JUAN 20:27 - Zapotec Guevea de Humboldt New Testament

²⁷ Luxu, ra me Tomáz: ―Bwieꞌ dñan no güdan ru güyaaz clav; no güdan coo dleññaꞌ ru güyaaz lanz. Ba di yqueꞌladzyiꞌ, mazyg bylíladzy.

JUAN 20:27 Iomraidhean Croise

MATEO 17:17

Hor-bieññ Jesúz nirieꞌ, ra me: ―¡Laꞌd ni nu ni naꞌ, nehx rlíladzy laꞌd naa no meññ-dirquihñ laꞌd! ¿Xtâ buc rapaꞌ de ni tzun lahd laꞌd? ¿Xtâ buc beeiy ctibdadzyaꞌ laꞌd? Lâ guidno leeme neꞌ.

MARCOS 9:19

Ra Jesúz leeyâme: ―¡Laꞌd ni nu ni naꞌ, nehx rlíladzyt naa! ¿Xtâ buc rapaꞌ de ni tzun lahd laꞌd? ¿Xtâ buc beeiy ctibdadzyaꞌ laꞌd? Lâ guidno leeme neꞌ.

LUCAS 24:39

Lâ güieꞌ ru güyaaz clav dñan no dnien. Naa gahc‑e. Lâ can naa no lâ güieꞌ. To xguiaḻ meññ nehx rahp dziht ni biahl, mod-rwieꞌ laꞌd rapaꞌnu.

LUCAS 24:40

Bylux günii me ze, bluu me leeyâme ña me no nieꞌ me ru güyaaz clav.

LUCAS 9:41

Were ne Jesúz: ―¡Laꞌd ni nu ni naꞌ, nehx rlíladzyt naa no meññ-dirquihñ laꞌd! ¿Xtâ buc rapaꞌ de ni tzun lahd laꞌd, no xtâ buc beeiy ctibdadzyaꞌ laꞌd? Were ra me mpyquie-wé: ―Dno xiiñiꞌ neꞌ.

JUAN 20:20

Bylux günii me ze, bluu me ru güyaaz clav ña me, no bluu coo leññ me bwieꞌ xmeññ me, no rxihly yâme gawieꞌ yâme leeme.

JUAN 20:25

Per zrieñ yâme ni bwieꞌ Jesúz ra yâme Tomáz: ―Bwieꞌ noꞌ Señor. Per Tomáz ra leeyâme: ―Bâḻ nehx nwien xseñ clav ña me no nlezy ihqy dñan ru güyaaz clav, no nlezy dñan zegahc coo leññ me ru güyaaz lanz, nehx nlídadzyaꞌ.

JUAN 20:28

Were ra Tomáz leeme: ―¡Señor, lii we rtzoo mdad naa, no lii we tDiozaꞌ!

ROMANOS 5:20

Leiy naꞌ, güyuꞌu lehdy gydáhl guîlquie; per lóni bydáhl guîlquie la, ba mahbu bydáhl xlaꞌy Dioz.