JUAN 4:34 - Zapotec Guevea de Humboldt New Testament

³⁴ Per Jesúz ra leeyâme: ―Ni zidguiahc beeiy dguîlrahguaꞌ, leeu we de ni ctzon ni ne Dioz ni pshahl naa, no luxaꞌ xtziiñ me.

JUAN 4:34 Iomraidhean Croise

MATEO 26:39

Luxu, za Jesúz stoozy zit-yaañ no bisshiby me lé güdihsh ihqy me lo yu, no günab me lo Dioz, ne me: ―Lii ni nac dTadaꞌ, bâḻ ñahcu ni ñaḻ, bislaa naa de lo ni nadz ni gabiahz naa; per dac‑e gac ni gynin, mazyg ni gyniiy‑e.

MATEO 3:15

Ra Jesúz leeme: ―Per naꞌ, gacu ze; porni rquihñu ctzoo nó gyre ni ne Dioz gac. No were pchôbnihs Juaṉ leeme.

MATEO 9:19

Were biahs Jesúz, byruu me za me no xmeññ me, ziyno mpyquie-caḻ leeyâme.

LUCAS 15:10

No gapyaꞌ laꞌd, zegahc‑e rxihly x‑ángel Dioz ru to meññ-guîlquie rsaan ni nahcsy ni nac.

LUCAS 19:10

Naa, Mpyquie-Pshahl Dioz Lee, zidyobyaꞌ meññ ni rahc cuent ba bynihty par guislaan leeyâme de lo guîlnadz ni ziaad.

LUCAS 2:49

Were ra Jesúz leeyâme: ―¿Bia nacu ryo laꞌd naa? ¿Nehx nann laꞌd la, naa rapaꞌ de ni tzun lo xtziiñ dTadaꞌ?

JUAN 17:4

’Ba ptzon gyre ni guhdzyiꞌ naa, no modé güluguian lii neꞌ lo guiedzylie.

JUAN 19:28

Jesúz nann me gyre ni nac diidz gac ba guhcu, no lehdy gac ni rnii lo Guehtzy ru queꞌ xtiidz Dioz, were günii me: ―Rzaagydadzyaꞌ.

JUAN 19:30

No byluxz güee me vinagyr, ne me: ―Gyreu ba bylux. No bgaaḻ ihqy me, no guhty gahc me.

JUAN 4:32

Per leeme ra me leeyâme: ―Naa rapaꞌ to guîlrahgü ni nehx rzaclo laꞌd lee.

JUAN 5:30

’Nehx beeiy rtzon mbehty ni ne dguîlriehñaꞌ. Mod-ra dTadaꞌ naa, mod-wé we rtzon guîlguxtisy; no xñahzu ni rtzon, porni nehx ryobyaꞌ ctzon ni racdadzyaꞌ, mazyg ni racladzy dTadaꞌ ni pshahl naa.

JUAN 5:36

Per naa rapaꞌ sto ni rdee diidz ni ma rsahc que ni bdee Juaṉ diidz. Naa rtzon ni ne dTadaꞌ ctzon, no leegahcu rdee diidz leeme pshahl naa.

JUAN 6:33

Porni paṉ ni rdee Dioz, leeu we ni biaht gybaa no rdee guîlmbahñ meññ-nu lo guiedzylie.

JUAN 6:38

Naa biataꞌ gybaa dac‑e par ctzon ni racdadzyaꞌ, mazyg lehdy ctzon ni racladzy dTadaꞌ ni pshahl naa.

JUAN 8:29

Leeme pshahl naa no nuno me naa; dTadaꞌ nehx rsaꞌn me naa tohgaꞌ, porni rtzon ni riuꞌladzy me.

HECHOS 20:35

Nann laꞌd mod-wé we blun laꞌd, ctzoo nó dziiñ par gacno nó meññ-nehx rahp ni tedydzé. No guitsêlou nó ni günii Jesúz ru ne me: “Mahbu we dxu ñahc beeiy meññ ni riscady que meññ ni rady.”

HEBREOS 12:2

Yquee dihqy nó Jesúz, de leeme ziaad de ni rlídadzy nó Dioz, no leeme we rtzoo par gylídadzy nó ma zaꞌgndzi. Jesúz naꞌ, güdedy me ni nadz lo cruzy, no nehx güluꞌ ihqy me guîlguty-nadz ni nac to guîlrtuꞌ ni güdedy me, porni nann me gylux tedy me ni nadz gyxihly me; no gürie me lad-drech coo Dioz ru rtzoo mdad.