JUAN 2:18 - Zapotec Guevea de Humboldt New Testament

¹⁸ Ra meññ-Isṟael leeme ni rtzoo mdad: ―¿Bia ni ngann ctzooy lehdy gann noꞌ dxu naquiꞌ ctzooy gyre nirieꞌ?

JUAN 2:18 Iomraidhean Croise

MATEO 21:23

Byluxu güyuꞌ Jesúz leññ idoró, no hor-galuu me meññ, xjefy yahc bahl no zrieñ mînguhl yahc ni nac guxtisy lahd meññ-Isṟael, gübigy yâme no ra yâme leeme: ―¿Dxu naquiꞌ par ctzooy gyre nirieꞌ? ¿No dxu guhdzy lii ctzooyu?

MARCOS 8:11

Bydzihñ meññ-nac yahc fariseu no guzlo gadeḻydiidz yâme no Jesúz; no lehdy nwieꞌ yâme bia beeiy rtzoo me, günab yâme ntzoo me to ni ngann ni nunzy Dioz beeiy rtzoo.

LUCAS 11:29

Gadohp ziaꞌ meññ ru zu Jesúz, guzlo ne me: ―Meññ ni nu yahc ni naꞌ, meññ-dirquihñ‑e leeyâme; ne yâme nwieꞌ yâme ñahc to ni ngann ni nunzy Dioz beeiy rtzoo. Per ba nehx zwieꞌ yâme zrieñ ni ngann ni ñahc, mazyg beeiy ni ngann ni guhc no Jonáz.

JUAN 1:19

Nirieꞌ we diidz ni bdee Juaṉ, dze-meññ-Isṟael ni rtzoo yahc mdad pshahl yâme lahd bahl tohzy no meññ-nac levit ni nu Jerusaléṉ, bignabdiidz yâme leeme, ra yâme: ―¿Dxu we lii?

JUAN 1:25

No günabdiidz yâme, ra yâme leeme: ―¿Biaz nacu rchôbnihsiꞌ meññ bâḻ dac lii nac Crist, ni profet-Elíaz, ni profet ni gabiaaz noꞌ guiaad?

JUAN 6:30

Ra yâme leeme: ―¿Bia ni ngann rtzooy, nwieꞌ noꞌ lehdy gylídadzy noꞌ lii? ¿Bluu noꞌ ni beeiy rtzooy?

HECHOS 4:7

Were pshalcaꞌ yâme Pedr no Juaṉ, bzu yâme lee glawy, no ra yâme lee: ―¿Dxu no xtiidz gatzoo laꞌd mod-rieꞌ, o dxu pshahl laꞌd ctzoo laꞌd ze?

HECHOS 5:28

―¿Dâs‑e ba ra noꞌ laꞌd na di gluur laꞌd meññ lguia Jesúz la? Per laꞌd nehx rieññ laꞌd. Gyre meññ-Jerusaléṉ ba bieññ ni galuu laꞌd no gadzibguîlquie dir laꞌd noꞌ, nehd noꞌ biꞌdy mpyquie-wé.