JUAN 15:5 - Zapotec Guevea de Humboldt New Testament

⁵ ’Naa we beeiy to xan blatzy, no laꞌd‑e beeiy xúzu. Dxu nu tohzy no naa, no nun tohzy no lee, wé we beeiy xúzu ni rqueꞌ xtahl, porni bâḻ di tzu laꞌd tohzy no naa, nehx beeiy ctzoo laꞌd mbehty.

JUAN 15:5 Iomraidhean Croise

MATEO 13:21

per gumm zidguiahc yâme beeiy plant ni nehx günahzy lo yu zaꞌgndzi la, doozy dzé rtibladzy yâme; no hor-riahd xtahl ni nadz ni rdedy yâme, o rgultihp zrieñ meññ leeyâme por xtiidz Dioz, ba gahc rxiññladzy yâme.

JUAN 12:24

Gapyaꞌ laꞌd ni uli, bâḻ to ladzy trigü di gacu beeiy ni guhty no gutz yu leeu la, tirgahc‑e tohzyu; per bâḻ gutz yu leeu, were rlahñu no racxtahlu.

JUAN 15:16

Dac‑e laꞌd güle naa, mazyg naa we güleꞌn laꞌd, lehdy tza laꞌd no gyruqueꞌ ni ctzoo laꞌd, no nehx znihtyu. No mod-wé, nitisy gnab laꞌd lo dTadaꞌ por dlen, zdee meu laꞌd.

JUAN 5:19

Ra Jesúz leeyâme: ―Gapyaꞌ laꞌd ni uli, nehx rtzoo Xiiñ Dioz mbehty tohg me; ni rwieꞌ me rtzoo xTad me, wé we rtzoo me. Gyre ni rtzoo xTad me, niwé gahc‑e rtzoo me.

JUAN 9:33

Bâḻ mpyquie-wé nehx ziaad de Dioz la, zegahc‑e nehx beeiy ntzoo me mbehty ni ngann.

HECHOS 4:12

No lehzyme we beeiy guislaa nó, porni nehx nu sto meññ ni pshahl Dioz lee lo guiedzylie lehdy nislaa nó de lo guîlnadz ni ziaad.

ROMANOS 12:5

no mod-wé gahc‑e nó, nîcze xtahl nó, per zidguiahc nó beeiy tohzy cuerp porni nu nó tohzy no Crist, no gumm zidguiahc nó beeiy xcuerp me la, gyre nó we nu tohzy.

ROMANOS 6:22

Per hôrrieꞌ, guîlquie ba nehx rtzoou mdad laꞌd, ba Dioz‑e rtzoo mdad laꞌd. No nirieꞌ zidno to ni mos de ni nac laꞌd nunzy par leeme, no gydibylgaau de ni gap laꞌd guîlmbahñ ni nehx zluhx.

ROMANOS 7:4

No mod-wé gahc‑e laꞌd, dirman yahcaꞌ, zidguiahc laꞌd beeiy ni ba guhty lguia leiy, porni nu laꞌd tohzy no Crist beeiy tohzy cuerp, no ba nac laꞌd xchieñ me, leeme we ni gübahñ. No mod-wé beeiy ctzoo nó ni mos par Dioz.

1 CORINTIOS 10:16

Hor-rotzie nó mod-ptzoo Crist, no roo nó ni nu leññ cop, no por leeu rdee nó xquix Dioz la, tohzy‑e nu nó no Crist por xrieñ me; no hor-rahgü nó paṉ ni rguiiz nó, tohzy‑e nu nó no Crist por xcuerp me.

1 CORINTIOS 12:12

Dcuerp nó, nîcze rahpu xtahl part, per tohzy cuerp‑e leeu. No modé nacu no xmeññ Crist, nîcze xtahl nó, per beeiy tohzy cuerp‑e zidguiahc nó.

1 CORINTIOS 12:27

Zidguiahc laꞌd naꞌ, beeiy xcuerp Crist, no to to laꞌd nac to part xchieñ xcuerp me.

2 CORINTIOS 13:8

Porni nehx beeiy rtzoo noꞌ mbehty ni rca ni nac ni uli, mazyg rtzoo noꞌ nunzy ni racno ni nac ni uli.

2 CORINTIOS 9:10

Dioz ni rdee ladzy ni rdziib meññ no ni rahgü meññ, zdee me laꞌd gyre ni yquihñ laꞌd no stzoo meu xtahl. No Dioz stzuxtahl me ni rahp laꞌd par gdee laꞌd ma xtahl ni mos ni ycaꞌ meññ ni riaadz ni yquihñ.

GÁLATAS 5:22

Per ni rdee xiSpirt Dioz naꞌ, leeu we nirieꞌ: guîlndzi, guîlrxihly, guîlriuꞌ dzie tziaawy, guîl-nehx rshacladzy nitisy rahc, guîlndoo xguîlriehñ, guîlmeññ-tziaawy, no de ni rlíladzy mu Dioz,

EFESIOS 5:9

porni hor-ba nu meññ lo byniꞌ, ba nac yâme meññ-tziaawy, no rtzoo yâme ni nac xñahzû, no ziaad yâme lo ni uli.

FILIPENSES 1:11

Porni Jesucrist gacno lehdy ctzoo laꞌd ni nac xñahzû, no mod-wé gzacbeeiy meññ Dioz no zguguia yâme leeme.

FILIPENSES 4:13

Gyreu we beeiyu naa porni Crist racno me naa.

FILIPENSES 4:17

Dac‑e porni gazîbydadzyaꞌ guiscady laꞌd naa behch, mazyg ni mos ni gatzoo laꞌd la, riuꞌdadzyaꞌ gydáhlu lo Dioz.

COLOSENSES 1:10

No ze beeiy tzu laꞌd mod-racladzy Dioz tzu xmeññ me ni rtzoo me mdad lee, lehdy ctzoo laꞌd gyre ni riuꞌladzy me, no guieññ ni mos gatzoo laꞌd, no to to dzé ma gazaclo laꞌd Dioz.

COLOSENSES 1:6

No xtiidz me ni bydzihñ ru nu laꞌd, zegahc gadzihñu gydo lo guiedzylie, no por leeu gayactziaawy xguîlmbahñ xtahl meññ mod-gayactziaawy xguîlmbahñ laꞌd, glo dze-bieññ laꞌdu no bzaclo laꞌd ni uli we xlaꞌy Dioz ni rguꞌ me meññ.

SANTIAGO 1:17

Dioz pur ni mos‑e riscady me meññ, leeme bzaa gyre ni rdee byniꞌ leññ gybaa no nehx ziuꞌ dzé ctzee me mod-nac me.

1 PEDRO 2:4

Lâ gybigy gahsh de Crist ni zidguiahc beeiy to guie ni mbahñ ni di ne meññ nquihñ; per lo Dioz la, leeme we beeiy to guie ni gübee no guie ni ma rsahc.

2 PEDRO 3:18

No leewe, lâ gdee ñahz gyniꞌzy xlaꞌy Jesucrist leññ xguîlmbahñ laꞌd, leeme rtzoo mdad nó no bislaa me nó, no lâ gzaclo leeme ma zaꞌgndzi. ¡Leeme we ni tzuguia ni naꞌ no di guiandzieu! Modé gacu.