JUAN 17:1 - Zapotec Guevea de Humboldt New Testament

¹ Bylux günii Jesúz gyre nirieꞌ, bwieꞌ me gybaa, no ne me: ―Dad, ba bydzihñ hór. Güluguia naa lehdy naa zegahc cuguian lii.

JUAN 17:1 Iomraidhean Croise

MARCOS 14:41

Ni bionn ni gubyguiat me ru biaꞌn xmeññ me, ra me leeyâme: ―¿Gagahsy ziaꞌr laꞌd no gayisladzy ziaꞌr laꞌd la? Ba wé gâsy, ba bydzihñ hór ni ba nac diidz gdee meññ Mpyquie-Pshahl Dioz Lee lo ña meññ-guîlquie.

LUCAS 18:13

Per mpyquie-rguquix mpuezd naꞌ zu ziht, ni di ne glesy lo gybaa, mazyg rbihby lidzydoo me, no ne me: “¡Bioob naa, Dioz, porni meññ-guîlquie naa!”

LUCAS 22:53

Gyre dzé güyun ruꞌ idoró no laꞌd, per nehx günahzy laꞌd naa. Per ngâstoo were ba bydzihñ hór par gac ni ne laꞌd, no par gac ni ne ni rtzoo mdad lo guibcawy.

JUAN 11:4

Ru bieññ Jesúz günii yâme ze, were ne me: ―Guîlguidz-wé dac‑e par igaꞌdyu leeme, mazyg par tzuguia Dioz, no zegahc por leeu tzuguia Xiiñ me.

JUAN 11:41

Were güloo yâme guie ni ndaagü ruꞌ baa. No gülesy lo Jesúz gybaa, ne me: ―Dad, rdedyaꞌ xquix lii, porni rieññiꞌ naa.

JUAN 12:23

Ra Jesúz leeyâme: ―Naa we Mpyquie-Pshahl Dioz Lee, no ba bydzihñ dze-tzuguian.

JUAN 13:1

Antzy ni gydzihñ lni-Pascü, Jesúz nann me ba bydzihñ dzé ni gyruu me guiedzylie-rieꞌ no gybiꞌ me ru nu xTad me. No leeme bintzi me xmeññ me ni nu lo guiedzylie, mod-wé gahc ndzi me leeyâme xtâ glo dze-guhty me.

JUAN 16:32

Ba gadzihñ hór, no ba gahc bydzihñu, to to laꞌd gynahzy gydze lad, no csaꞌn laꞌd naa tohgaꞌ. Per dac‑e tohgaꞌ guiaꞌn, porni dTadaꞌ nuno naa.

JUAN 7:30

Were gucladzy yâme niyno yâme leeme lidzyguiib, per ndruhty di ñaḻ nnahzy leeme, porni dgueññ ziaꞌ gydzihñ dzé de ni igaꞌ me.

JUAN 7:39

Nirieꞌ günii Jesúz lguia Spirt-Sant ni tzu leññ xguîlmbahñ meññ ni gylíladzy leeme; porni xiSpirt Dioz dgueññ ziaꞌ guiaad, mazyg xtâ guibyguiatr Jesúz gybaa lo guîlbyniꞌ, were guiaad xiSpirt me.

JUAN 8:20

Nirieꞌ yahc günii Jesúz ru galuu me meññ leññ idoró ru rguꞌ yâme gun. No ndruhty nehx günahzy leeme, porni dgueññ gydzihñ dze-ba nac diidz.

HECHOS 3:13

Per dac‑e ze leeu. Mpyquie-rieꞌ biaḻ me par güluguia Dioz Xiiñ me Jesúz. Dioz-rieꞌ, leeme we xDioz dmeññ nó ni güyuꞌ yahc ba xtze, lee we xDioz Braṉ, Isac no Jacop. Jesúz‑e ni bigynahzy laꞌd lee no ni güiynot lee lo guxtisy. No ru gucladzy Pilat nislaa leeme, di ñacladzy laꞌd.

1 PEDRO 1:21

No por Crist rlíladzy laꞌd Dioz, no Dioz bispahñ me Crist no gülesyguia me lee; no leewe rlíladzy laꞌd Dioz no rbiahz laꞌd de leeme.