JUAN 12:46 - Zapotec Guevea de Humboldt New Testament

⁴⁶ Naa nacaꞌ beeiy byniꞌ, no biaḻaꞌ lo guiedzylie lehdy dxu gylíladzy naa nehx ziaꞌn me beeiy lo guibcawy.

JUAN 12:46 Iomraidhean Croise

MATEO 4:16

Meññ-nu beeiy to lo guibcawy bwieꞌ to byni-ro, no meññ-nu beeiy lo ximble guîlguhty, güyuꞌ to byni-ro par lee.

LUCAS 2:32

No leeme we ni gac beeiy to byniꞌ ni gacno meññ-nehx meññ-Isṟael, lehdy gann yâme xtiidziꞌ, no zegahcu xmeññiꞌ, meññ-Isṟael, lehdy guiasguia yâme.

JUAN 1:9

No ni ulihbu lee nac byni-rieꞌ, ziaad me lo guiedzylie, zidno me guîlbyniꞌ par gyre meññ.

JUAN 3:19

No por nirieꞌ we gynihty meññ lo xguîlquie: porni biahd ni nac beeiy byniꞌ lo guiedzylie, per meññ aaḻ ma biuꞌladzy yâme ni nac beeiy guibcawy, no nehx biuꞌladzy yâme ni nac beeiy byniꞌ, porni rtzoo yâme ni nahcsy yahc.

JUAN 8:12

Gyzac günino Jesúz meññ, ra me: ―Naa zidguiahcaꞌ beeiy byniꞌ par meññ-nu lo guiedzylie; dxu gac dmeññaꞌ, lee nehx ziuꞌ beeiy lo guibcawy, mazyg zahp me beeiy byniꞌ ni rdee guîlmbahñ ni nehx zluhx.

JUAN 9:39

Luxu ne Jesúz: ―Naa biaḻaꞌ lo guiedzylie-rieꞌ lehdy gynin ni nac meññ; dxu zidguiahc beeiy ngaḻ la, güieꞌ yâme porni rlíladzy yâme naa; no dxu ne rwieꞌ per nehx rlíladzy naa, gac beeiy ngaḻ.

JUAN 9:5

Leegâ nun lo guiedzylie, naa zidguiahcaꞌ beeiy byniꞌ par meññ-nu lo guiedzylie.

HECHOS 26:18

par gluuy leeyâme ni uli de naa, lehdy gyruu yâme de lo guibcawy, guiaad yâme lo byniꞌ, no lehdy di ctzoor bêndzab mdad leeyâme, no ctzoo yâme ni ne Dioz; no gylíladzy yâme naa lehdy csiaaḻdadzyaꞌ xguîlquie yâme, no mod-wé zdee Dioz leeyâme ni ycaꞌ meññ ni ba nac nunzy par leeme.”

EFESIOS 5:14

Leewe neu: Psiuꞌ loꞌy, lii ni zidguiahc beeiy ni nishcahsy; biahsiꞌ de lahd beeiy mînguty, no Crist cu xibyniꞌ me lii.