JUAN 6:71 - Zapotec Guevea de Humboldt New Testament

⁷¹ Ru günii Jesúz ze, de Jud‑e ganii me, xiiñ Simoṉ-Iscariot; porni Jud gdee leeme lo ña meññ-rdziadzyno leeme, nîcze xmeññ gahcme lee de lo ni nac gydiby tzipychop.

JUAN 6:71 Iomraidhean Croise

MATEO 10:2

Nirieꞌ we le gydiby tzipychop xmeññ me ni güyu-le apóstl yahc: nier gahc, Simóṉ ni zegahc ra yâme lee Pedr, no behtzy me Ndréz; Jacob no behtzy me Juaṉ, gyrop yâme we xiiñ Zebedeu;

MATEO 10:4

Simóṉ ni güyuꞌ lahd to cuib meññ ni le cananist, no Jud-Iscariot ni byluxu bdee Jesúz lo ña meññ-rdziadzyno leeme.

MARCOS 14:10

No Jud-Iscariot naꞌ, to lahd gydiby tzipychop xmeññ Jesúz, güya me lo xjefy yahc bahl lehdy gdee me Jesúz lo ña yâme.

JUAN 12:4

No to xmeññ Jesúz, ni le Jud-Iscariot, ni gdee Jesúz lo ña meññ-rdziadzyno lee, günii me, ne me:

JUAN 13:2

Ru gayagü-tzie yâme we naꞌ, ba güluꞌ bêndzab guîlrieñ-nahcsy leññ xguîlmbahñ Jud-Iscariot, xiiñ Simóṉ, lehdy gdee me Jesúz lo ña meññ-rdziadzyno Jesúz.

JUAN 13:26

Ra Jesúz leeme: ―Cunisaꞌ diby laꞌy paṉ, no dxu gdedyaꞌu lee, wé we leeme. No gülunihs Jesúz diby laꞌy paṉ no bdee meu Jud, xiiñ Simoṉ-Iscariot.

JUAN 2:2

Zegahc psieññ yâme Jesúz no xmeññ, no güya yâme lo guîltziahl.

JUAN 20:24

De lo gydiby tzipychop xmeññ Jesúz, to lahd yâme ni le Tomáz, ni ra yâme lee Dídimo, dgueññ me ru biahd Jesúz.

JUAN 6:64

Per nu ziaꞌr lahd laꞌd ni nehx rlíladzy. Günii Jesúz nirieꞌ porni nann me dxu nehx rlíladzy yahc leeme, no dxu gdee leeme lo ña meññ-rdziadzyno leeme.

JUAN 6:70

Ra Jesúz leeyâme: ―¿Dâs‑e naa güleꞌn tzipychop laꞌd la? Luxu to lahd laꞌd nac beeiy bêndzab.

HECHOS 2:23

Per Dioz ba gahc nann me bia dziguiahc Jesúz, bdee me ñahz günahzy laꞌd leeme, no guhc ni ba ne me gac. No ru ba nu Jesúz lo ña laꞌd, gucno meññ-dirquihñ laꞌd pquehd leeme lo cruzy. No mod-wé bgaꞌdy laꞌd leeme.

JUDAS 1:4

Porni lahd laꞌd ba nu meññ-rtzoo ni dirquihñ, güyuꞌ yâme ngaꞌdzy gá no rtiꞌx yâme xlaꞌy Dioz lehdy ctzoo yâme gyre gyzasy ni nahcsy, per ba gahc ziaad lo Guehtzy ru queꞌ xtiidz Dioz ru neu, meññ-wé gynihty yâme lo xguîlquie yâme. Meññ-wé rruu yâme contr dbixwaan nó ni lehzy rtzoo mdad nó, leeme we Jesucrist.