JUAN 8:20 - Zapotec Guevea de Humboldt New Testament

²⁰ Nirieꞌ yahc günii Jesúz ru galuu me meññ leññ idoró ru rguꞌ yâme gun. No ndruhty nehx günahzy leeme, porni dgueññ gydzihñ dze-ba nac diidz.

JUAN 8:20 Iomraidhean Croise

MATEO 26:55

Luxu ra Jesúz meññ-zidnahzy leeme: ―¿Zidnot spad no garrot lehdy gynahzy laꞌd naa beeiy to meññ-gübaan la? Gyre dzé güyun ruꞌ idoró no laꞌd, blun meññ, no nehx günahzy laꞌd naa.

MATEO 27:6

Xjefy yahc bahl cuaꞌ yâme medy-caḻ no ne yâme: ―Nehx xñahzu cu nó leeu leññ ru nu medy-gun, porni nacu medy ni byzee rieñ.

MARCOS 12:41

Dxie Jesúz gahsh ru dxie caj ru riuꞌ gun leññ xiydoró meññ-Isṟael, no gawieꞌ me mod-gaguꞌ meññ medy leññ caj. Xtahl meññ-ṟicü gaguꞌ xtahl medy.

MARCOS 12:43

Were pquee Jesúz riedz xmeññ me, no ra me lee: ―Ni uli gapyaꞌ laꞌd, ngüna-rieꞌ ni viud lee ma xroꞌ gun bdee que gyre zrieñ meññ ni güluꞌ medy leññ caj;

LUCAS 20:19

Gucladzy xjefy yahc bahl no muextr ni ruuḻ yahc xleiy Moiséz nnahzy yâme Jesúz lohg hor-ganii me, porni bdee yâme cuent de leeyâme günii Jesúz nirieꞌ ni ndaagü lo diidz. Per di ntzoo yâmeu, porni rdzie yâme meññ-guiedzy.

LUCAS 21:1

Bwieꞌ Jesúz, gaguꞌ meññ-ṟicü modni xtahl medy leññ caj ru riuꞌ gun.

JUAN 10:39

Gyzac riñlo yâme nnahzy yâme Jesúz, per bylaa me de lo ña yâme no di ñaḻu leeyâme.

JUAN 2:4

Ra Jesúz leeme: ―Mam, ¿bia nacu gayahbyiꞌu naa? Dgueññ ziaꞌ gydzihñ dzé ni ctzon ni ba nac diidz.

JUAN 7:14

Per dze-nac glaꞌy lni, güya Jesúz leññ idoró, no guzlo galuu me meññ.

JUAN 7:30

Were gucladzy yâme niyno yâme leeme lidzyguiib, per ndruhty di ñaḻ nnahzy leeme, porni dgueññ ziaꞌ gydzihñ dzé de ni igaꞌ me.

JUAN 7:44

No zrieñ yâme gucladzy niyno leeme lidzyguiib, per ndruhty di ñaḻ nnahzy leeme.

JUAN 7:8

Lâ tza; naa nehx zian, porni dgueññ ziaꞌ gyzaꞌ dzé tzan.

JUAN 8:2

No ni byre guiaal, rsily, za me idoró gyzac, no bydohp meññ leeme, no gürie me, guzlo galuu me meññ.

JUAN 8:59

Were günahzy yâme guie par nshaꞌd yâmeu Jesúz; per Jesúz bynitylo me no güdedy me lahd yâme, byruu me idoró.