JUAN 19:4 - Zapotec Guevea de Humboldt New Testament

⁴ Gyzac byruu Pilat, ra leeyâme: ―¡Lâ güieꞌ! Zidnon mpyquie-rieꞌ stziuꞌ, lehdy güieꞌ laꞌd nehx rdzialaꞌ mbehty doḻ lguia me.

JUAN 19:4 Iomraidhean Croise

MATEO 27:19

Hor-dxie Pilat ru rtzoo me guîlguxtisy, pshahl ndzab-tziahl me diidz lo me, ra leeme: “Na di ctzooy mbehty no mpyquie-wé ni nehx nu mbehty chehsh, porni por xtoḻ ni gayahc me, ntzie günii dixcaḻaꞌ pur mpcaḻ-nadz ni ndzieeby.”

MATEO 27:24

Hor-bwieꞌ Pilat di raḻ gac mbehty mod-ne me, aaḻ guzlo gabiiñ gyre meññ ni garuu contr Jesúz, pshahl me meññ-biycaꞌ nzeꞌ, güdihby ña me ñaz-lo gyre yâme, no ne me: ―Naa nehx rapaꞌ doḻ no xguîlguhty mpyquie-rieꞌ; chehsh laꞌd‑e riaꞌnu.

MATEO 27:4

no ra me leeyâme: ―Naa ptzon guîlquie, porni bdedyaꞌ laꞌd to mpyquie ni nehx nu mbehty chehsh. Per ra yâme leeme: ―Nehx rioobu noꞌ de niwé. ¡Lii bwieꞌ xnahc gaquiꞌ!

MATEO 27:54

Xcapitáṉ soldad no zrieñ meññ ni gayahp no leeme ru cueꞌ Jesúz lo cruzy, hor-bieññ yâme byniꞌby guiedzylie no bwieꞌ yâme gyre ni gayahc, bydzie yâme no ne yâme: ―Uli gahcxu we Xiiñ Dioz mpyquie-rieꞌ.

LUCAS 23:4

Were ra Pilat xjefy yahc bahl no zrieñ meññ: ―Nehx rdzialaꞌ mbehty doḻ lguia mpyquie-rieꞌ.

LUCAS 23:41

Nó quee nó neꞌ porni rahp nó doḻ, no leewe gaguix nóu neꞌ. Per mpyquie-rieꞌ nehx ptzoo me mbehty ni dirquihñ.

LUCAS 23:47

Hor-bwieꞌ capitaṉ-ṟoman gyre niwé yahc, güluguia me Dioz, ne me: ―Uli gahcxu we, mpyquie-rieꞌ meññ-tziaawy-e leeme.

JUAN 18:33

Gyzac güyuꞌ Pilat leññ palacy, no pquee me riedz Jesúz, no ra me lee: ―¿Lii we xṞeiy meññ-Isṟael la?

JUAN 18:38

Ra Pilat leeme: ―¿Bia we leeu ni uli? Bylux günabdiidz Pilat Jesúz, byruu me, güya me gyzac ru zu meññ-Isṟael, no ra me leeyahc: ―Naa nehx rdzialaꞌ mbehty doḻ lguia mpyquie-rieꞌ.

JUAN 19:6

Hor-xjefy yahc bahl no meññ-rahp yahc ruꞌ idoró bwieꞌ yâme Jesúz, pquee yâme riedz, ne yâme: ―¡Pquee leeme lo cruzy! ¡Pquee leeme lo cruzy! Ra Pilat leeyâme: ―Lâ tziyno leeme, lâ yquee leeme lo cruzy laꞌd, porni naa nehx rdzialaꞌ mbehty doḻ lguia me.

2 CORINTIOS 5:21

Nehx ptzoo Crist mbehty guîlquie, per por nó ptzoo Dioz leeme beeiy meññ ni nzahby guîlquie, lehdy por Crist tedy nó beeiy ni nehx nzahby guîlquie lo Dioz.

HEBREOS 7:26

Jesúz naꞌ, bahl ni nac jefy‑e leeme ni gaquihñ nó. No rxilyno Dioz leeme, nehx nu mbehty chehsh me, no nyar xguîlmbahñ me, no nehx nu me lahd meññ-rtzoo guîlquie, no ba gülesy Dioz leeme gybaa.

1 PEDRO 1:19

mazyg biaxu no xrieñ Crist ni modni rsahc, ni bdee me lee par to gun, beeiy to xiily ni ma mos no nyar.

1 PEDRO 2:22

Crist nehx ptzoo me guîlquie, ni nehx bisquiee me ndruhty.

1 PEDRO 3:18

Porni Crist gahc guhty me por dguîlquie nó tohzy vuelt no ba niwéhzy. Leeme nehx rahp guîlquie, per guhty me por meññ-dirquihñ, lehdy tziyno me nó lo Dioz. Guhty xcuerp me, per nehx guhty xispirt me,

1 JUAN 3:5

No nann laꞌd Jesucrist biahd me lo guiedzylie bidloo me dguîlquie nó, no leeme nehx rtzoo me guîlquie.