JUAN 18:11 - Zapotec Guevea de Humboldt New Testament

¹¹ Were ra Jesúz Pedr: ―Güluꞌ xispadiꞌ xilgaru; gyre ni nadz ni gabiahz naa ni ne dTadaꞌ tedyaꞌ, ¿nehx zdeedyaꞌu la?

JUAN 18:11 Iomraidhean Croise

MATEO 20:22

Were ra Jesúz xiiñ ngüna-rieꞌ: ―¿Beeiyz ndedy laꞌd ni nadz ni dzictedyaꞌ, ni gac beeiy behch ni nlá ni goon lee la? ¿No beeiyz ndedy laꞌd ni ma nadz ni dzictedyaꞌ, ni gac beeiy ni gachôbnihs meññ naa per pur no guîlné la? Ra yâme leeme: ―Beeiyu noꞌ.

MATEO 26:39

Luxu, za Jesúz stoozy zit-yaañ no bisshiby me lé güdihsh ihqy me lo yu, no günab me lo Dioz, ne me: ―Lii ni nac dTadaꞌ, bâḻ ñahcu ni ñaḻ, bislaa naa de lo ni nadz ni gabiahz naa; per dac‑e gac ni gynin, mazyg ni gyniiy‑e.

MATEO 26:42

Gyzac za me, zignab me lo Dioz ni byrohp vuelt, günii me ne me: ―Lii ni nac dTadaꞌ, guîlné ni ba nac diidz tedyaꞌ, bâḻ di zaḻ tedyu sinn gacu la, were gac ni racladzyiꞌ.

LUCAS 12:30

Porni meññ-guiedzylie ni nehx ryo Dioz rguꞌ ihqy yâme gyre nirieꞌ; per xTad laꞌd ni nu gybaa nann me bia gyre rquihñ laꞌd gyre dzé.

LUCAS 22:42

ra me: ―Dad, bâḻ racladzyiꞌ la, bislaa naa de lo ni nadz ni gabiahz naa; per dac‑e gac ni ren, mazyg gac ni neꞌy.

JUAN 15:10

Bâḻ rtzoo laꞌd ni rtzon mdad ctzoo meññ, were neññ nu laꞌd lo guîlndzi ni rapaꞌ laꞌd, mod-naa no dTadaꞌ, rtzon ni rtzoo me mdad, no nun lo xguîlndzi me.

JUAN 17:24

’Dad, dmeññaꞌ ni bdeedyiꞌ naa, racdadzyaꞌ tzu yâme ru tzun, lehdy güieꞌ yâme guîlbyniꞌ ni bdeedyiꞌ naa, porni ndziy naa glo antzy ni tzaa guiedzylie.

JUAN 18:36

Ra Jesúz leeme: ―Ru rtzon mdad, dac‑e de lo guiedzylie-rieꞌ leeu. No bâḻ leeu ñahcu ze la, nquelo dmeññaꞌ we, lehdy meññ-Isṟael ni rdziadzyno naa, di nnahzy yâme naa. Per ru rtzon mdad, dac‑e neꞌ leeu.

JUAN 20:17

Ra Jesúz leeme: ―Di caniꞌ naa, porni dgueññ ziaꞌ tzan ru nu dTadaꞌ. Per güya, no gu dmeññ yahcaꞌ: Tzan ru nu dTadaꞌ ni zegahc xTad laꞌd lee, no tDiozaꞌ ni zegahc xDioz laꞌd lee.

2 CORINTIOS 10:4

Ni rquihñ noꞌ lo ni zidguiahc beeiy guîlrdeḻy ni rtzoo noꞌ, dac‑e beeiy ni rquihñ meññ ni rtzoo ni nahcsy lo guiedzylie; mazyg ni rquihñ noꞌ, de Dioz‑e leeyahcu ni beeiyu lee par gniꞌdy noꞌ fuers ni nu contr Dioz.

2 CORINTIOS 6:7

no por diidz ni uli ni runo noꞌ meññ, no por xpoder Dioz ni rdee me noꞌ. No rtzoo noꞌ ni nac xñahzû, no nirieꞌ racnou noꞌ no rlau noꞌ beeiy ni ñahp noꞌ guiib lo dña-drech noꞌ no lo dña-ṟevez noꞌ.

HEBREOS 12:2

Yquee dihqy nó Jesúz, de leeme ziaad de ni rlídadzy nó Dioz, no leeme we rtzoo par gylídadzy nó ma zaꞌgndzi. Jesúz naꞌ, güdedy me ni nadz lo cruzy, no nehx güluꞌ ihqy me guîlguty-nadz ni nac to guîlrtuꞌ ni güdedy me, porni nann me gylux tedy me ni nadz gyxihly me; no gürie me lad-drech coo Dioz ru rtzoo mdad.