JUAN 12:3 - Zapotec Guevea de Humboldt New Testament

³ Bidno Maríe beeiy glaꞌy litr ceitnixye ni güyaa no ni le nardo ni nehx nutz mbehty, no ni modni xguiaꞌ. Güluꞌ meu nieꞌ Jesúz, no luxu pchee meu no xguitz-ihqy me. No gucnixye gydo leññ yuꞌ.

JUAN 12:3 Iomraidhean Croise

LUCAS 10:42

Tohzy ni ma rquihñ‑e nu par ctzoo meññ; lee we ni ba güle Maríe, no ndruhty nehx zboo leeu leeme.

LUCAS 7:46

Ni di nguꞌy ceihd diqyaꞌ. No leeme güluꞌ me ceitnixye dnien.

JUAN 11:2

Maríe naꞌ, byzan Lasr ni gayac-ure, leeme we ni güluꞌ ceitnixye nieꞌ Jesúz no pchee me leeu no xguitz-ihqy me.

JUAN 11:28

Bylux günii Mart ze, bigyne me Maríe ra me lee ngaꞌdzy gá: ―Muextr ba bydzihñ, no ne me tzaꞌy ru zu me.

JUAN 11:32

Hor-bydzihñ Maríe ru zu Jesúz, bisshiby gahc me lo, no ra me lee: ―Señor, bâḻ lii ñuꞌy neꞌ, nehx ñehty dsanaꞌ.

JUAN 19:39

Zegahc bydzihñ Nicodem, bidno beeiy treint kil ni nixye ni güyaa no mirra no nutzu áloe. Nicodem, leeme ni güya ru nu Jesúz to guiaal.