JUAN 21:5 - Zapotec Guevea de Humboldt New Testament

⁵ Were ra Jesúz leeyâme: ―Shiꞌñ, ¿ba günahzy laꞌd mbaḻ la? Ra yâme leeme: ―Yac, dgueññ gynahzy noꞌ mbehty maꞌ.

JUAN 21:5 Iomraidhean Croise

MATEO 14:15

Gumm ba gayahc guiaal la, were gübigy xmeññ Jesúz, ra yâme leeme: ―Neꞌ ba diby lad‑e leeu no ba udzie. Gu meññ-rieꞌ yahc tza yâme guiedzy-yaañ ni nu gahsh de neꞌ, dzicshii yâme ni gahgü yâme.

MARCOS 8:7

No zegahc güdahp yâme chohp tzonn mbaḻ-yaañ. No bylux bdee Jesúz xquix Dioz por leeyâmaꞌ, zegahc ptzoo me mdad güdiiz xmeññ me leeyâmaꞌ.

FILIPENSES 4:19

No tDiozaꞌ, de lahd gyre ni mos ni rahp me lo xguîlbyniꞌ me, zdee me laꞌd gyre ni gayaadz laꞌd, porni nu laꞌd no Crist Jesúz.

HEBREOS 13:5

Di gyzîbyladzy laꞌd gap laꞌd xtahl medy; lâ gyxilyno glohdy ni rahp laꞌd, porni Dioz ne me: “Nehx zboodadzyaꞌ lii ni nehx ssanaꞌ lii tohguiꞌ.”

1 JUAN 2:13

Gazan nirieꞌ par laꞌd ni nac ngüzahn, porni rzaclo laꞌd Jesucrist ni ba gahc nu glo dze-güyaa guiedzylie. Gazan nirieꞌ par laꞌd ni nac mêññxtohby, porni ba nehx rtzoo laꞌd ni ne bêndzab. Gazan nirieꞌ par laꞌd, shiꞌñ, porni ba rzaclo laꞌd Dioz ni nac dTad nó.

1 JUAN 2:18

Shiꞌñ, ba nu nó leññ dzé yahc ni gydibylgaa guiedzylie; no mod-ba bieññ laꞌd ziaad to meññ-rruu contr Crist, no naꞌ ba ma bydáhl meññ-rruu contr Crist; no por leeu nann nó nu nó leññ dzé yahc ni gydibylgaa guiedzylie.