JUAN 11:43 - Zapotec Guevea de Humboldt New Testament

⁴³ Bylux günii me ze, günii me ma ndip, ne me: ―¡Lasr, byruu de wé!

JUAN 11:43 Iomraidhean Croise

MARCOS 4:41

Per leeyâme, modni gadzie yâme no ganabdiidz saꞌ yâme, ra yâme: ―¿Dxuz‑e leeme mpyquie-rieꞌ? ¡Xnahc‑e xtâ mbedun no nisdoo rzoob xtiidz me!

JUAN 11:42

Nannaꞌ lii rieññiꞌ naa; per ren ze porni rioobaꞌ meññ-zu yahc neꞌ, no lehdy gylíladzy yâme lii we pshahl naa.

JUAN 11:44

No byruu gahc Lasr leññ baa no ba mbahñ me, nraḻ lahr nieꞌ me no ña me, no ndaagü lo me no sto lahr. Were ra Jesúz leeyâme: ―Lâ gboo lahr ni nraḻ me lehdy tza me.

JUAN 12:1

Shoꞌb dzé antzy ni gac lni-Pascü, güya Jesúz guiedzy-Betania, ru nu Lasr ni bispahñ me lee de ni guhty.

JUAN 12:9

Xtahl meññ-Isṟael gunn nu Jesúz guiedzy-Betania, no güya yâme uga, nehx nunzy par güieꞌ yâme Jesúz, mazyg zegahc par güieꞌ yâme Lasr ni bispahñ Jesúz lee de ni guhty.

HECHOS 3:12

Hor-bwieꞌ Pedr‑e naꞌ gadohp meññ, were ra me leeyâme: ―Meññ-Isṟael, ¿bia nacu rtzunadz laꞌd no bia nacu gawiedzie laꞌd noꞌ? ¿Nlâdzy laꞌd noꞌ psiaḻ mpyquie-rieꞌ nunzy porni rwieꞌ laꞌd beeiyu noꞌ, o porni rzacbeeiy noꞌ Dioz la?

HECHOS 3:6

Ra Pedr leeme: ―Nehx zidnon medy-plat ni medy-or par ndedyaꞌ lii, per ni rapaꞌ, wé we gdedyaꞌ lii; leewe gayapyaꞌ lii, por le Jesucrist meññ-Nasaret, biahsiꞌ no güzeꞌ.

HECHOS 9:34

Were ra Pedr leeme: ―Eneaz, Jesucrist csiaḻ lii. Biahsiꞌ, gülesy xluꞌniꞌ. No hor-caḻ gahc biahs Eneaz.

HECHOS 9:40

Luxu güloo Pedr meññ-wé yahc stziuꞌ. No bisshiby me günab me lo Dioz; byluxu bwieꞌ me ru nash xcuerp Dorc, no ra me lee: ―¡Tabita, biahsiꞌ! No byxal gahc lo Dorc. No scâsy bwieꞌ me Pedr, gürieli me.