JUAN 19:6 - Zapotec Guevea de Humboldt New Testament

⁶ Hor-xjefy yahc bahl no meññ-rahp yahc ruꞌ idoró bwieꞌ yâme Jesúz, pquee yâme riedz, ne yâme: ―¡Pquee leeme lo cruzy! ¡Pquee leeme lo cruzy! Ra Pilat leeyâme: ―Lâ tziyno leeme, lâ yquee leeme lo cruzy laꞌd, porni naa nehx rdzialaꞌ mbehty doḻ lguia me.

JUAN 19:6 Iomraidhean Croise

MATEO 26:58

Pedr naꞌ, náḻ me ziht gá glo bydzihñ me lo xpaty xiryuꞌ xjefy gyre bahl; no güyuꞌ me, gürie me lahd meññ-rahp ruꞌ idoró, lehdy güieꞌ me bia ctzoo meññ-caḻ yahc.

MATEO 27:22

Ra Pilat leeyâme: ―¿Bia ctzon naꞌ no Jesúz, ni ra yâme lee Crist? Gyre yâme ne: ―¡Pquee leeme lo cruzy!

MATEO 27:24

Hor-bwieꞌ Pilat di raḻ gac mbehty mod-ne me, aaḻ guzlo gabiiñ gyre meññ ni garuu contr Jesúz, pshahl me meññ-biycaꞌ nzeꞌ, güdihby ña me ñaz-lo gyre yâme, no ne me: ―Naa nehx rapaꞌ doḻ no xguîlguhty mpyquie-rieꞌ; chehsh laꞌd‑e riaꞌnu.

LUCAS 23:4

Were ra Pilat xjefy yahc bahl no zrieñ meññ: ―Nehx rdzialaꞌ mbehty doḻ lguia mpyquie-rieꞌ.

JUAN 18:3

Güya Jud ru nu lyu-wé no soldad no zrieñ meññ ni rahp ruꞌ idoró, ni pshahl xjefy yahc bahl no meññ-nac yahc fariseu lee. Ziyno yâme lampr no xgue guier-bihdzy no spad.

JUAN 18:31

Ra Pilat leeyâme: ―Lâ tziyno leeme, lâ ctzoo guîlguxtisy lguia me mod-rnii xleiy laꞌd. Ra meññ-Isṟael Pilat: ―Dleiy noꞌ nehx rdee ñahz ngaꞌdy noꞌ ndruhty.

JUAN 18:38

Ra Pilat leeme: ―¿Bia we leeu ni uli? Bylux günabdiidz Pilat Jesúz, byruu me, güya me gyzac ru zu meññ-Isṟael, no ra me leeyahc: ―Naa nehx rdzialaꞌ mbehty doḻ lguia mpyquie-rieꞌ.

JUAN 19:15

Per meññ-Isṟael rquee yâme riedz, ne yâme: ―¡Gaty me! ¡Gaty me! ¡Pquee leeme lo cruzy! Ra Pilat leeyâme: ―¿Yqueen xṞeiy laꞌd lo cruzy la? Ra xjefy bahl yahc leeme: ―Noꞌ nehx rahp noꞌ zrieñ ṟeiy; nunzy Cézr, wé we dṟeiy noꞌ.

JUAN 19:4

Gyzac byruu Pilat, ra leeyâme: ―¡Lâ güieꞌ! Zidnon mpyquie-rieꞌ stziuꞌ, lehdy güieꞌ laꞌd nehx rdzialaꞌ mbehty doḻ lguia me.

HECHOS 2:23

Per Dioz ba gahc nann me bia dziguiahc Jesúz, bdee me ñahz günahzy laꞌd leeme, no guhc ni ba ne me gac. No ru ba nu Jesúz lo ña laꞌd, gucno meññ-dirquihñ laꞌd pquehd leeme lo cruzy. No mod-wé bgaꞌdy laꞌd leeme.

HECHOS 7:52

No gyre profet yahc ni güyuꞌ ba xtze, bgultihp xmeññ yahc laꞌd lee. Biꞌdy yâme meññ ni günii guiaad to mpyquie ni rtzoo ni nac xñahzû ni cshahl Dioz lee lo guiedzylie. No dze-biahd me, bdee laꞌd leeme lo ña meññ-rdziadzyno leeme, no luxu biꞌdy laꞌd leeme.