JUAN 2:11 - Zapotec Guevea de Humboldt New Testament

¹¹ Nirieꞌ ni ptzoo Jesúz guiedzy-Caná lo ṟegioṉ-Galilea, wé we ni ngann ni nier lee ptzoo me, no wé guzlo rwieꞌ meññ xroꞌ ni rtzoo me; no xmeññ me bylíladzy yâme leeme.

JUAN 2:11 Iomraidhean Croise

JUAN 1:14

No leegahcme ni le Diidz, guhl me lo guiedzylie no güyuꞌ me dlahd noꞌ, no nu laꞌy leeme, no ptzoo me pur ni nac ni uli. No bwieꞌ noꞌ xguîlbyniꞌ me ni neññ leeme we nac Xiñ-ngahc Dioz ni nac xTad me lee.

JUAN 1:17

Dioz pshahl me leiy no Moiséz, per xlaꞌy Dioz no ni nac ni uli, bidno Jesucrist leeyahcu.

JUAN 1:43

Ni byre guiaal biuꞌladzy Jesúz za me lo ṟegioṉ-Galilea, no uga bydzial me Felipy, no ra me lee: ―Náḻiꞌ naa.

JUAN 1:50

Ra Jesúz leeme: ―¿Rlíladzyiꞌ naa nunzy porni ren bwien lii xán yag-duug la? Zrieñ ni ma xroꞌ we zwieꞌy que niwé.

JUAN 10:41

No xtahl meññ ria ru nu Jesúz, no ne yâme: ―Juaṉ ni rchôbnihs nehx ptzoo mbehty ni ngann, per gyre ni günii me de mpyquie-rieꞌ, gyreu ni uli.

JUAN 11:15

No rxihlyaꞌ de ni nehx nun uga, no mod-wé ma mos par laꞌd lehdy gylíladzy laꞌd. Per tzo nó dzigüieꞌ nó leeme.

JUAN 11:47

Per xjefy yahc bahl no meññ-nac yahc fariseu, psieññ yâme zrieñ meññ-nac guxtisy, no bydohp yâme no lee, no ra yâme: ―¿Xnahc ctzoo nó naꞌ? Porni mpyquie-rieꞌ rtzoo me xtahl ni ngann.

JUAN 12:18

No por leeu, meññ-bieññ yahc nirieꞌ ni ngann ni ptzoo Jesúz, güya yâme, bigydzil-lo yâme leeme ru ziaad me Jerusaléṉ.

JUAN 12:37

Nîcze gatzoo Jesúz xtahl ni ngann bwieꞌ yâme, per nehx rlíladzy yâme leeme,

JUAN 12:41

Günii Isaíaz nirieꞌ, porni ma antzy diaa bwieꞌ me xguîlbyniꞌ Jesúz, no günii meu.

JUAN 14:13

Naa stzon gyre ni gnab laꞌd por dlen, lehdy tzuguia dTadaꞌ por naa.

JUAN 16:27

porni ndzi gahc dTadaꞌ laꞌd, no porni ndzi laꞌd naa no bylíladzy laꞌd de Dioz‑e biaḻaꞌ.

JUAN 16:30

Hôrrieꞌ ba bwieꞌ noꞌ nanniꞌ gyre cos, nîcze ndruhty nehx nnabdiidz lii behch. Leewe rlídadzy noꞌ ru nu Dioz‑e byruuy.

JUAN 2:1

Ni bionn dzé guhc guîltziahl to guiedzy ni le Caná ni nu lo ṟegioṉ-Galilea, no xmam Jesúz zu me uga ru gayahc guîltziahl.

JUAN 2:23

Ru nu Jesúz Jerusaléṉ lo lni-Pascü ni rtzoo meññ-Isṟael, xtahl meññ bylíladzy leeme porni bwieꞌ yâme gatzoo me xtahl ni ngann.

JUAN 3:2

Güya me guiaal ru nu Jesúz, no ra me lee: ―Muextr, nann noꞌ Dioz pshahl lii guidluuy noꞌ, porni rtzooy xtahl ni ngann, no ndruhty nehx beeiy ntzoo leeyahcu bâḻ nehx nu Dioz no lee.

JUAN 4:3

Hor-gunn Jesúz ni ganii meññ-nac yahc fariseu, byruu me ṟegioṉ-Judea, no gubyguiat me za me ṟegioṉ-Galilea.

JUAN 4:46

Luxu gubyguiat Jesúz guiedzy-Caná ni nu lo ṟegioṉ-Galilea, ru ptzoo me nzeꞌ vin. No guiedzy-Capernaum nu to mpyquie-rtzoo xtziiñ ṟeiy, rahp to xiñ-ñooby me gayac-ure.

JUAN 4:54

Nirieꞌ we ni byrohp ni ngann ni ptzoo Jesúz lo ṟegioṉ-Galilea ru gubyguiat me, byruu me ṟegioṉ-Judea.

JUAN 5:23

lehdy gzacbeeiy gyre meññ Xiiñ Dioz mod-rzacbeeiy gahc yâme xTad me. Dxu nehx rzacbeeiy Xiiñ Dioz, nehx rzacbeeiy yâme xTad me ni pshahl leeme.

JUAN 6:14

Hor-bwieꞌ meññ-caḻ yahc ni ngann ni ptzoo Jesúz, ne yâme: ―Mpyquie-rieꞌ we ulihbu profet ni nac diidz guiaad lo guiedzylie.

JUAN 6:2

Xtahl meññ náḻ ru za me, porni rwieꞌ yâme rtzoo me xtahl ni ngann ni rsiaḻ me meññ-gayac-ure.

JUAN 6:26

Ra Jesúz leeyâme: ―Gapyaꞌ laꞌd ni uli, gayo laꞌd naa, dac‑e porni bwieꞌ laꞌd ptzon ni ngann, mazyg porni güdahgü laꞌd glo bydzeꞌ laꞌd.

JUAN 6:30

Ra yâme leeme: ―¿Bia ni ngann rtzooy, nwieꞌ noꞌ lehdy gylídadzy noꞌ lii? ¿Bluu noꞌ ni beeiy rtzooy?

JUAN 7:31

Xtahl yâme bylíladzy leeme, no günii yâme: ―Dze-guiaad Crist, ¿nehxni ntzoo me ma xtahl ni ngann que ni rtzoo mpyquie-rieꞌ?

JUAN 9:16

Lahd gahc meññ-nac yahc fariseu, ne yâme: ―Mpyquie-wé ni le Jesúz, nehx ziaad me de Dioz, porni nehx rlaby me dze-risladzy meññ. Zrieñ yâme ne: ―¿Bia mód beeiy ctzoo me xtahl ni ngann zâ nirieꞌ bâḻ ñahc me meññ-guîlquie? No to to yâme gydze ni rnii, no nehx güdahp yâme tohzy guîlriehñ.

2 CORINTIOS 3:18

No leewe, gyre nó gawieꞌ nó no ba nehx nu ni rsaagü dlo nó, rcuniꞌ nó beeiy to spejü xguîlbyni-ro Jesucrist ni rtzoo mdad, no gatzeeu mod-nac dguîlmbahñ nó, no to to dzé ba ma gacáꞌ nó xguîlbyniꞌ me, no gac nó mod-nac me. No nirieꞌ naꞌ xiSpirt Jesucrist gatzoo leeu.

2 CORINTIOS 4:17

Porni ni nadz ni rdedy nó ni naꞌ la, nehx ma xtahlu, no ba gadedyu we, per zidnou par nó to ni modni xroꞌ no Dioz ni nehx ziuꞌ dzé gynihty.

2 CORINTIOS 4:6

Porni Dioz gahc ni günii gydahl byniꞌ lo guibcawy, leegahcme bdee me noꞌ ni zidguiahc beeiy byniꞌ leññ dguîlmbahñ noꞌ lehdy gzaclo noꞌ xguîlbyniꞌ Dioz ni nu no Jesucrist.

1 JUAN 5:13

Ba bzan nirieꞌ yahc par laꞌd ni rlíladzy Xiiñ Dioz, lehdy gann laꞌd rahp laꞌd guîlmbahñ ni nehx zluhx, no lehdy gylíladzy laꞌd le Xiiñ Dioz.