JUAN 21:19 - Zapotec Guevea de Humboldt New Testament

¹⁹ Nirieꞌ günii Jesúz, gaya me Pedr bia mód gaty lehdy Pedr, no xguîlguhty me, cuguia me Dioz. Bylux günii Jesúz ze, ra me Pedr: ―Náḻiꞌ naa.

JUAN 21:19 Iomraidhean Croise

MATEO 10:38

no dxu racladzy gac dmeññaꞌ lee no di ne gbooladzy xtâ xguîlmbahñ, nehx rquihñ me par ñahc me dmeññaꞌ.

MATEO 19:28

Ra Jesúz leeyâme: ―Gapyaꞌ laꞌd ni uli, dze-gydzee gyre cos mod-nac, lee we dze-ba naa, Mpyquie-Pshahl Dioz Lee, dxien to ru mos ru ctzon guîlguxtisy to lo guîlbyniꞌ, were laꞌd ni nac dmeññaꞌ lee, zbia laꞌd zegahc tzipychop lgar ru ctzoo laꞌd guîlguxtisy, no güieꞌ laꞌd ni nac gyre meññ-ziaad de lo xfamily gydiby tzipychop xiiñ Isṟael.

MATEO 8:22

Ra Jesúz leeme: ―Náḻiꞌ naa naꞌ; psaꞌn meññ-nac yahc beeiy mînguty ycaꞌdzy yâme xmeññ yâme ni ba guhty.

JUAN 12:26

Dxu riuꞌladzy ctzoo dixtziñaꞌ, ctzoo ni ren; no ru tzun, wé we ziuꞌ dxu gatzoo dixtziñaꞌ. No dxu rtzoo dixtziñaꞌ, zguguia dTadaꞌ lee.

JUAN 12:33

Mod-rieꞌ günii Jesúz bia mód gaty me.

JUAN 18:32

Günii yâme ze lehdy guhc mod-ne Jesúz hor-günii me bia mód gaty me.

JUAN 21:18

Gapyaꞌ lii ni uli, dze-miꞌñ ziaꞌ lii ruhtz shabiꞌ tohguiꞌ no riay rutisy neꞌy; per dze-ba mînguhl lii, stzihly xihcuiꞌ, no zrieñ dxu iguhtz shabiꞌ no tziyno lii ru nehx riuꞌladzyiꞌ.

JUAN 21:22

Ra Jesúz leeme: ―Bâḻ gacdadzyaꞌ guiaꞌn me no nehx zehty me xtâ glo guibyguiataꞌ la, nehx rahpiꞌ de ni ganniꞌ leeu. Mazyg lii, náḻiꞌ naa.

FILIPENSES 1:20

Ni ma riuꞌdadzyaꞌ no ni gabiaazaꞌ la, di tzu mbehty ni guistuꞌ naa; mazyg gynin lo meññ no di gydziehbyaꞌ lehdy ni naꞌ tzuguia Crist, mod-rahc gahcu, por gyre mod-nacaꞌ, bâḻ mbahñaꞌ o bâḻ gatyaꞌ.

2 PEDRO 1:14

Porni Jesucrist ni rtzoo mdad nó ra me naa ba gadziñgahsh dguîlguhtyaꞌ.