JUAN 5:36 - Zapotec Guevea de Humboldt New Testament

³⁶ Per naa rapaꞌ sto ni rdee diidz ni ma rsahc que ni bdee Juaṉ diidz. Naa rtzon ni ne dTadaꞌ ctzon, no leegahcu rdee diidz leeme pshahl naa.

JUAN 5:36 Iomraidhean Croise

MATEO 11:4

Were ra Jesúz leeyâme: ―Lâ tza, no lâ gu diidz lo Juaṉ gyre ni gawieꞌ laꞌd no ni gayieññ laꞌd.

LUCAS 2:49

Were ra Jesúz leeyâme: ―¿Bia nacu ryo laꞌd naa? ¿Nehx nann laꞌd la, naa rapaꞌ de ni tzun lo xtziiñ dTadaꞌ?

JUAN 10:25

Ra Jesúz leeyâme: ―¿Dâs ba gahc ren laꞌd la, no nehx rlíladzy laꞌd naa? Naa rtzon ni ra dTadaꞌ naa, no leeyahcu rdee diidz dxu naa;

JUAN 11:37

Lahd gahc meññ-rieꞌ gaya saꞌ yâme: ―Mpyquie-rieꞌ ni psiaḻ lo ngaḻ, ¿di ñaḻ dxi nislaa me Lasr de lo guîlguhty la?

JUAN 15:24

Nehx ñahp yâme guîlquie bâḻ naa nehx ptzon lahd yâme mbehty ni ngann ni nehx beeiy ntzoo zrieñ meññ. Per naꞌ ba bwieꞌ yâme gyre ni ptzon, no nîcze ze leeu, néladzy yâme naa no néladzy yâme dTadaꞌ.

JUAN 17:4

’Ba ptzon gyre ni guhdzyiꞌ naa, no modé güluguian lii neꞌ lo guiedzylie.

JUAN 2:23

Ru nu Jesúz Jerusaléṉ lo lni-Pascü ni rtzoo meññ-Isṟael, xtahl meññ bylíladzy leeme porni bwieꞌ yâme gatzoo me xtahl ni ngann.

JUAN 3:17

Dioz nehx pshahl Xiiñ me lo guiedzylie lehdy gniꞌdy me meññ lo xguîlquie, mazyg lehdy guislaa me meññ de lo guîlnadz ni ziaad.

JUAN 3:2

Güya me guiaal ru nu Jesúz, no ra me lee: ―Muextr, nann noꞌ Dioz pshahl lii guidluuy noꞌ, porni rtzooy xtahl ni ngann, no ndruhty nehx beeiy ntzoo leeyahcu bâḻ nehx nu Dioz no lee.

JUAN 4:34

Per Jesúz ra leeyâme: ―Ni zidguiahc beeiy dguîlrahguaꞌ, leeu we de ni ctzon ni ne Dioz ni pshahl naa, no luxaꞌ xtziiñ me.

JUAN 5:32

Nu sto ni rdee diidz de naa, no nannaꞌ ni rnii me de naa, ni uli we leeu.

HECHOS 2:22

’Meññ-Isṟael, lâ guieññ ni gapyaꞌ laꞌd. Nann laꞌd Dioz bluu me de ni pshahl me Jesúz, to meññ-Nasaret, no gucno me lee lehdy ptzoo Jesúz xroꞌ cos yahc, no guîlrtzunadz, no ni ngann, no ptzoo me leeu ñaz-lo laꞌd.

1 JUAN 5:9

Bâḻ rlídadzy nó ni rdee meññ diidz la, ni rdee Dioz diidz ma rsahcu; porni leeu we ni rdee Dioz diidz lguia Xiiñ me.