehx nzoob laꞌd xtiidz me.

1 PEDRO 5:8

Lâ güieꞌ laꞌd laꞌd gahc, no lâ tzu puexd; porni bêndzab rdziadzyno me laꞌd, no ganzeꞌ me byzaꞌzy beeiy to mbeedzy ni gayibychaa, gayo me dxu gnidylo me lee.

2 PEDRO 2:4

Dioz pshahl guîlné chehsh ángel ni ptzoo yahc guîlquie, bráḻ me lee infiern no psaꞌn me lee to ru ncawy ndaagü yâme lóni gabiahz yâme xtâ dze-gac xguîlnadz me.

1 JUAN 1:8

Bâḻ rnii nó nehx rtzoo nó guîlquie la, risquiee nó nó gahc‑e, no nehx nu ni uli leññ dguîlmbahñ nó.

1 JUAN 2:21

Gazan nirieꞌ par laꞌd dac‑e porni nehx nann laꞌd ni uli, mazyg gazanu porni ba nann laꞌdu; no nann laꞌd mbehty guîlrisquiee nehx ziaad de lo ni nac ni uli.

1 JUAN 2:4

Dxu rnii ne: “Naa rzacloꞌn Dioz”, no nehx rtzoo me ni rtzoo Dioz mdad ctzoo meññ la, meññ-risquiee we leeme no nehx nu ni uli leññ xguîlmbahñ me.

1 JUAN 3:12

Di gac nó beeiy Caíṉ ni güyuꞌ ba xtze, ni guhc xmeññ bêndzab, biꞌdy me behtzy me. ¿No bia nacu biꞌdy me lee? Porni ni rtzoo me, pur ni nahcsy‑e leeu, no behtzy me rtzoo ni nac xñahzû.

1 JUAN 3:15

Gyre dxu néladzy xirman la, zidguiahc me beeiy meññ-rgaꞌdy; no nann laꞌd ndruhty meññ-rgaꞌdy nehx rahp guîlmbahñ ni nehx zluhx.

JUDAS 1:6

No ángel yahc ni di ne ntzoo mdad ni bdee Dioz leeyâme, mazyg psaꞌn xilgar yâme. No hôrrieꞌ Dioz güluꞌ leeyâme lo guibcawy, nliiby yâme no caden par dze-ro ni gac guîlguxtisy.

APOCALIPSIS 12:9

No x‑ángel Dioz bgultihp me dragóṉ gybaa, leeu we mbaaḻ ni nu ba xtze diaa ni le bêndzab no Satanáz, ni risquiee gydo lo guiedzylie. Bráḻ yâme leeme no gydiby gyre x‑ángel me lo guiedzylie.

APOCALIPSIS 13:14

Bdee Dioz ñahz ma-byruu leññ yu bisquiee maꞌ meññ-nu lo guiedzylie no ni ngann ni rtzoo maꞌ, mod-riuꞌladzy ma-nac primer ma-ro. No ma-byruu leññ yu ptzoo maꞌ mdad meññ gzaa yâme to xfigur ma-ro ni byruu rid lee no spad no guhty, per gübahñ gyzac.

APOCALIPSIS 2:10

Di gydzie laꞌd ni nadz ni dzictedy laꞌd; porni bêndzab zguꞌ me lahd laꞌd lidzyguiib par güieꞌ me bâḻ ulihbu stibladzy laꞌd, no modé gzacno laꞌd leññ tzii dzé. Per di csaꞌn de ni rlíladzy laꞌd naa xtâ glo gaty laꞌd, no naa zdedyaꞌ laꞌd guîlmbahñ ni nehx zluhx ni zidguiahc beeiy coron ni rdee diidz ba ptzoo laꞌd gan.

APOCALIPSIS 21:8

Per meññ-rdzie tedy ni nadz por dtiidzaꞌ, meññ-nehx rlíladzy naa, meññ-rtzoo ni nehx riuꞌdadzyaꞌ, meññ-rgaꞌdy, meññ-rzeno ni nehx tziahl, meññ-rtzoo guîlbrujü, meññ-rzacbeeiy gyrehzy figur, no gyre meññ-risquiee, gyre zâ meññ-wé yahc zia beeiy to lo guial de gue ni galahby de asufr. Nirieꞌ we ni rrohp guîlguhty.

APOCALIPSIS 22:15

Per stziuꞌ we guiaꞌn meññ-dirquihñ, meññ-rtzoo guîlbrujü, meññ-rzeno ni nehx tziahl, meññ-rgaꞌdy, meññ-rzacbeeiy gyrehzy figur no gyre meññ ni riuꞌladzy guîlrisquiee no rtzoo leeu.

APOCALIPSIS 9:11

Xṟeiy yâmaꞌ, wé we ángel ni nu leññ guieryu-ro ni modni guiat; no ángel-wé le Abadóṉ lo didz-hebreu, no lo didz-griegü le me Apolióṉ (ni rnii zegahc ni gnidylo).