JUAN 8:24 - Zapotec Guevea de Humboldt New Testament

²⁴ No leewe ren laꞌd zehty laꞌd lo xguîlquie yahc laꞌd; porni bâḻ nehx rlíladzy laꞌd naa we ni ba gahc nu, lo gahc xguîlquie laꞌd‑e zehty laꞌd.

JUAN 8:24 Iomraidhean Croise

MATEO 24:5

Porni siahd xtahl meññ-gaquihñ dlen, no gynii yâme leeyâme we nac Crist; no modé zisquiee yâme xtahl meññ.

MARCOS 13:6

Porni siahd xtahl meññ-gaquihñ dlen, gynii yâme leeyâme we nac Crist; no modé zisquiee yâme xtahl meññ.

MARCOS 16:16

Dxu rlíladzy dtiidzaꞌ no gyrôbnihs la, wé we zlaa de lo guîlnadz ni ziaad; per dxu nehx rlíladzy dtiidzaꞌ, wé rahp de ni gaty.

LUCAS 21:8

Ra Jesúz leeyâme: ―Gax lâ gann, na di guisquiee meññ laꞌd. Porni siahd xtahl meññ-gaquihñ dlen, no gynii yâme leeyâme we nac Crist, no ga yâme ba gadziñgahsh dze-gynihty guiedzylie. Per na di guisnáḻ laꞌd leeyâme.

JUAN 13:19

Ba gahc gayapyaꞌnu laꞌd‑e, lehdy hor-ba gayahcu, gylíladzy laꞌd naa we ni ba gahc nu.

JUAN 3:18

’Dxu rlíladzy Xiiñ Dioz nehx znihty lo xguîlquie; per dxu nehx rlíladzy leeme, znihty lo xguîlquie, porni nehx rlíladzy me Xiñ-ngahc Dioz.

JUAN 3:36

Dxu rlíladzy Xiiñ Dioz rahp guîlmbahñ ni nehx zluhx; per dxu nehx rlíladzy, nehx zahp me guîlmbañ-rieꞌ, mazyg nu guîlné chehsh me ni rshahl Dioz.

JUAN 4:26

Ra Jesúz leeme: ―Naa ni gayuno diidz lii we ni neꞌy guiaad.

JUAN 8:21

Gyzac ra Jesúz leeyâme: ―Naa tzan, no gyo laꞌd naa, per zehty laꞌd lo xguîlquie laꞌd. Ru tzan, nehx beeiy ziuꞌ laꞌdu.

JUAN 8:25

Were ra yâme leeme: ―¿Dxuz‑e lii? Ra Jesúz leeyâme: ―¿Dâs ba gahc ren laꞌd la?

JUAN 8:28

No leewe, ra Jesúz leeyâme: ―Naa we Mpyquie-Pshahl Dioz Lee, no dze-ba gülesy laꞌd naa lo cruzy, were zann laꞌd naa we ni ba gahc nu, no nehx rtzon mbehty ni ne dguîlriehñaꞌ, mazyg ni rluu dTadaꞌ naa, wé we rtzon.

JUAN 8:58

Ra Jesúz leeyâme: ―Gapyaꞌ laꞌd ni uli, naa we ni ba gahc nu antzy ni bidtzu Braṉ.

HECHOS 4:12

No lehzyme we beeiy guislaa nó, porni nehx nu sto meññ ni pshahl Dioz lee lo guiedzylie lehdy nislaa nó de lo guîlnadz ni ziaad.

HEBREOS 12:25

Lâ güieꞌ di gbooladzy laꞌd Dioz ni rnino laꞌd. Porni bâḻ meññ-Isṟael nehx bylaa yâme ru nehx bylaby yâme ni psieññ Dioz leeyâme neꞌ lo guiedzylie la, dxiclé nó, nehx zlaa nó bâḻ nehx gylaby nó Dioz ni rsieññ nó xtâ gybaa.

HEBREOS 2:3

¿Bia mód‑e naꞌ nlaa nó de lo guîlné ni ziaad bâḻ di yquee dihqy nó de ni ba bylaa nó, to ni xroꞌ we leeu? Porni nier Crist bieno leeu meññ, no meññ ni bieññu bdee yâme diidz nó, ni uli we leeu.