JUAN 16:33 - Zapotec Guevea de Humboldt New Testament

³³ Gyre nirieꞌ ren laꞌd, lehdy tzu xguîlmbahñ laꞌd dzie tziaawy porni nu laꞌd no naa. Lo guiedzylie, zdedy laꞌd ni nadz; per di gydzie laꞌd, porni naa ba ptzon gan bêndzab lo guiedzylie.

JUAN 16:33 Iomraidhean Croise

MATEO 9:2

Uga bidno meññ to mpyquie-gayac-ure ni di raḻ gyniꞌby mbehty, nash me to lo camill; hor-bwieꞌ Jesúz ulihbu rlíladzy yâme, ra me mpyquie-gayac-ure: ―Byxihly naꞌ, shiꞌñ; xguîlquiey ba psiaaḻdadzyaꞌ gyreu we.

LUCAS 19:38

ne yâme: ―¡Nu laꞌy ṟeiy ni ziaad porni Dioz pshahl leeme! ¡Nu gybaa dzie tziaawy, no riuguia Dioz ni dziib guia!

LUCAS 2:14

¡Xquix Dioz ni nu gybaa, no meññ ni nu xlaꞌy me lee, tzu yâme dzie tziaawy lo guiedzylie!

JUAN 12:31

Ba bydzihñ dzé lehdy gac guîlguxtisy chehsh meññ-nu lo guiedzylie-rieꞌ; no bêndzab ni rtzoo mdad lo guiedzylie-rieꞌ, ba bydzihñ dze-gyruu me diby lad.

JUAN 14:1

’Di cu ihqy laꞌd mbehty. Lâ gylíladzy Dioz, no lâ gylíladzy naa zegahc.

JUAN 14:27

’Naa cun xguîlmbahñ laꞌd dzie tziaawy; no nehx stzonu beeiy rtzoo meññ-nu lo guiedzylie. Di cu ihqy laꞌd mbehty, ni di gydzie laꞌd.

JUAN 16:11

No lguia rahc xguîlguxtisy Dioz‑e porni bêndzab, ni rahc ni rnii lo guiedzylie-rieꞌ, ba ptzoo Dioz guîlguxtisy chehsh me.

HECHOS 14:22

Gyre lgar-wé gucno yâme xmeññ Crist lehdy di gyxiññladzy yâme de ni galíladzy yâme xtiidz Dioz, no ra yâme leeyahc: ―Par tzu nó ru rtzoo Dioz mdad la, nier tedy nó gyrehzy ni nadz.

HECHOS 23:11

Ni güyuꞌ sto guiaal, biahd Jesúz bidnino me Pabl no ra me lee: ―Di gydziehbyiꞌ. Mod-güniiy de naa neꞌ Jerusaléṉ, mod-wé gahc‑e gyniiy ru gydzihñiꞌ Ṟom.

HECHOS 27:22

Per di gydzie laꞌd. Ni to nó nehx zehty. Nunzy barcü, wé we znihty.

HECHOS 27:25

No leewe, di gydzie laꞌd. Naa nannaꞌ Dioz stzoo me ni bidne x‑ángel me naa.

HECHOS 9:31

No were ba dzie tziaawy nu gyre xmeññ Crist ni rdohp leññ idoo ni nu gydo lo ṟegióṉ yahc ni le Judea, Galilea no Samary. No to to dzé ganiꞌzy ni gayann yâme lguia ni rlíladzy yâme, no rzacbeeiy yâme Dioz. No ma gane meññ ni galíladzy xtiidz Dioz, porni gayacno Spirt-Sant leeyâme.

2 CORINTIOS 1:3

Nu laꞌy Dioz ni nac xTad Jesucrist ni rtzoo mdad nó. Dioz, leeme we Dad ni rioob meññ, no racno me meññ no gyre ni nadz ni rdedy yâme.

2 CORINTIOS 13:11

Par gydibylgaa guetzy-rieꞌ ni gazan, rman yahc, lâ gyxihly, no to to dzé lâ gac ma meññ-tziaawy. Lâ gacno saꞌ laꞌd lehdy gyxihly laꞌd, lâ gap tohzy guîlriehñ, no lâ tzu dzie tziaawy. Dioz ni rguꞌ meññ dzie tziaawy no ni ndzi, tzu no laꞌd.

2 CORINTIOS 2:14

Xquix Dioz, ni tirgahc riyno noꞌ rtzoo noꞌ gan mod-ptzoo gahc Crist gan, no rquihñ Dioz noꞌ lehdy gann meññ xtiidz Crist byzaꞌzy ni zidguiahc beeiy to ni nixye-mos.

2 CORINTIOS 4:7

Per rahp noꞌ to ni rsahc, leeu we ni runo noꞌ xtiidz Crist meññ, no zidguiahc noꞌ beeiy guius-yu lehdy guieññ xtiidz Crist ni beeiyu lee gyreu, ziaadu de Dioz no dac‑e de noꞌ.

2 CORINTIOS 6:4

Per rtzoo noꞌ xtziiñ Dioz, no ra noꞌ meññ dxu nac noꞌ no gyre gyzasy mód: nehx rshacdadzy noꞌ de ni rtibdadzy noꞌ gyrehzy ni nadz, no de ni nehx rahp noꞌ par tedydzé noꞌ, no de ni rdedy noꞌ ni ngann yahc;

2 CORINTIOS 7:4

Rnin no laꞌd no nehx rqueꞌdadzyaꞌ mbehty no laꞌd, no modni rxihlyaꞌ por laꞌd. Nehx rxiññdadzyaꞌ mbehty, no modni rxihlyaꞌ nîcze rdedy noꞌ xtahl ni nadz.

GÁLATAS 1:4

Jesucrist bdee xguîlmbahñ me guhty me, no mod-wé güdix me gyre dguîlquie nó lehdy guislaa me nó de gyre ni nahcsy ni nu lo guiedzylie-rieꞌ, mod-racladzy dTad nó Dioz.

GÁLATAS 6:14

Naa naꞌ, nehx racdadzyaꞌ tzuguian de mbehty, mazyg tzuguian de ni guhty Jesucrist lo cruzy, leeme rtzoo mdad nó. Porni lo xcruzy me, ba guhty ni nahcsy ni nu lo guiedzylie par naa; no par ctzon ni nahcsy ni nu lo guiedzylie la, rahc cuent ba guhtyaꞌ we.

FILIPENSES 4:7

No xlaꞌy Dioz ni rguꞌ meññ dzie tziaawy no ni modni xroꞌ, lé ndruhty nehx beeiy ñieññ xnahc leeu, zahpu xguîlmbahñ laꞌd no xguîlriehñ laꞌd, porni nu laꞌd no Crist Jesúz.

COLOSENSES 1:20

No Dioz bistzihñ me gyre ni nu lo guiedzylie no ni nu gybaa lo me mos por Crist. Ptzoo me ze lehdy gyreu güyuꞌ dzie tziaawy por xrieñ Crist ni byxieꞌ lo cruzy.

1 TESALONICENSES 3:4

No dze-nu ziaꞌr noꞌ no laꞌd, ra noꞌ laꞌd ni nadz yahc tedy gyre nó; no naꞌ, ni ba nann laꞌd, leexu ba gayahc naabz mod-ra noꞌ laꞌd.

1 TESALONICENSES 3:7

No leezuwe, rman, lóhgni gyrehzy gazahc noꞌ no ni nadz ni gadedy noꞌ, modni rxihly noꞌ hor-gunn noꞌ nehx rrugan laꞌd de ni rlíladzy laꞌd Dioz.

2 TESALONICENSES 3:16

Crist gahc ni rguꞌ nó dzie tziaawy, gacno me laꞌd lehdy tzu laꞌd dzie tziaawy tirgahc no de gyreu. Crist ni rtzoo mdad tzu no gyre laꞌd.

2 TIMOTEO 3:12

No zegahc gyre dxu ulihbu riuꞌladzy gzacbeeiy Crist Jesúz la, zgultihp meññ leeyâme;

HEBREOS 11:25

ma biuꞌladzy me tedy me ni nadz tohzy no xmeññ Dioz, que nxilyno me doozy dzé gyrehzy guîlquie ni riuꞌladzy meññ lee.

HEBREOS 7:2

Braṉ naꞌ, de lo tzii cuib ni cuaꞌ me dze-bicteḻy me, bdee me to cuibu cuaꞌ Melquisedec. Le Melquisedec naꞌ, rniiu we “ṟeiy ni rtzoo ni nac xñahzû”; no gumm guhc me xṟeiy Salem la, no Salem naꞌ, rniiu we “dzie tziaawy”, no le me rniiu zegahc “ṟeiy ni rguꞌ meññ dzie tziaawy”.

1 PEDRO 5:9

Lâ tzu zaꞌgndzi de ni rlíladzy laꞌd Dioz, no di gdee laꞌd ñahz bêndzab ctzoo me gan laꞌd, porni nann laꞌd xmeññ Crist ni nu gydo-bynac lo guiedzylie, modé gahc‑e gadedy yâme beeiy gahc laꞌd.

1 JUAN 2:13

Gazan nirieꞌ par laꞌd ni nac ngüzahn, porni rzaclo laꞌd Jesucrist ni ba gahc nu glo dze-güyaa guiedzylie. Gazan nirieꞌ par laꞌd ni nac mêññxtohby, porni ba nehx rtzoo laꞌd ni ne bêndzab. Gazan nirieꞌ par laꞌd, shiꞌñ, porni ba rzaclo laꞌd Dioz ni nac dTad nó.

1 JUAN 4:4

Shiꞌñ, nac laꞌd xmeññ Dioz, no nehx rtzoo laꞌd ni ne meññ-wé yahc ni risquiee; porni xiSpirt Dioz ni nu no laꞌd, ma beeiyu lee que xispirt bêndzab ni nu lo guiedzylie.

1 JUAN 5:4

Porni gyre dxu ni xiiñ Dioz lee rtzoo gan di ctzoo ni nahcsy ni nu lo guiedzylie. No porni rlídadzy nó Dioz, leewe beeiyu nó di ctzoo nó ni nahcsy ni nu lo guiedzylie.

APOCALIPSIS 12:11

No dirman nó ptzoo yâme gan bêndzab por xrieñ Xiily ni byxieꞌ no por diidz ni bdee yâme; no nehx bydzie yâme ñehty yâme, mazyg bdee xguîlmbahñ yâme ladzyña guîlguhty.

APOCALIPSIS 3:21

Meññ-rtibladzy ni nadz xtâ ctzoo gan, wé we zdedyaꞌ to ru cuia me dcoon ru dxien rtzon mdad, mod-naa ptibdadzyaꞌ ni nadz xtâ ptzon gan, no dxien no dTadaꞌ ru rtzoo me mdad.

APOCALIPSIS 7:14

Were ren leeme: ―Lii nanniꞌ, señor. Were ra me naa: ―Leeyâme we ni güdedy to xroꞌ ni nadz, no nehx ptzubeedy xguîlmbahñ yâme, zidguiahcu beeiy ni güdihby shab yâme, no ptzunquitzy yâmeu por xrieñ Xiily.