JUAN 3:5 - Zapotec Guevea de Humboldt New Testament

⁵ Ra Jesúz leeme: ―Gapyaꞌ lii ni uli, dxu di gahl de nzeꞌ no de xiSpirt Dioz, nehx beeiy tzu ru rtzoo Dioz mdad.

JUAN 3:5 Iomraidhean Croise

MATEO 18:3

No ra me: ―Gapyaꞌ laꞌd ni uli, bâḻ di csaan laꞌd ni nac laꞌd lehdy gac laꞌd beeiy mbiux la, nehx beeiy tzu laꞌd ru rtzoo Dioz mdad.

MATEO 19:24

Gapyaꞌ laꞌd gyzac, ma nehx ngann ndedy to camell xguiehr igux que to meññ-ṟicü ndee me ñahz ntzoo Dioz mdad leeme.

MATEO 21:31

¿Dxu de lo gyrop yâme ptzoo ni ne xtad? Ra yâme Jesúz: ―Ni ra me nier lee. Ra Jesúz leeyâme: ―Gapyaꞌ laꞌd ni uli, meññ-rcuquix mpuezd no meññ-ngünaa yahc ni nehx rahp tohzy mpyquie, ma ngueeḻy ziuꞌ yâme ru rtzoo Dioz mdad que laꞌd.

MATEO 28:19

No leewe ren laꞌd: Lâ tza gydo lo guiedzylie, lâ guno meññ dtiidzaꞌ lehdy gac yâme dmeññaꞌ; no lâ cchôbnihs leeyâme por le dTad nó Dioz, no Xiiñ me, no Spirt-Sant;

MATEO 3:11

Naa ni uli we rchôbnisaꞌ laꞌd no nzeꞌ lehdy guieññ psaan laꞌd ni nahcsy ni nac laꞌd; per nu sto ni guiaad lux de ni biaḻaꞌ ni ma beeiyu lee que naa, ni nehx rsahcaꞌ ni xguidguial me niynonu. Beeiy to guîlrrôbnihs gdee me Spirt-Sant ni tzu leññ xguîlmbahñ laꞌd no ctzoo me guîlguxtisy no gue.

MATEO 5:20

Gapyaꞌ laꞌd, bâḻ di gac laꞌd ma meññ-tziaawy que muextr ni ruuḻ yahc xleiy Moiséz no meññ-nac yahc fariseu, nehx ziuꞌ laꞌd ru rtzoo Dioz mdad.

MARCOS 10:14

Hor-bwieꞌ Jesúz ni gatzoo xmeññ me, bydziaꞌdzy me, no ra me lee: ―Lâ gdee ñahz guiaad mbiux ni zidyo naa, no di yca laꞌd leeyâme; porni dxu gac scâsy mbiux-rieꞌ yahc la, par leeyâme we ru rtzoo Dioz mdad.

MARCOS 16:16

Dxu rlíladzy dtiidzaꞌ no gyrôbnihs la, wé we zlaa de lo guîlnadz ni ziaad; per dxu nehx rlíladzy dtiidzaꞌ, wé rahp de ni gaty.

MARCOS 9:47

No bâḻ to loꞌy rquihlyu lii ctzooy guîlquie, güloo leeu; beeiydí tzuy ru rtzoo Dioz mdad no tohzy loꞌy, no ba dac tzaꞌy infiern, queꞌ gyrop loꞌy.

LUCAS 13:24

―Lâ gnâbladzy laꞌd par tzu laꞌd ñaz-ruꞌ puert-mbia. Gapyaꞌ laꞌd, xtahl meññ‑e gacladzy tzuw, per di zaḻu.

LUCAS 13:3

Gapyaꞌ laꞌd, dac‑e por leeu guhty yâme. Laꞌd znihty laꞌd‑e zegahc, bâḻ di csaan laꞌd ni nahcsy ni nac laꞌd.

LUCAS 13:5

Gapyaꞌ laꞌd, dac‑e por leeu guhty yâme. Bâḻ laꞌd di csaan laꞌd ni nahcsy ni nac laꞌd la, znihty gyre laꞌd‑e zegahc.

JUAN 1:13

No meññ-rieꞌ yahc nehx guhl yâme mod-rahl meññ-nu lo guiedzylie, ni dac mod-rahp meññ xiiñ, ni dac porni to mpyquie biuꞌladzy gacu ze, mazyg Dioz ne gac yâme xiiñ me.

JUAN 3:3

Ra Jesúz leeme: ―Gapyaꞌ lii ni uli, dxu di gahl gyzac, nehx beeiy tzu ru rtzoo Dioz mdad.

JUAN 3:4

Ra Nicodem leeme: ―Per ¿bia mód‑e ñahl to meññ gyzac no ba mînguhl lee? ¿Nehxni beeiy ñuꞌ me leññ xmam me sto no ñahl me gyzac?

HECHOS 2:38

Ra Pedr leeyâme: ―Lâ csaan ni nahcsy ni nac laꞌd, no to to laꞌd lâ gyrôbnihs por le Jesucrist lehdy guieññ ba psiaaḻladzy Dioz xguîlquie laꞌd; no zdee me Spirt-Sant laꞌd.

HECHOS 3:19

No leewe, lâ gyo Dioz no lâ csaan ni nahcsy ni nac laꞌd, lehdy csiaaḻladzy Dioz gyre xguîlquie laꞌd, no were zactziaawy xguîlmbahñ laꞌd.

ROMANOS 14:17

porni mod-rtzoo Dioz mdad, dac‑e de ni rahgü xmeññ me o de ni roo yâme, mazyg de ni ctzoo yâme ni nac xñahzû, no de ni tzu yâme dzie tziaawy no gap yâme guîlrxihly por Spirt-Sant ni nuno leeyâme.

ROMANOS 8:2

Porni xiSpirt Dioz ni rdee guîlmbahñ por Crist Jesúz, wé we bislaa naa de lo ni ptzoo guîlquie mdad naa, no de ladzyña guîlguhty.

1 CORINTIOS 15:50

Gapyaꞌ laꞌd, rman, cuerp ni rahp nó neꞌ lo guiedzylie nehx beeiy tzuw ru rtzoo Dioz mdad, porni nehx beeiy tzu ni riudz lahd ni nehx riudz.

1 CORINTIOS 2:12

No nehx cuaꞌ nó spirt ni nu lo guiedzylie, mazyg cuaꞌ nó Spirt ni ziaad de Dioz, lehdy guieññ nó ni ba bdee Dioz nó.

1 CORINTIOS 6:11

Ba xtze mod-wé guhc lahd laꞌd; per naꞌ ba biar xguîlmbahñ laꞌd, no ba ptzoo me laꞌd nunzy par leeme, no ba pteedy me laꞌd beeiy ni nehx nzahby guîlquie por Jesucrist ni rtzoo mdad no por xiSpirt tDioz nó.

GÁLATAS 6:15

Porni lo xñahz Crist Jesúz, nehx rsahc señ bâḻ ñuꞌu lady meññ o nehx ñuꞌu; mazyg ni rsahc‑e, bâḻ rahp meññ guîlmbañ-coby ni rdee Dioz.

EFESIOS 5:26

Ptzoo Crist ze lehdy ptzoo me xmeññ me nunzy par leeme, no ba ptzunyar me xguîlmbahñ yâme por xtiidz me scâsy to cos ni riar no nzeꞌ,

1 PEDRO 1:2

Dioz ni nac dTad nó güle me laꞌd glo ba xtze diaa, porni ze ne me gacu. No por Spirt-Sant ptzoo Dioz laꞌd nunzy par leeme, lehdy gzobdiidz laꞌd leeme no gacnyar xguîlmbahñ laꞌd por xrieñ Jesucrist. Dioz cu xlaꞌy laꞌd no gacno me laꞌd tzu laꞌd dzie tziaawy gyre gyzasy mód.

1 PEDRO 3:21

No nze-wé zidguiahcu beeiy guîlrrôbnihs ni rahc cuent por lee ba bislaa Dioz nó. Guîlrrôbnihs naꞌ, dac‑e par nguihbyu dcuerp nó, mazyg por leeu rnab nó lo Dioz to guîlrieñ-nye, no bylaa nó porni gübahñ Jesucrist,

1 JUAN 2:29

Sca-ze nann laꞌd Jesucrist rtzoo me ni nac xñahzû, lâ gann zegahc gyre dxu rtzoo ni nac xñahzû, wé we xiiñ Dioz lee.

1 JUAN 5:1

Gyre dxu rlíladzy Jesúz‑e nac Crist la, wé we xiiñ Dioz; no gyre dxu ndzi to ngüzahn, zegahc‑e ndzi me xiiñ ngüzan-rieꞌ.