JUAN 6:57 - Zapotec Guevea de Humboldt New Testament

⁵⁷ DTadaꞌ ni pshahl naa rdee me guîlmbahñ, no zegahc naa mbahñaꞌ por leeme; no mod-wé dxu gahgü de naa, gdedyaꞌ lee guîlmbahñ.

JUAN 6:57 Iomraidhean Croise

MATEO 16:16

Ra Simoṉ-Pedr leeme: ―Lii we nac Crist, Xiiñ Dioz-mbahñ.

JUAN 14:19

Leññ doozy hór, zrieñ meññ-nu lo guiedzylie ba nehx zwieꞌ yâme naa, per laꞌd zwieꞌ laꞌd naa; no porni gybahñaꞌ gyzac, leewe laꞌd zegahc zbahñ laꞌd gyzac.

JUAN 14:6

Ra Jesúz leeme: ―Naa we beeiy to ñahz, no rlun ni uli, no rdedyaꞌ guîlmbahñ ni nehx zluhx. Ndruhty nehx zdzihñ ru nu dTadaꞌ bâḻ di gacu por naa.

JUAN 17:21

Rnabaꞌ lii gap yâme tohzy guîlriehñ beeiy gahc mod-nuy no naa, Dad, no mod-nun no lii; mod-wé gahc, gap yâme tohzy guîlriehñ no nó, lehdy gylíladzy meññ-nu lo guiedzylie lii we pshahl naa.

JUAN 3:17

Dioz nehx pshahl Xiiñ me lo guiedzylie lehdy gniꞌdy me meññ lo xguîlquie, mazyg lehdy guislaa me meññ de lo guîlnadz ni ziaad.

JUAN 5:26

Porni xTad me rdee guîlmbahñ ni nehx zluhx; modé gahc‑e bdee xTad me de ni beeiyu Xiiñ me rdee me guîlmbahñ;

JUAN 6:29

Ra Jesúz leeyâme: ―Ni racladzy Dioz ctzoo laꞌd, gylíladzy laꞌd naa ni pshahl me lee.

JUAN 6:38

Naa biataꞌ gybaa dac‑e par ctzon ni racdadzyaꞌ, mazyg lehdy ctzon ni racladzy dTadaꞌ ni pshahl naa.

1 CORINTIOS 15:22

Sca-ze gyre meññ rehty porni ziaad yâme de Adáṉ, zegahc‑e gyre meññ ni nu no Crist zahp yâme guîlmbahñ;

1 CORINTIOS 15:45

No zegahc ne lo Guehtzy ru queꞌ xtiidz Dioz: “Mpyquie ni nier lee güyuꞌ no güyuꞌ le Adáṉ, guhc me to meññ-mbahñ”; per Crist nac me ni rrohp Adáṉ, no nac me spirt ni rdee guîlmbahñ.

2 CORINTIOS 13:4

Ni uli we guhc Crist meññ ni di raḻu lee dze-guhty me lo cruzy, per naꞌ mbahñ me por Dioz ni beeiyu lee. No zegahc noꞌ, nac noꞌ xmeññ Crist ni di raḻu lee scâsy guhc me, leewe Dioz ni beeiyu lee gacno me noꞌ lehdy gacno noꞌ laꞌd.

GÁLATAS 2:20

Naa rahc cuent guhtyaꞌ cueen lo cruzy no Crist. No ba dac‑e naa ni mbahñ, ba Crist‑e nu leññ dguîlmbahñaꞌ. No ni mbahñaꞌ ni naꞌ la, mbahñaꞌ we porni rlídadzyaꞌ Xiiñ Dioz ni ndzi naa no ni guhty por naa.

1 TESALONICENSES 1:9

porni leegahc yâme ru diidz lguia ni bdee laꞌd ñahz güyuꞌ noꞌ lahd laꞌd, no rtzunadz yâme bia mód‑e psaan laꞌd ni rzacbeeiy laꞌd cuentz figur no byo laꞌd ni ulihbu Dioz lee no ni mbahñ, no guzlo gatzoo laꞌd ni ne me.

HEBREOS 9:14

Per bâḻ ze leeu la, ¡dxiclé xrieñ Crist ma beeiyu lee! No por Spirt-Sant ni nehx znihty, Crist bdee me leegahcme to gun ni nye lo Dioz, no xrieñ me rtzunyaru dguîlriehñ nó de ni nahcsy ni ptzoo nó ni ridno guîlguhty. Mod-wé ptzoo me lehdy beeiy gzacbeeiy nó Dioz-mbahñ.

1 JUAN 4:9

Dioz mod-rieꞌ bluu me xguîlndzi me no nó dze-pshahl me Xiñ-ngahc me lo guiedzylie lehdy gdee me nó guîlmbahñ ni nehx zluhx.