JUAN 12:50 - Zapotec Guevea de Humboldt New Testament

⁵⁰ No nannaꞌ ni rtzoo dTadaꞌ mdad ctzoo meññ, rdeedyu guîlmbahñ ni nehx zluhx. Leewe ni rnin, niwé gahc ne dTadaꞌ gynin.

JUAN 12:50 Iomraidhean Croise

JUAN 17:3

Lihzy‑e ni ulihb Dioz lee, no bâḻ gzaclo yâme lii no naa ni pshahliꞌ lee, were zahp yâme guîlmbañ-wé ni nehx zluhx.

JUAN 20:31

Per ni ganii lo guetzy-rieꞌ güyaau lehdy gylíladzy laꞌd Jesúz, leeme nac Crist, Xiiñ Dioz, no lehdy hor-gylíladzy laꞌd leeme, gap laꞌd guîlmbahñ ni nehx zluhx.

JUAN 5:19

Ra Jesúz leeyâme: ―Gapyaꞌ laꞌd ni uli, nehx rtzoo Xiiñ Dioz mbehty tohg me; ni rwieꞌ me rtzoo xTad me, wé we rtzoo me. Gyre ni rtzoo xTad me, niwé gahc‑e rtzoo me.

JUAN 6:63

XiSpirt Dioz‑e ni rdee guîlmbahñ ni nehx zluhx; nehx nu to meññ ni beeiy ndee leeu. No ni gayapyaꞌ laꞌd ziaadu de xiSpirt Dioz, no rdeedyu guîlmbahñ ni nehx zluhx.

JUAN 6:68

Ra Simoṉ-Pedr leeme: ―Señor, ¿per dxu we beeiy nisnaaḻ noꞌ lee? Diidz ni runoy meññ, leeu we zidno guîlmbahñ ni nehx zluhx.

JUAN 8:28

No leewe, ra Jesúz leeyâme: ―Naa we Mpyquie-Pshahl Dioz Lee, no dze-ba gülesy laꞌd naa lo cruzy, were zann laꞌd naa we ni ba gahc nu, no nehx rtzon mbehty ni ne dguîlriehñaꞌ, mazyg ni rluu dTadaꞌ naa, wé we rtzon.

1 TIMOTEO 1:16

No por leeu naa ni ma nac meññ-guîlquie, bioob Dioz naa, lehdy güieꞌ meññ de ni Jesucrist nehx pshacladzy me bioob me naa; no modé gahc‑e rioob me zrieñ lehdy ycaꞌ yâme guîlmbahñ ni nehx zluhx, bâḻ leeyâme gylíladzy yâme xtiidz Crist.

1 JUAN 2:25

No Crist ba bdee xtiidz me nó gdee me nó guîlmbahñ ni nehx zluhx.

1 JUAN 5:20

Per nann nó Xiiñ Dioz biahd me, bdee me nó guîlbyniꞌ lehdy gzaclo nó ni ulihbu lee Dioz; no nu nó no ni nac ni uli, leewe Xiiñ me Jesucrist. Leeme we ni ulihbu Dioz, no leeme we ni rdee guîlmbahñ ni nehx zluhx.