JUAN 7:28 - Zapotec Guevea de Humboldt New Testament

²⁸ Bieññ me ganii meññ-wé yahc leññ idoró hor-galuu me meññ, were günii me ma ndip, ra me: ―¡Rzaclo laꞌd naa, no nann laꞌd dxu naa! Per dac‑e biaḻaꞌ ctzon ni ne dguîlriehñaꞌ. Mazyg ni pshahl naa rnii ni uli, no nehx rzaclo laꞌd leeme.

JUAN 7:28 Iomraidhean Croise

MATEO 11:27

’Gyre ni nu, ba bdee dTadaꞌ leeu lo dñan. Ndruhty nehx rzaclo naa mod-rzaclo dTadaꞌ naa, no ndruhty nehx rzaclo dTadaꞌ mod-rzacloꞌn leeme; no dxu racdadzyaꞌ gzaclo dTadaꞌ, zacnon lee.

MATEO 2:23

Hor-bydzihñ yâme lo ṟegioṉ-rieꞌ, zia yâme to guiedzy ni le Nasaret. Guhcu ze lehdy guhc mod-günii profet yahc, tzu le Jesúz to meññ-Nasaret.

MATEO 26:55

Luxu ra Jesúz meññ-zidnahzy leeme: ―¿Zidnot spad no garrot lehdy gynahzy laꞌd naa beeiy to meññ-gübaan la? Gyre dzé güyun ruꞌ idoró no laꞌd, blun meññ, no nehx günahzy laꞌd naa.

LUCAS 10:22

’Gyre ni nu, ba bdee dTadaꞌ leeu naa lehdy ctzon mdadu. Ndruhty nehx rzaclo naa mod-rzaclo dTadaꞌ naa, no ndruhty nehx rzaclo dTadaꞌ mod-rzacloꞌn leeme; no dxu racdadzyaꞌ gzaclo dTadaꞌ, zacnon lee.

LUCAS 2:11

Dzêrieꞌ guhl to mdoo leññ xguiedzy Davit, leeme we ni guislaa meññ de lo guîlnadz ni ziaad. No leeme we nac CRIST ni ctzoo mdad.

LUCAS 2:39

Bylux ptzoo yâme gyre ni ne xleiy Dioz, gubyguiat yâme xguiedzy yâme, Nasaret ni nu lo ṟegioṉ-Galilea.

LUCAS 2:4

Leewe byruu José guiedzy-Nasaret ni nu lo ṟegioṉ-Galilea, güya me guiedzy-Beléṉ ni nu lo ṟegioṉ-Judea, ru guhl Davit ni güyuꞌ ba xtze. No José naꞌ, de lo gahc xfamily Davit‑e ziaad me.

LUCAS 2:51

Were gubyguiatno me leeyâme, zia yâme Nasaret gyzac. No rzoob me xtiidz yâme. Maríe naꞌ, gyre niwé gayaꞌn leññ ihqy me.

JUAN 1:46

Ra Natanael leeme: ―¿Nehxni beeiy nruu meññ-tziaawy Nasaret? Ra Felipy Natanael: ―Güde lehdy güieꞌy.

JUAN 10:36

No sca-ze Dioz güle naa no pshahl me naa lo guiedzylie, ¿bia mód‑e naꞌ, ne laꞌd naa ganin didz-nahcsy contr Dioz hor-günin Xiiñ Dioz naa?

JUAN 12:49

Naa dac‑e ni ne dguîlriehñaꞌ rnin; dTadaꞌ ni pshahl naa, wé we ptzoo mdad bia gynin no bia glun meññ.

JUAN 14:10

¿Nehx rlíladzyiꞌ la, naa nunon dTadaꞌ, no leeme nuno me naa? Gyre ni ren laꞌd, dac‑e renu laꞌd ni ne dguîlriehñaꞌ, mazyg dTadaꞌ ni nuno naa, wé we rtzoo gyreu.

JUAN 14:31

Mazyg racladzyu gacu ze lehdy gann meññ rzacbeeiyaꞌ dTadaꞌ no rtzon ni gu me naa ctzon. Lâ guiahs, tzoꞌ de neꞌ.

JUAN 16:3

Ctzoo yâme ze, porni nehx rzaclo yâme naa, no nehx rzaclo yâme dTadaꞌ.

JUAN 17:25

Dad, lii ni rtzoo ni nac xñahzû, meññ-nu lo guiedzylie nehx rzaclo yâme lii, per naa rzacloꞌn lii, no dmeññaꞌ ni bdeedyiꞌ naa nann yâme lii pshahl naa.

JUAN 17:3

Lihzy‑e ni ulihb Dioz lee, no bâḻ gzaclo yâme lii no naa ni pshahliꞌ lee, were zahp yâme guîlmbañ-wé ni nehx zluhx.

JUAN 3:2

Güya me guiaal ru nu Jesúz, no ra me lee: ―Muextr, nann noꞌ Dioz pshahl lii guidluuy noꞌ, porni rtzooy xtahl ni ngann, no ndruhty nehx beeiy ntzoo leeyahcu bâḻ nehx nu Dioz no lee.

JUAN 3:33

Per dxu rlíladzy ni runo me lee, rdee diidz Dioz rnii ni uli;

JUAN 5:32

Nu sto ni rdee diidz de naa, no nannaꞌ ni rnii me de naa, ni uli we leeu.

JUAN 5:43

Naa, dTadaꞌ we pshahl naa, no nehx rlíladzy laꞌd naa; no bâḻ ñahd sto ni nnii ni ne xguîlriehñ, wé we nlíladzy laꞌd lee.

JUAN 6:42

No ne yâme: ―¿Dâs‑e leeme Jesúz xiiñ José la, no rzaclo nó xtad me no xmam me? ¿Bia nacu rnii me biaht me gybaa?

JUAN 7:14

Per dze-nac glaꞌy lni, güya Jesúz leññ idoró, no guzlo galuu me meññ.

JUAN 8:14

Ra Jesúz leeyâme: ―Nîcze gadedyaꞌ diidz de naa gahc, per ni ganin rsahcu, porni nannaꞌ bá byruun no nannaꞌ bá tzan; no laꞌd nehx nann laꞌd.

JUAN 8:16

Per bâḻ rnin ni nac meññ, ni rnin rsahcu, porni dac‑e ni ne dguîlriehñaꞌ rnin, mazyg dTadaꞌ ni pshahl naa we ra naa bia gynin de ni nac meññ.

JUAN 8:19

Ra yâme leeme: ―¿Bá glo nu xTadiꞌ? Ra Jesúz leeyâme: ―Nehx rzaclo laꞌd naa, per ni dTadaꞌ; bâḻ nzaclo laꞌd naa, zegahc‑e nzaclo laꞌd dTadaꞌ.

JUAN 8:26

Rapaꞌ xtahl ni ñapyaꞌ no ni nnin de ni nac laꞌd. Per ni pshahl naa rnii ni uli; no ni bieññaꞌ de leeme, wé we ren meññ-nu lo guiedzylie.

JUAN 8:42

Ra Jesúz leeyâme: ―Bâḻ ñahc uliu Dioz xtad laꞌd, nîntzi laꞌd naa, porni naa ru nu Dioz‑e byruun ziaḻaꞌ neꞌ. Nehx ziaḻaꞌ ctzon ni ne dguîlriehñaꞌ, mazyg Dioz‑e pshahl naa.

JUAN 9:29

Noꞌ nann noꞌ Dioz günii me no Moiséz; per mpyquie-wé, ni nehx nann noꞌ bá byruu me.

HECHOS 17:23

Ru güdeedyaꞌ ru rzacbeeiy laꞌd xdioz yahc laꞌd, bwien to ltar, queꞌ lou ni ganii ne: NIRIEꞌ PAR DIOZ NI NEHX RZACLO MEÑÑ LEE. No Dioz ni rzacbeeiy laꞌd lee sinn gann laꞌd dxu we leeme, xtiidz me we ni dzigyunon laꞌd.

ROMANOS 1:28

No gumm di ne yâme gylaby yâme Dioz la, Dioz zegahc güloo ihqy leeyâme, gap yâme guîlrieñ-nahcsy, lehdy ctzoo yâme ni nehx xñahzû.

ROMANOS 3:4

¡Yac, dac‑e ze leeu! Dioz nehx nisquiee me, nîcze gyre meññ risquiee, mod-rnii lo Guehtzy ru queꞌ xtiidz Dioz neu: Zieññ meññ ni uli we rniiy, no rtzooy gan ru rruu meññ contr lii.

2 CORINTIOS 1:18

Mazyg Dioz naꞌ rtzoo me ni ba günii me, zegahc noꞌ, nehx ra noꞌ laꞌd “yo” tohzy ña noꞌ laꞌd “yac”.

2 CORINTIOS 4:6

Porni Dioz gahc ni günii gydahl byniꞌ lo guibcawy, leegahcme bdee me noꞌ ni zidguiahc beeiy byniꞌ leññ dguîlmbahñ noꞌ lehdy gzaclo noꞌ xguîlbyniꞌ Dioz ni nu no Jesucrist.

TITO 1:2

no lehdy cuiahz yâme guîlmbahñ ni nehx zluhx. Dioz nehx risquiee, no xtâ ba ma xtze diaa bdee xtiidz me gdee me guîlmbañ-rieꞌ;

HEBREOS 6:18

Sca-ze nehx beeiy risquiee Dioz, leewe nehx beeiy zdzee ni ba bdee xtiidz me, no nehx beeiy zdzee de ni günii meu togahcs. No gyropu racnou nó porni ryo nó gyla Dioz nó, no nehx squeꞌdadzy nó zdee me ni gabiaaz nó.

1 JUAN 5:10

Dxu rlíladzy Xiiñ Dioz, rahp me leññ xguîlmbahñ me ni ba bdee Dioz diidz. Dxu nehx rlíladzy Dioz, ba ptzoo me Dioz‑e beeiy ni risquiee, porni nehx rlíladzy me ni ba bdee Dioz diidz lguia Xiiñ me.