JUAN 3:26 - Zapotec Guevea de Humboldt New Testament

²⁶ No güya yâme, ra yâme Juaṉ: ―Muextr, mpyquie ni güya ru zuꞌy stiby chehsh guiagü-Jordáṉ, ni bdeedyiꞌ diidz de lee, gachôbnihs me, no gadohp gyre meññ leeme.

JUAN 3:26 Iomraidhean Croise

MATEO 23:7

No hor-ganzeꞌ yâme leññ guiedzy, racladzy yâme gynii meññ diux leeyâme no xroꞌ guîlrzacbeeiy, no riuꞌladzy yâme ga meññ leeyâme: “Muextr.”

MATEO 23:8

’Per laꞌd, di gyo laꞌd ga meññ laꞌd “Muextr”; porni rahp laꞌd nunzy to Muextr, lee we Crist, no gyre laꞌd‑e zidguiahc beeiy tohzy family.

JUAN 1:15

Juaṉ bdee diidz de leeme, no ne: ―De leeme we ni ren hor-günin: “Nu sto ni guiaad lux de ni biaḻaꞌ ni ma rsahc que naa, porni ba gahc nu me ma xtze diaa antzy que naa.”

JUAN 1:7

Biahd me lehdy gynii me no gdee me diidz dxu lee nac beeiy byniꞌ, lehdy gyre meññ gylíladzy de dxu ganii Juaṉ.

JUAN 1:9

No ni ulihbu lee nac byni-rieꞌ, ziaad me lo guiedzylie, zidno me guîlbyniꞌ par gyre meññ.

JUAN 11:48

Bâḻ gdee nó ñahz ctzoor me mod-rieꞌ, gyre meññ zlíladzy leeme; no luxu guiaad xsoldad meññ-Ṟom ni rtzoo mdad, guidnidylo yâme diydoró nó, no zegahc gyre dmeññ nó.

JUAN 12:19

Per meññ-nac yahc fariseu ra saꞌ yâme: ―Ba bwieꞌ laꞌd la, di zaḻ ctzoo nó mbehty. Lâ güieꞌ, xnahc gyre meññ gadohp leeme.

JUAN 3:2

Güya me guiaal ru nu Jesúz, no ra me lee: ―Muextr, nann noꞌ Dioz pshahl lii guidluuy noꞌ, porni rtzooy xtahl ni ngann, no ndruhty nehx beeiy ntzoo leeyahcu bâḻ nehx nu Dioz no lee.

JUAN 4:1

Bieññ meññ-nac yahc fariseu ma xtahl meññ gadohp Jesúz, no ma xtahl meññ gachôbnihs me que Juaṉ,

JUAN 4:2

nîcze nehx Jesúz rchôbnihs, mazyg xmeññ me.

JUAN 4:31

Lóni zia ngüna-caḻ, xmeññ Jesúz naꞌ gaya leeme: ―Muextr, güdahgü.

JUAN 5:33

Laꞌd pshahl meññ-bignabdiidz Juaṉ; no ni günii me, ni uli we leeu.