JUAN 15:4 - Zapotec Guevea de Humboldt New Testament

⁴ Lâ tzu tohzy no naa, mod-nun tohzy no laꞌd. To xúz blatzy ni ba byrug nehx beeiy nqueꞌu; no zegahc‑e laꞌd, nehx beeiy ntzoo laꞌd mbehty bâḻ nehx nu laꞌd tohzy no naa.

JUAN 15:4 Iomraidhean Croise

MATEO 12:33

’Bâḻ to yahg yag-tziaawy leeu la, mos xqueꞌu; per bâḻ nehx yag-tziaawy leeu la, were nehx mos xqueꞌu. Cad to yahg rzaclo meññ leeu por xqueꞌu.

LUCAS 8:15

Per ni biahb lo yu-tziaawy, wé zidguiahc beeiy meññ-riaꞌn ndip lo xtiidz Dioz; rahp yâme to guîlmbañ-tziaawy no rlaby yâme ni nac xñahzû; rtibladzy yâme nitisy riahd no modé rahc yâme beeiy plant ni rqueꞌ xtahl.

JUAN 14:20

Dze-wé ni gybahñaꞌ gyzac, zann laꞌd naa nunon dTadaꞌ, no laꞌd nunot naa, no naa nunon laꞌd.

JUAN 17:23

Lii nunoy naa no naa nun no leeyâme, lehdy ulihbu gap yâme tohzy guîlriehñ, no mod-wé zann meññ-nu lo guiedzylie lii pshahl naa no ndziy dmeññaꞌ mod-ndzi gahquiꞌ naa.

JUAN 6:56

Dxu gahgü dcuerpaꞌ no goo drieñaꞌ, nu no naa no naa nun no lee.

JUAN 8:31

Ra Jesúz meññ-Isṟael yahc ni ba bylíladzy leeme: ―Bâḻ nehx ssaꞌn laꞌd de ni gzoob laꞌd dtiidzaꞌ, zahc laꞌd ni ulihbu dmeññaꞌ.

HECHOS 11:23

Hor-bydzihñ me ru nu meññ-wé yahc, byxihly me porni bwieꞌ me mod-güluꞌ Dioz xlaꞌy me leeyâme. No güluꞌ me xguîlriehñ yâme di csaꞌn yâme de ni gazobdiidz yâme Crist no gydo xguîlmbahñ yâme.

HECHOS 14:22

Gyre lgar-wé gucno yâme xmeññ Crist lehdy di gyxiññladzy yâme de ni galíladzy yâme xtiidz Dioz, no ra yâme leeyahc: ―Par tzu nó ru rtzoo Dioz mdad la, nier tedy nó gyrehzy ni nadz.

2 CORINTIOS 13:5

Lâ güieꞌ xnahc nac laꞌd laꞌd gahc, lehdy gann laꞌd bâḻ ulihbu rtzoo laꞌd ni rlíladzy laꞌd; lâ güieꞌ xnahc nac laꞌd laꞌd gahc. ¿Nehx nann laꞌd de ni nu Jesucrist leññ xguîlmbahñ laꞌd la, bâḻ uliu nu laꞌd no Jesucrist?

GÁLATAS 2:20

Naa rahc cuent guhtyaꞌ cueen lo cruzy no Crist. No ba dac‑e naa ni mbahñ, ba Crist‑e nu leññ dguîlmbahñaꞌ. No ni mbahñaꞌ ni naꞌ la, mbahñaꞌ we porni rlídadzyaꞌ Xiiñ Dioz ni ndzi naa no ni guhty por naa.

EFESIOS 3:17

no Crist tzuno me laꞌd leññ xguîlmbahñ laꞌd porni rlíladzy laꞌd leeme. No rnabaꞌ lo Dioz di csaꞌn ni gzacbeeiy laꞌd leeme no guîntzi saꞌ laꞌd, lehdy gac laꞌd beeiy to yahg ni zu ndip, no beeiy to yuꞌ ni byruu nieꞌ zaꞌgndzi.

FILIPENSES 1:11

Porni Jesucrist gacno lehdy ctzoo laꞌd ni nac xñahzû, no mod-wé gzacbeeiy meññ Dioz no zguguia yâme leeme.

COLOSENSES 1:23

Per racladzyu tzu laꞌd zaꞌgndzi de lo ni rlíladzy laꞌd sinn di gyxiññladzy laꞌd de ni ba nann laꞌd, no di csaꞌn laꞌd ni gabiahz laꞌd ni rnii xtiidz Crist ni bieññ laꞌd. No xtiidz me ba bigyu meññ leeu gydo lo guiedzylie; no naa, Pabl, nacaꞌ meññ ni rtzoo dziiñ rigyunonu meññ.

COLOSENSES 1:27

Dioz racladzy me gann yâme nirieꞌ ni güyungaꞌdzy ni zidguiahc to ni modni rsahc ni beeiy ycaꞌ meññ-nehx meññ-Isṟael. No nirieꞌ naꞌ, leeu we de ni nu Crist leññ xguîlmbahñ laꞌd, no gabiahz laꞌd to xroꞌ ni mos ni ziaad ziaꞌ.

COLOSENSES 2:6

Leewe, sca-ze ba rlíladzy laꞌd Jesucrist ni rtzoo mdad, lâ ctzoo ni ne me porni nu laꞌd no leeme.

1 TESALONICENSES 3:5

No leezuwe, ru ba di ñaḻ ntibdadzyraꞌ, pshaalaꞌ diidz lehdy gannaꞌ xnahc nu laꞌd de ni bylíladzy laꞌd, duhn nquihly bêndzab laꞌd ntzoo laꞌd ni nehx riuꞌladzy Dioz, no baty ñaꞌn dziiñ ni ptzoo noꞌ xleꞌ.

HEBREOS 10:39

Per nó naꞌ, dac‑e meññ ni riatrxan nó no nnihty nó, mazyg rlídadzy nó Dioz no leewe zlaa nó.

1 JUAN 2:6

Dxu rnii ne nu no Dioz la, rahp de ni tzu beeiy gahc mod-güyuꞌ Jesucrist lo guiedzylie.

2 JUAN 1:9

Nitisy dxu gyrusytzu de lo ni bluu Crist, xilgar ni ñan-no meu la, nehx nu me no Dioz. No dxu nehx rsaꞌn ni bluu Crist, wé we nu no dTad nó Dioz no Xiiñ me.