JUAN 7:36 - Zapotec Guevea de Humboldt New Testament

³⁶ ¿Bia rnii ni ra me nó ze: “Gyo laꞌd naa, per di zdzial laꞌd naa, porni nehx beeiy tza laꞌd ru tzun”?

JUAN 7:36 Iomraidhean Croise

JUAN 12:34

Ra meññ-wé yahc leeme: ―Noꞌ nann noꞌ leiy ganiiu, nehx zehty Crist. ¿Bia mód naꞌ neꞌy, rahp Mpyquie-Pshahl Dioz Lee de ni guiahs? ¿Dxu we leeme Mpyquie-Pshahl Dioz Lee?

JUAN 13:33

Shiꞌñ, ba nehx ziun no laꞌd mazy. Zyo laꞌd naa, per mod-re gahcaꞌ meññ-Isṟael, gayapyaꞌ laꞌd hôrrieꞌ: Nehx beeiy tza laꞌd ru tzan.

JUAN 3:4

Ra Nicodem leeme: ―Per ¿bia mód‑e ñahl to meññ gyzac no ba mînguhl lee? ¿Nehxni beeiy ñuꞌ me leññ xmam me sto no ñahl me gyzac?

JUAN 3:9

Gyzac günabdiidz Nicodem, ra leeme: ―¿Bia mód beeiy ñahc nirieꞌ?

JUAN 6:41

No guzlo meññ-Isṟael galesyno yâme ni günii Jesúz, porni ne me: “Naa we paṉ ni biaht gybaa.”

JUAN 6:52

Guzlo meññ-Isṟael galesyno yâme, no ra saꞌ yâme: ―¿Bia mód‑e ne me gdee xcuerp me gahgü nó?

JUAN 6:60

Ru bieññ xmeññ yahc Jesúz nirieꞌ, xtahl yâme ne: ―Modni ngann ni galuu me; ¿dxu we beeiy ncaꞌ leeu?

JUAN 7:34

No gyo laꞌd naa, per di zdzial laꞌd naa, porni nehx beeiy tza laꞌd ru tzun.

JUAN 8:21

Gyzac ra Jesúz leeyâme: ―Naa tzan, no gyo laꞌd naa, per zehty laꞌd lo xguîlquie laꞌd. Ru tzan, nehx beeiy ziuꞌ laꞌdu.

1 CORINTIOS 2:14

Dxu nehx rahp xiSpirt Dioz, nehx beeiy ñieññ ni ziaad de xiSpirt Dioz, porni par leeme didz-nwaty‑e leeu, no nehx zieññ meu, porni nunzy xiSpirt Dioz beeiy nshal lou.