JUAN 18:28 - Zapotec Guevea de Humboldt New Testament

²⁸ Byruno yâme Jesúz xiryuꞌ Caifáz, ziyno yâme leeme xpalacy gobernador. Gumm ba zidtzu byniꞌ la, nehx güyuꞌ meññ-Isṟael no Jesúz leññ palacy; porni bâḻ leeyâme ñuꞌ, ba nehx ntzoo yâme mod-ne xleiy yâme, no ba nehx beeiy ñahgü yâme guîlrahgü ni rzaa yâme lo lni Pascü.

JUAN 18:28 Iomraidhean Croise

MATEO 27:27

No ziyno xsoldad gobernador Jesúz leññ palacy ru ne yâme pretorio, no ptohp yâme gyre zrieñ soldad guingybi me.

MARCOS 15:16

No ziyno soldad Jesúz lo paty leññ palacy, ru ne yâme pretorio, no ptohp yâme gyre zrieñ soldad.

LUCAS 22:66

Ni byre guiaal, bydohp gyre mînguhl yahc ni nac guxtisy lahd meññ-Isṟael, no xjefy yahc bahl no zrieñ muextr ni ruuḻ yahc xleiy Moiséz. No luxu, ziyno yâme Jesúz ru dxie gyre xguxtisy yâme, no uga ra yâme leeme:

JUAN 11:55

Ba bydziñgahsh lni-Pascü ni rtzoo meññ-Isṟael, no xtahl yâme ni nu zrieñ guiedzy, za yâme Jerusaléṉ antzy ni gac lni par gacnyar yâme lehdy guiaꞌn yâme mos lo Dioz, mod-rtzoo gahc yâme xtâ ba xtze diaa.

JUAN 18:13

Güiyno yâme leeme nier xiryuꞌ Anáz, suegyr Caifáz, no iz-wé Caifáz nac me xjefy gyre bahl.

JUAN 18:15

Pedr naꞌ no sto xmeññ gahc Jesúz, náḻ yâme Jesúz. No mpyquie-rieꞌ ni nac sto xmeññ Jesúz, rzaclo xjefy gyre bahl leeme, no leewe güyuꞌ me lo xpaty bahl tohzy no Jesúz.

JUAN 18:33

Gyzac güyuꞌ Pilat leññ palacy, no pquee me riedz Jesúz, no ra me lee: ―¿Lii we xṞeiy meññ-Isṟael la?

JUAN 18:39

Per ba bieno laꞌd rislaan to meññ-nyagü lidzyguiib lo lni-Pascü. ¿Racladzy laꞌd guislaan xṞeiy meññ-Isṟael la?

JUAN 19:11

Were ra Jesúz leeme: ―Mbehty nehx beeiy ntzooy naa, bâḻ dac gybaa byruu diidz; no leewe, dxu bidno naa loꞌy, ma xroꞌ guîlquie rahp.

JUAN 19:14

Dze-wé nacu dze-rzaa yâme gyre ni yquihñ yâme lo lni-Pascü, beeiy ribygue. Were ra Pilat meññ-Isṟael: ―¡Neꞌ zu xṟeiy laꞌd!

JUAN 19:9

Gyzac güyuꞌ me leññ palacy, no ra me Jesúz: ―¿Dxu meññ lii? Per Jesúz nehx gu leeme mbehty.

HECHOS 10:28

Ra me leeyâme: ―Laꞌd nann laꞌd dleiy noꞌ neu nehx beeiy tzu meññ-Isṟael lahd meññ-mbiuhz, ni leññ xiryuꞌ nehx beeiy ziuꞌ yâme. Per Dioz ba bluu me naa ndruhty nehx beeiy csacaꞌ lee ma uxiee que naa no nehx beeiy gynin nehx nye mod-rtzoo yâme.

HECHOS 10:32

Pshahl diidz lo Simóṉ ni le Pedr ni nu Jope, guiaad me. Leeme nu xiryuꞌ sto Simóṉ ni rtzoo curtir guiedy ni nu gahsh gá coo nisdoo. Ru guiaad me, leeme ga lii bia ctzooy.”

HECHOS 11:3

ra yâme leeme: ―¿Bia nacu güyay ru nu meññ-nehx meññ-Isṟael? Xtâ no güeey no leeyâme.

HECHOS 3:13

Per dac‑e ze leeu. Mpyquie-rieꞌ biaḻ me par güluguia Dioz Xiiñ me Jesúz. Dioz-rieꞌ, leeme we xDioz dmeññ nó ni güyuꞌ yahc ba xtze, lee we xDioz Braṉ, Isac no Jacop. Jesúz‑e ni bigynahzy laꞌd lee no ni güiynot lee lo guxtisy. No ru gucladzy Pilat nislaa leeme, di ñacladzy laꞌd.

HECHOS 4:27

’No mod-wé guhc leññ guiedzy-rieꞌ. Herody no Ponzy Pilat, guhc yâme tohzy no meññ-nehx meññ-Isṟael no gahc zrieñ meññ-Isṟael, par byruu yâme contr Xiiñiꞌ Jesúz ni güleꞌy lee.