JUAN 13:8 - Zapotec Guevea de Humboldt New Testament

⁸ Ra Pedr leeme: ―Nehx beeiy gdedyaꞌ ñahz quiibyiꞌ dnien. Ra Jesúz leeme: ―Bâḻ di quiibyaꞌ nieꞌy la, di zaḻ gacriꞌ dmeññaꞌ.

JUAN 13:8 Iomraidhean Croise

MATEO 16:22

Were güloo Pedr leeme diby lad, no guzlo ndush bia nacu rnii me ze, no gaya leeme: ―¡Dioz di ñahcladzy, Señor! ¡Nehx zahquiꞌ gyre mod-neꞌy!

MATEO 21:29

Ra xiiñ me leeme: “¡Nehx neu naa tzan!” Per luxu gyzac ne xiiñ me: “Beeiydí tzan ru gashahl dtadaꞌ naa”, no za me.

MATEO 26:33

Ra Pedr leeme: ―Nîcze gyre yâme csaꞌn lii, naa nehx ssanaꞌ lii.

MATEO 26:35

Gyzac ra Pedr Jesúz: ―Nîcze gatyaꞌ no lii, per nehx zapyaꞌ di rzacloꞌn lii. No zrieñ xmeññ me günii mod-ne gahc Pedr.

JUAN 13:6

Ru ba dzictiiby me nieꞌ Pedr‑e naꞌ, ra Pedr leeme: ―Señor, ¿aaḻ lii quiibyiꞌ dnien la?

JUAN 13:9

Were ra Pedr leeme: ―Señor, ¡di quiibyiꞌ nunzy dnien, güdihby dñan no diqyaꞌ zegahc!

JUAN 3:5

Ra Jesúz leeme: ―Gapyaꞌ lii ni uli, dxu di gahl de nzeꞌ no de xiSpirt Dioz, nehx beeiy tzu ru rtzoo Dioz mdad.

HECHOS 22:16

Per naꞌ, biahsiꞌ, di gyleeriꞌ. Güya bigyrôbnihs, no günab lo Señor guiar xguîlquiey.”

1 CORINTIOS 6:11

Ba xtze mod-wé guhc lahd laꞌd; per naꞌ ba biar xguîlmbahñ laꞌd, no ba ptzoo me laꞌd nunzy par leeme, no ba pteedy me laꞌd beeiy ni nehx nzahby guîlquie por Jesucrist ni rtzoo mdad no por xiSpirt tDioz nó.

EFESIOS 5:26

Ptzoo Crist ze lehdy ptzoo me xmeññ me nunzy par leeme, no ba ptzunyar me xguîlmbahñ yâme por xtiidz me scâsy to cos ni riar no nzeꞌ,

COLOSENSES 2:18

Di gdee laꞌd ñahz gboo ndruhty ni mos ni riscady Dioz laꞌd. Meññ-rieꞌ yahc naꞌ, rdedy yâme beeiy meññ-nehx rguguia leegahc, no rzacbeeiy yâme ángel yahc. Ne yâme rtzoo yâme ni rnii xcaaḻ yâme, no rtzoo yâme beeiy meññ ni ma rsahc mod-nehzy ihqy yâme.

COLOSENSES 2:23

Rluuw xñahzu mod-rieꞌ, sca mod-guîlnann‑e leeu, porni modni ngann par ctzoo meññ gyre mod-neu. Racladzyu xtahl guîlrzacbeeiy, no di cuguia meññ leegahc, no ctzoo csahc xcuerp yâme; per luxu nehx xñahzu, nehx riscuiahzu meññ de ni rtzoo yâme ni nahcsy ni nehzy ihqy yâme.

TITO 3:5

Leeme bislaa me nó, nehx porni ptzoo nó behch ni nac xñahzû, mazyg porni bioob me nó. Ptzunyar me dguîlmbahñ nó beeiy ni guhl nó gyzac, no cuaꞌ nó to guîlmbañ-coby por Spirt-Sant.

HEBREOS 10:22

no leewe, gybigy nó gahsh de Dioz no gydo guîlmbahñ, no gylídadzy nó no di yqueꞌdadzy nó mbehty; porni ba ptzunye me dguîlmbahñ nó lehdy gap nó guîlrieñ-nye, no beeiy ni biar dcuerp nó no nze-nyar.

APOCALIPSIS 1:5

no de Jesucrist ni rdee diidz ni nac ni uli. Leeme we ni gübahñ nier de lahd mînguty, no leeme rtzoo mdad gyre ṟeiy ni nu lo guiedzylie. Jesucrist, ndzi me nó, no bislaa me nó de gyre dguîlquie nó dze-guhty me no byxieꞌ xrieñ me,

APOCALIPSIS 7:14

Were ren leeme: ―Lii nanniꞌ, señor. Were ra me naa: ―Leeyâme we ni güdedy to xroꞌ ni nadz, no nehx ptzubeedy xguîlmbahñ yâme, zidguiahcu beeiy ni güdihby shab yâme, no ptzunquitzy yâmeu por xrieñ Xiily.